Sanjana Burli: 'ಪುಟ್ಟಕ್ಕನ ಮಕ್ಕಳು' ಸ್ನೇಹಾ ಚೈಲ್ಡ್ ಕನಸು ಈಡೇರಿದಾಗ..!

ಸಂಜನಾ ಬುರ್ಲಿ ಟ್ರಿಪ್ ಹೇಗಿತ್ತು?

ಟಾಪ್ ಒಂದರಲ್ಲಿ ಇರುವಂತ ಧಾರಾವಾಹಿಯಲ್ಲಿ ಬ್ರೇಕ್ ಸಿಗುವುದೇ ಹೆಚ್ಚು. ಬ್ರೇಕ್ ಸಿಕ್ಕಿದರು ಫ್ಯಾಮಿಲಿ, ಫ್ರೆಂಡ್ಸ್ ಅಂತ ಕಳೆದೆ ಹೋಗುತ್ತೆ. ಆದ್ರೆ ಸಂಜನಾ ಬುರ್ಲಿ ಶೂಟಿಂಗ್‌ನಲ್ಲಿ ಗ್ಯಾಪ್ ಸಿಕ್ಕಿದ್ದೆ ತಡ ಟ್ರಿಪ್ ಹೊರಟು ಬಿಟ್ಟಿದ್ದಾರೆ. ಗುಜರಾತ್‌ನ ಫೇಮಸ್ ಜಾಗಗಳಲ್ಲಿ ಸುತ್ತಾಡುತ್ತಿದ್ದಾರೆ. ಗುಜರಾತ್‌ನಲ್ಲಿ ಸುತ್ತಾಡಿದಂತ ಫೋಟೊಗಳನ್ನು ಹಂಚಿಕೊಂಡಿದ್ದಾರೆ.

ಚೈಲ್ಡ್ ವುಡ್ ಡ್ರೀಮ್ ಈಡೇರಿಸಿಕೊಂಡ ಸಂಜನಾ

'ಪುಟ್ಟಕ್ಕನ ಮಕ್ಕಳು' ಧಾರಾವಾಹಿ ಮೂಲಕ ಎಲ್ಲರ ಮನೆ ಮನ ಗೆದ್ದಿರುವ ಸ್ನೇಹಾ ಅಲಿಯಾಸ್ ಸಂಜನಾ ಬುರ್ಲಿ, ಸದ್ಯ ಸೀರಿಯಲ್, ಸಿನಿಮಾ ಅಂತ ಫುಲ್ ಬ್ಯುಸಿಯಾಗಿದ್ದಾರೆ. ಇದರ ನಡುವೆ ಗುಜರಾತ್‌ನಲ್ಲಿ ಸುತ್ತಾಡುವ ಕನಸೊಂದನ್ನು ಈಡೇರಿಸಿಕೊಂಡಿದ್ದಾರೆ. ಜೊತೆಗೆ ಅಲ್ಲಿನ ಒಂಟೆ, ಮರಳುಗಾಡು ಇದೆಲ್ಲವನ್ನು ಹತ್ತಿರದಿಂದ ಫೀಲ್ ಮಾಡವೇಕು, ಮುಟ್ಟಬೇಕು ಎಂಬುದು ಸಂಜನಾ ಬುರ್ಲಿ ಅವರ ಕನಸಾಗಿತ್ತು. ಆ ಕನಸನ್ನು ಈಡೇರಿಸಿಕೊಂಡಿದ್ದು, ಫೋಟೋಗಳನ್ನು ಹಂಚಿಕೊಂಡಿದ್ದಾರೆ.

ಸಂಜನಾ ಹೊಸ ಲುಕ್ಕಿಗೆ ಫ್ಯಾನ್ಸ್ ಫಿದಾ..!

