Marali Manasagide serial: ಬಿಡುವು ಸಿಕ್ರೆ ಸಾಕು ಈ ಧಾರಾವಾಹಿಯ ತಾರೆಯರು ಹೇಗೆಲ್ಲಾ ಟೈಮ್ ಪಾಸ್ ಮಾಡ್ತಾರೆ ನೋಡಿ

ಶೂಟಿಂಗ್ ವೇಳೆ ತಾರೆಯರು ಹೇಗಿರುತ್ತಾರೆ?

ಒಮ್ಮೆ ಸೀರಿಯಲ್ ಶೂಟಿಂಗ್ ಶುರು ಮಾಡಿದ್ರೆ, ನೂರೆಂಟು ಖರ್ಚುಗಳು ನಿರ್ಮಾಪಕ ತಲೆಯ ಮೇಲಿರುತ್ತೆ. ಹೀಗಾಗಿ ಒಂದು ದಿನದಲ್ಲಿ ಎಷ್ಟು ಎಪಿಸೋಡ್ ಗಳನ್ನು ಶೂಟ್ ಮಾಡೋದಕ್ಕೆ ಸಾಧ್ಯವೋ ಅಷ್ಟನ್ನು ಶೂಟ್ ಮಾಡಿರುತ್ತಾರೆ. ಮನೆ ಒಳಗೆ ನಡೆಯುವಂತಹ ಸ್ಟೋರಿ ಆದರೆ ನಟ-ನಟಿಯರಿಗೂ ಸಮಸ್ಯೆ ಆಗುವುದಿಲ್ಲ. ಆದರೆ ಕೆಲವೊಮ್ಮೆ ಹೊರಂಗಾಣದ ಶೂಟಿಂಗ್ ಇರುತ್ತೆ. ಈ ಬಿಸಿಲಲ್ಲಿ ಶಾಟ್ ಓಕೆ ಆಗುವವರೆಗೂ ನಿಲ್ಲಬೇಕು. ಇದು ಕೆಲವೊಮ್ಮೆ ತಾರೆಯರಿಗೆ ಸಿಕ್ಕಾಪಟ್ಟೆ ತ್ರಾಸು ಆಗದೆ ಇರುವುದಿಲ್ಲ. ಒಂದು ಅರ್ಧ ಗಂಟೆ ಸಮಯ ಸಿಕ್ಕರೆ ಸಾಕಪ್ಪ ಅಂತ ಕಾಯುವ ನಟ-ನಟಿಯರು ಏನು ಮಾಡ್ತಾರೆ ಅಂತ ನೋಡಿ.

ಮೇಕಪ್ ರೂಮ್‌ನಲ್ಲೇ ಮಹಿಳಾ ಮಂಡಳಿ

ಧಾರಾವಾಹಿಯನ್ನು ಟಿವಿಯಲ್ಲಿ ನೋಡುವವರಿಗೆ ತೆರೆಹಿಂದಿನ ಕೆಲವೊಂದು ದೃಶ್ಯಗಳು ಗೊತ್ತಿರೋದಿಲ್ಲ. ಶೂಟಿಂಗ್ ಸ್ಪಾಟ್‌ನಲ್ಲಿ ಮಹಿಳೆಯರಿಗೆ ಒಂದು ಕೊಠಡಿ, ಪುರುಷರಿಗೆ ಒಂದು ಕೊಠಡಿ ಇರುತ್ತೆ. ಇದು ಸಹಜ ಕೂಡ. ಇದರಲ್ಲೇನು ಹೊಸತಿಲ್ಲ. ಹೀಗೆ ಮಹಿಳಾ ಮಣಿಯರೆಲ್ಲಾ ಒಟ್ಟಿಗೆ ಸೇರಿದಾಗ ಹರಟೆ, ಪಾತ್ರದ ಬಗ್ಗೆ ಸಾಕಷ್ಟು ಡಿಸ್ಕಷನ್ಸ್ ನಡೆಯುತ್ತಾ ಇರುತ್ತೆ. ಆ ಸಂಧರ್ಭದಲ್ಲಿ ಅವರ ಹರಟೆ, ಎಂಜಾಯ್ಮೆಂಟ್ ನೋಡುವುದೇ ಒಂದು ಖುಷಿ. ಅದೆಲ್ಲಾ ಹೇಗೆ ಸಿಗುತ್ತೆ ಹೇಳಿ. ನಾವೇನು ಶೂಟಿಂಗ್ ಸ್ಪಾಟ್‌ಗೆ ಹೋಗೋದಕ್ಕೆ ಆಗುತ್ತಾ? ಅದಕ್ಕಂತಲೇ ಸೋಶಿಯಲ್ ಮೀಡಿಯಾ ಇದೆಲ್ಲಾ. ತಾರೆಯರು ಹೇಗೆ ಟೈಮ್ ಪಾಸ್ ಮಾಡ್ತಾರೆ ಅನ್ನುವ ವಿಡಿಯೋ ಇಲ್ಲಿ ಸಿಕ್ಕಿಬಿಡುತ್ತೆ.

