ಗಂಡ ಇಲ್ಲ ಮಗು ಇಲ್ಲ, ಆರೋಗ್ಯ ಚೆನ್ನಾಗಿದೆ: ಪ್ರೇಮಾ ಕುರಿತು ಸದ್ಯಕ್ಕೆ ಇಷ್ಟೇ ಸತ್ಯ

ವೈವಾಹಿಕ ಜೀವನದ ಬಗ್ಗೆ 'ನೋ' ಕಾಮೆಂಟ್ಸ್

ಪ್ರೇಮಾ ವೈವಾಹಿಕ ಜೀವನದ ಬಗ್ಗೆ ನಿರೂಪಕ ರಮೇಶ್ ಪ್ರಶ್ನಿಸಿದರು. ಮದುವೆ ಆಗುತ್ತೆ, ಅಲ್ಲಿಂದ ಜೀವನ ಹೇಗಿತ್ತು, ಹೇಗಿದೆ, ಈಗ ಹೇಗೆ ನಡೆಯುತ್ತಿದೆ ಎಂದು ಕೇಳಿದ್ದಕ್ಕೆ ಕೆಲವು ಸೆಕೆಂಡ್ ಗಳ ಕಾಲ ಮೌನವೇ ಅವರ ಉತ್ತರವಾಗಿತ್ತು. ನಂತರ 'ನೋ ಕಾಮೆಂಟ್ಸ್' ಎಂದು ಹೇಳಿ ಮುಂದೆ ಹೋಗೋಣ ಎಂದು ಸೂಚಿಸಿದರು.

ಆರೋಗ್ಯದ ಬಗ್ಗೆ ಸುಳ್ಳು ಸುದ್ದಿ ಹರಿದಾಡಿದೆ

ಪ್ರೇಮಾ ಅವರ ಆರೋಗ್ಯ ಬಗ್ಗೆ ಹಲವು ವದಂತಿಗಳು ಕೇಳಿ ಬಂದವು. ಆ ಬಗ್ಗೆ ಮಾತನಾಡಿದ ಪ್ರೇಮಾ ''ನನ್ನ ಆರೋಗ್ಯ ಏನೂ ಆಗಿರಲಿಲ್ಲ. ತುಂಬಾ ಬ್ಯುಸಿ ಇದ್ದ ನಟಿ ದಿಢೀರ್ ಅಂತ ಸುಮ್ಮನಾದಾಗ ಬಹುಶಃ ಅಂತಹ ಪ್ರಶ್ನೆಗಳು ಬಂದಿರಬಹುದು. ನನಗೆ ಇಷ್ಟವಾಗುವಂತಹ ಅಥವಾ ಚಾಲೆಂಜಿಂಗ್ ಎನಿಸುವಂತಹ ಯಾವುದೇ ಪಾತ್ರ ಬರಲಿಲ್ಲ'' ಎಂದು ಹೇಳಿದ್ರು.

ವಿದೇಶದಲ್ಲಿದ್ದಾಗ ಅಮ್ಮ ಹೇಳಿದ್ರು

''ನನ್ನ ಆರೋಗ್ಯ ಪರ್ಫೆಕ್ಟ್ ಆಗಿದೆ. ನಾನು ಆಸ್ಟ್ರೇಲಿಯಾ ಮತ್ತು ನ್ಯೂಜಿಲ್ಯಾಂಡ್ ಗೆ ಹೋಗಿದ್ದೆ. ಆ ಸಮಯದಲ್ಲಿ ಅಮ್ಮ ಫೋನ್ ಮಾಡಿ ಹೇಳಿದ್ರು. ಹೀಗೆಲ್ಲಾ ರೂಮರ್ಸ್ ಆಗಿದೆ ಅಂತ. ಬಟ್, ಆ ಬಗ್ಗೆ ಯೋಚನೆ ಮಾಡಲಿಲ್ಲ. ನಾನೂ ಏನೂ ಮಾತಾಡಿಲ್ಲ''

ಗಂಡ, ಮಗು ಇಲ್ಲ....ಸಮಯ ಬಂದಾಗ ಹೇಳ್ತೀನಿ

''ನನಗೆ ಮಗುನೂ ಇಲ್ಲ, ಗಂಡನೂ ಇಲ್ಲ. ಸಮಯ ಬಂದಾಗ ನನ್ನ ಅಭಿಮಾನಿಗಳಿಗೆ ನಾನೇ ಹೇಳ್ತೀನಿ. ಆದರೂ ನನ್ನ ಅಭಿಮಾನಿಗಳನ್ನ ಮಿಸ್ ಮಾಡಿಕೊಂಡಿದ್ದೀನಿ. ನನ್ನ ಬಗ್ಗೆ ಯಾಕೆ ವದಂತಿ ಹಬ್ಬಿಸಿದ್ದಾರೋ, ಅವರಿಗೆ ನಾನು ಏನೂ ಮಾಡಿಲ್ಲ. ನನ್ನ ಬಗ್ಗೆ ಯಾಕೆ ಹೊಟ್ಟೆ ಉರ್ಕೊಂಡಿದ್ದಾರೋ ಗೊತ್ತಿಲ್ಲ''

ಕ್ಷಮೆ ಕೇಳಿದ ಪ್ರೇಮಾ

''ಇಷ್ಟು ವರ್ಷ ಸಿನಿಮಾಗಳಲ್ಲಿ ನಟಿಸಿಲ್ಲ. ಅದಕ್ಕೆ ಕಾರಣ ನನಗೆ ಚಾಲೆಂಜಿಂಗ್ ಆಗಿದ್ದ ಪಾತ್ರಗಳು ಸಿಕ್ಕಿಲ್ಲ. ಅದನ್ನ ಬಿಟ್ಟರೇ ಬೇರೇ ಏನೂ ಇಲ್ಲ. ರೂಮರ್ಸ್ ಬಗ್ಗೆ ನಂಬಬೇಡಿ. ಏನೇ ಇದ್ದರೂ ನೇರವಾಗಿ ಬಂದು ನಾನೇ ಹೇಳುತ್ತೇನೆ. ಇಷ್ಟು ದಿನ ನಿಮ್ಮನ್ನು ರಂಜಿಸಲು ಸಾಧ್ಯವಾಗಿಲ್ಲ. ಒಳ್ಳೆ ಪಾತ್ರಗಳು ಸಿಕ್ಕರೇ ಮತ್ತೆ ನಟಿಸುತ್ತೇನೆ. ಅದಕ್ಕೆ ನಿಮ್ಮ ಕ್ಷಮೆ ಇರಲಿ'' ಎಂದು ಪ್ರೇಮಾ ಕೇಳಿಕೊಂಡರು.