ಪ್ರೇಮಾ ಬಾಳಲ್ಲಿ ಬಿರುಗಾಳಿ ಎಬ್ಬಿಸಿದ್ದ ಆ ಎರಡು ಘಟನೆ ಬಗ್ಗೆ ಮಾತನಾಡ್ತಾರಾ?

ಆರೋಗ್ಯದ ಬಗ್ಗೆ ಸ್ಪಷ್ಟನೆ ನೀಡಬಹುದು

ನಟಿ ಪ್ರೇಮ ಅವರ ಆರೋಗ್ಯದ ಬಗ್ಗೆ ಹಲವು ಊಹಾಪೋಹಗಳು ಹರಿದಾಡಿದ್ವು. ಸಿನಿಮಾರಂಗದಿಂದ ಪ್ರೇಮಾ ದೂರವಾಗಲು ಅವರ ಅನಾರೋಗ್ಯ ಕಾರಣ ಎಂದು ಹೇಳಲಾಗುತ್ತಿದೆ. ಒಂದು ಮೂಲದ ಪ್ರಕಾರ ಪ್ರೇಮಾಗೆ ಕ್ಯಾನ್ಸರ್ ಇತ್ತು ಎಂದು ದೊಡ್ಡ ಚರ್ಚೆಯಾಗಿತ್ತು.

ಶಾರ್ಟ್ ಹೇರ್ ಮಾಡಿಸಿದ್ದು ಚರ್ಚೆಗೆ ಪುಷ್ಠಿ ನೀಡಿತ್ತು

ಇದೇ ಸಮಯದಲ್ಲಿ ಪ್ರೇಮಾ ಅವರು ಶಾರ್ಟ್ ಹೇರ್ ಸ್ಟೈಲ್ ಬೇರೆ ಮಾಡಿಸಿದ್ದರು. ಇದು ಅವರ ಅನಾರೋಗ್ಯಕ್ಕೆ ಮತ್ತಷ್ಟು ಪುಷ್ಠಿ ನೀಡಿತ್ತು. ಅದೇ ಸಮಯದಲ್ಲಿ 'ಶಿಶಿರ' ಸಿನಿಮಾದಲ್ಲಿ ನಟಿಸಿದ್ದರು. ಪ್ರೇಮಾ ಆರೋಗ್ಯದ ಬಗ್ಗೆ ಹರಿದಾಡಿದ್ದ ಸುದ್ದಿ ನಿಜಾ ಇರಬಹುದು ಎಂದು ಅನೇಕರು ನಂಬಿದರು. ಆದ್ರೆ, ಖಾಸಗಿ ವಾಹಿನಿಯೊಂದಕ್ಕೆ ಈ ಬಗ್ಗೆ ಪ್ರತಿಕ್ರಿಯೆ ನೀಡಿದ್ದ ಪ್ರೇಮಾ ''ಇದೆಲ್ಲಾ ಸುಳ್ಳು, ನಾನು ಆರೋಗ್ಯವಾಗಿದ್ದೀನಿ'' ಎಂದಿದ್ದರು.

ಸಾಂಸಾರಿಕ ಜೀವನದಲ್ಲಿ ಬಿರುಕು ಇದ್ಯಾ?

2006ರಲ್ಲಿ ಜೀವನ್ ಅಪ್ಪಚ್ಚು ಅವರನ್ನ ನಟಿ ಪ್ರೇಮಾ ಮದುವೆ ಆಗಿದ್ದರು. ಆದ್ರೆ, ಇವರಿಬ್ಬರ ಸಂಸಾರ ಅಂದುಕೊಂಡಂತೆ ಚೆನ್ನಾಗಿರಲಿಲ್ಲ ಎಂಬ ಮಾತಿದೆ. ದಾಂಪತ್ಯದಲ್ಲಿ ಬಿರುಕು ಇದ್ದ ಕಾರಣ ವಿಚ್ಛೇದನಕ್ಕೆ ಮುಂದಾಗಿದ್ದರು ಎಂಬ ಚರ್ಚೆಯೂ ಆಗಿತ್ತು. ಈ ಬಗ್ಗೆ ಸ್ಪಷ್ಟ ಮಾಹಿತಿ ಪ್ರೇಮಾ ಅವರೇ ಹೇಳಬೇಕಿದೆ.

ಪ್ರೋಮೋದಲ್ಲಿ ಸುಳಿವು ನೀಡಲಾಗಿದೆ

ವೀಕೆಂಡ್ ವಿತ್ ರಮೇಶ್ ಕಾರ್ಯಕ್ರಮದಲ್ಲಿ ಪ್ರೇಮಾ ಭಾಗವಹಿಸಿರುವ ಪ್ರೋಮೋ ಬಿಡುಗಡೆಯಾಗಿದ್ದು, ಈ ಎರಡು ವಿಷ್ಯದ ಬಗ್ಗೆ ನಟಿ ಮಾತನಾಡಿದ್ದಾರೆ. ಆ ಪ್ರೋಮೋದಲ್ಲಿ ಇದು ಬಹಿರಂಗವಾಗಿದ್ದು, ಸಹಜವಾಗಿ ಕುತೂಹಲ ಕಾಡುತ್ತಿದೆ. ಈ ವಾರ ಪ್ರೇಮಾ ಎಪಿಸೋಡ್ ಟೆಲಿಕಾಸ್ಟ್ ಆಗುತ್ತಿದ್ದು, ಸತ್ಯಾಂಶ ಏನೂ ಎಂಬುದು ಅವರಿಂದಲೇ ತಿಳಿಯಲಿದೆ.