ಸೀರಿಯಲ್‌ನಲ್ಲಿ ಸಖತ್ ಟ್ವಿಸ್ಟ್

ಇತ್ತೀಚೆಗೆ ಸೀರಿಯಲ್ ಕಾನ್ಸೆಪ್ಟ್ ತುಂಬಾ ಬದಲಾಗಿದೆ. ರಿಚ್ ಎನಿಸುವ ದೃಶ್ಯ ವೈಭವಗಳು ಕಣ್ಣಿಗೆ ರಾರಾಜಿಸುತ್ತವೆ. ಎಂಗೆಜ್ಮೆಂಟ್, ಮದುವೆ ಸೇರಿದಂತೆ ಹಲವು ಕಾರ್ಯಕ್ರಮಗಳು ಅದ್ದೂರಿ ಸೆಟ್ ನಲ್ಲಿ ಜರುಗುತ್ತವೆ. ಮದುವೆ-ಶಾಸ್ತ್ರ-ಸಂಪ್ರದಾಯ ಅಂದರೆ ಕೇಳಬೇಕಾ..? ಜನಸಂಖ್ಯೆ ಕಡಿಮೆ ಏನು ಇರಲ್ಲ. ಅದ್ದೂರಿ ಮೇಕಪ್ ಜೊತೆಗೆ ಸುತ್ತುವರೆದ ಜನರ ನಡುವೆ ಟೇಕ್ ಗಳನ್ನು ತೆಗೆದುಕೊಳ್ಳುತ್ತಲೇ ಇರುತ್ತಾರೆ. ಫೈನಲ್ ಆಗೋ ತನಕ, ಡೈರೆಕ್ಟರ್‌ಗೆ ಇಷ್ಟವಾಗೋ ತನಕ ಏನೇ ಬಿಸಿಲಿರಲಿ ಕಾಂಪ್ರಮೈಸ್ ಆಗೋ ಮಾತೇ ಇಲ್ಲ.

ಗ್ಯಾಪ್‌ನಲ್ಲಿ ತಾರೆಯರ ನಿದ್ದೆ

ಟೇಕ್ ಎಲ್ಲಾ ಓಕೆ ಆದ ಮೇಲೆ ಊಟ ಮುಗಿದ ಕೂಡಲೇ ಗ್ಯಾಪ್‌ನಲ್ಲೊಂದು ಬ್ರೇಕ್ ಇರುತ್ತಲ್ಲ, ಇದೇ ತುಂಬಾ ಮುಖ್ಯವಾದ ಸಮಯ. ತುಂಬಾ ನೆಮ್ಮದಿಯ ಸಮಯವಾಗಿರುತ್ತೆ. ಮಂಚದ ಮೇಲೆ ಇದ್ದ ಮೇಕಪ್‌ನಲ್ಲೇ ಹಾಗೆ ಉರುಳಿಕೊಂಡರೆ ಸ್ವರ್ಗಕ್ಕೆ ಕಿಚ್ಚು ಹಂಚೆದ್ದ ಹಾಗೆ. ನೋಡಿ ತಾರೆಯರೆಲ್ಲಾ ಹಾಗೇ ನಿದ್ದೆಗೆ ಜಾರಿರುತ್ತಾರೆ. ಆ ವಿಡಿಯೋ ಬಗ್ಗೆ ಕಿರುತೆರೆ ಪ್ರಿಯರು ಫಿದಾ ಆಗಿದ್ದಾರೆ.