ಶಿವಣ್ಣನ 'ನಂ 1 ಯಾರಿ' ಕಾರ್ಯಕ್ರಮಕ್ಕೆ ಬಂದ ತಮಿಳು ಸ್ಟಾರ್ !

ಆರ್ಯ

ತಮಿಳಿನಲ್ಲಿ ಸಾಕಷ್ಟು ಸೂಪರ್ ಹಿಟ್ ಸಿನಿಮಾಗಳನ್ನು ಮಾಡಿರುವ 'ರಾಜ ರಾಣಿ' ಚಿತ್ರದ ಖ್ಯಾತಿಯ ನಟ ಆರ್ಯ ಈ ಮೊದಲ ಬಾರಿಗೆ ಕನ್ನಡ ಕಿರುತೆರೆಯ ಕಾರ್ಯಕ್ರಮಕ್ಕೆ ಬಂದಿದ್ದಾರೆ. ಶಿವರಾಜ್ ಕುಮಾರ್ ಮುಂದೆ ಕುಳಿತು ಅವರು ಕೇಳುವ ತಮಾಷೆ ಪ್ರಶ್ನೆಗಳಿಗೆ ಆರ್ಯ ಉತ್ತರಿಸಲಿದ್ದಾರೆ.

'ರಾಜರಥ' ತಂಡ ಹಾಜರಿ

'ರಾಜರಥ' ಚಿತ್ರ ಕಳೆದ ಶುಕ್ರವಾರ ರಿಲೀಸ್ ಆಗಿತ್ತು. ಈ ಹಿನ್ನಲೆಯಲ್ಲಿ 'ರಾಜರಥ' ಚಿತ್ರತಂಡ 'ನಂ 1 ಯಾರಿ ವಿತ್ ಶಿವಣ್ಣ' ಕಾರ್ಯಕ್ರಮಕ್ಕೆ ಬೇಟಿ ನೀಡಿತ್ತು. ಸಿನಿಮಾದ ನಿರ್ದೇಶಕ ಅನೂಪ್ ಭಂಡಾರಿ, ನಾಯಕ ನಿರೂಪ್ ಭಂಡಾರಿ, ನಟಿ ಅವಾಂತಿಕ ಶೆಟ್ಟಿ ಇವರ ಜೊತೆಗೆ ಆರ್ಯ ಕಾರ್ಯಕ್ರಮದ ವಿಶೇಷ ಅತಿಥಿ ಆಗಿದ್ದಾರೆ.

ಕನ್ನಡಕ್ಕೆ ಎಂಟ್ರಿ

ಕಾಲಿವುಡ್ ಸಿನಿಮಾ ಮೂಲಕ ಸೌತ್ ಸಿನಿಮಾ ರಂಗದಲ್ಲಿ ಗುರುತಿಸಿಕೊಂಡಿದ್ದ ಆರ್ಯ ಈಗ ಕನ್ನಡಕ್ಕೆ ಕಾಲಿಟ್ಟಿದ್ದಾರೆ. 'ರಾಜರಥ' ಸಿನಿಮಾ ಅವರ ಮೊದಲ ಕನ್ನಡ ಸಿನಿಮಾವಾಗಿದೆ. ಈ ಚಿತ್ರದಲ್ಲಿ ನಿರೂಪ್ ಭಂಡಾರಿ ಅವರ ಅಣ್ಣನ ಪಾತ್ರದಲ್ಲಿ ಆರ್ಯ ಅಬ್ಬರಿಸಿದ್ದಾರೆ.

ಈ ಭಾನುವಾರ ಪ್ರಸಾರ

ಆರ್ಯ ಅವರ ಈ ವಿಶೇಷ ಸಂಚಿಕೆ ಇದೇ ಭಾನುವಾರ ರಾತ್ರಿ 8 ಗಂಟೆಗೆ ಸ್ಟಾರ್ ಸುವರ್ಣ ವಾಹಿನಿಯಲ್ಲಿ ಪ್ರಸಾರ ಆಗಲಿದೆ. ಈಗಾಗಲೇ ಈ ಸಂಚಿಕೆಯ ಪ್ರೊಮೋ ಹೊರಬಂದಿದೆ. ಕಾರ್ಯಕ್ರಮದ ನಡುವೆ ಶಿವಣ್ಣ ಇಡೀ ಟೀಂ ಜೊತೆಗೆ ಸೇರಿ ಡ್ಯಾನ್ಸ್ ಮಾಡಿದ್ದಾರೆ.

ಸುದೀಪ್ ಸಂಚಿಕೆ

ನಟ ಸುದೀಪ್ ಸಹ 'ನಂ 1 ಯಾರಿ ವಿತ್ ಶಿವಣ್ಣ' ವೇದಿಕೆ ಏರಿದ್ದಾರೆ. ಸುದೀಪ್ ಸಂಚಿಕೆ ಈಗಾಗಲೇ ಚಿತ್ರೀಕರಣವಾಗಿದೆ. ಸುದೀಪ್ ಜೊತೆಗೆ ಯಾರಿ ಆಗಿ ನಿರ್ದೇಶಕ ಪ್ರೇಮ್ ಸಾಥ್ ನೀಡಿದ್ದಾರೆ. ಮುಂದಿನ ಭಾನುವಾರ ಈ ಸಂಚಿಕೆ ಪ್ರಸಾರ ಆಗುವ ಸಾಧ್ಯತೆ ಇದೆ.