ಸಂಜನಾ ಬುರ್ಲಿ ಅದ್ಯಾವಾಗ ಪುಟ್ಟಕ್ಕನ ಮಗಳಾಗಿ ಅಭಿನಯಿಸಿದರೋ ಅಂದಿನಿಂದ ಎಲ್ಲರ ಮನಸ್ಸನ್ನು ಕದ್ದಿದ್ದರು. ಬಹಳ ಪ್ರಾಮುಖ್ಯತೆ ತಂದುಕೊಟ್ಟಿರುವ ಸೀರಿಯಲ್ ಅದು. ಈ ಪಾತ್ರ ಅಭಿಮಾನಿಗಳ ಸಂಖ್ಯೆಯನ್ನು ಹೆಚ್ಚು ಮಾಡಿದೆ. ಸಂಜನಾ ಬುರ್ಲಿ ಹಾಕುವ ಒಂದೊಂದು ಫೋಟೋಗೂ ಸಿಕ್ಕಾಪಟ್ಟೆ ಕಮೆಂಟ್ ಹಾಕುತ್ತಾರೆ. ಗುಜರಾತ್ ಟ್ರಿಪ್ ಹೋಗಿರುವ ಫೋಟೋಗೂ ಕಮೆಂಟ್ಸ್ ಮಾಡಿರುವ ಅಭಿಮಾನಿಗಳು, ಸೂಪರ್, ಹ್ಯಾಪಿ ಜರ್ನಿ ಅಂತೆಲ್ಲಾ ಹಾಕಿದ್ದಾರೆ. ಒಬ್ಬ ಅಭಿಮಾನಿಯಂತೂ ಕಂಠಿ ಸ್ಟೈಲ್‌ನಲ್ಲಿ ವಿಶ್ ಮಾಡಿದ್ದಾನೆ. ರಾಜಸ್ಥಾನದ ಮೆಸ್ಸು ಎಂದಿದ್ದಾರೆ. ಕಂಠಿ ಕೂಡ ಯಾವಾಗಲೂ ಮಿಸ್ಸು ಎಂದೇ ಮಾತನಾಡಿಸುತ್ತಾ ಇರುತ್ತಾರೆ.

ಕಂಠಿಯನ್ನು ಕಾಡಿಸುತ್ತಿರುವ ಸ್ನೇಹಾ

ಪುಟ್ಟಕ್ಕನ ಮನೆಯಲ್ಲ ಸದ್ಯ ದೊಡ್ಡ ಮಗಳ ಮದುವೆ ಸಂಭ್ರಮದ ಕ್ಷಣ. ಎಲ್ಲರೂ ಮದುವೆ ಕೆಲಸದಲ್ಲಿ ಬ್ಯುಸಿಯಾಗಿದ್ದಾರೆ. ಪುಟ್ಟಕ್ಕನಿಗೆ ಸಹಾಯ ಮಾಡಲು ಬಂದಿರುವಂತ ಕಂಠಿ, ನಡವಳಿಕೆ ನೋಡಿ ಸ್ನೇಹಾ ಫುಲ್ ಫಿದಾ ಆಗಿದ್ದಾಳೆ‌ ಜೊತೆಗೆ ನಮ್ಮ ಫ್ಯಾಮಿಲಿಗೆ ದೊರೆ ಎಂಬ ಹೆಸರಲ್ಲಿ ಇರುವುದು ಕಂಠಿ ಎಂಬುದು ಅದಾಗಲೇ ಸ್ನೇಹಾಗೆ ಗೊತ್ತಾಗಿದೆ. ಕಂಠಿ ಆಡಿಸುವುದಕ್ಕಿಂತ ಹೆಚ್ಚಾಗಿ ಈಗ ಸ್ನೇಹಾ ಆಟ ಆಡಿಸುವುದಕ್ಕೆ ಶುರು ಮಾಡಿದ್ದಾಳೆ. ಮಾತಿಗೆ ಮುಂಚೆ ದೊರೆ ಬಂದಿದ್ದ, ದಿರೆ ಕಾಲ್ ಮಾಡಿದ್ದ ಅಂತ ಹೇಳಿ ಕಂಠಿಗೆ ಕೋಪ ತರಿಸುತ್ತಿದ್ದಾಳೆ.