ರಗಳೆ ಖ್ಯಾತಿ ನಟಿ ರಿಷಿಕಾ ಸಿಂಗ್ ಸಂದರ್ಶನ

Tv

oi-Sriram

By Sriram

| Updated: Sunday, October 28, 2012, 13:17 [IST]

ಜೀ ಕನ್ನಡದಲ್ಲಿ ಪ್ರತಿ ಶನಿವಾರ ಹಾಗೂ ಭಾನುವಾರ ಮೂಡಿಬರುತ್ತಿದೆ 'ರಗಳೆ ವಿತ್ ರಿಷಿಕಾ' ಕಾರ್ಯಕ್ರಮ. ಹೆಸರೇ ಸೂಚಿಸುವಂತೆ ಇದು ನಟಿ ರಿಷಿಕಾ ಸಿಂಗ್ ನಡೆಸಿಕೊಡುತ್ತಿರುವ ಕಾರ್ಯಕ್ರಮ. ಕಿರುತೆರೆ ಜಗತ್ತಿನಲ್ಲಿ ವಿಶೇಷ ಕಾರ್ಯಕ್ರಮವನ್ನು ಇಂತಹ ವಿನೂತನ ರೀತಿಯಲ್ಲಿ ನಡೆಸಿಕೊಡುತ್ತಿರುವ ಹೆಗ್ಗಳಿಕೆ ನಟಿ, ರಾಜೇಂದ್ರ ಸಿಂಗ್ ಬಾಬು ಮಗಳು ರಿಷಿಕಾ ಸಿಂಗ್ ಅವರದು.

ಈಗಾಗಲೇ ಹತ್ತಕ್ಕಿಂತ ಹೆಚ್ಚು ಸಂಚಿಕೆಗಳಲ್ಲಿ ಇಪ್ಪತ್ತಕ್ಕಿಂತ ಹೆಚ್ಚು ಸ್ಯಾಂಡಲ್ ವುಡ್ ಸೆಲೆಬ್ರಿಟಿಗಳನ್ನು ತಮ್ಮ 'ರಗಳೆ ವಿತ್ ರಿಷಿಕಾ' ಕಾರ್ಯಕ್ರಮದ ಮೂಲಕ ಕಿರುತೆರೆ ವೀಕ್ಷಕರ ಮುಂದೆ ತಂದು ಅವರ ಮನದಲ್ಲಿ ಅವಿತಿದ್ದ ಭಾವಗಳನ್ನು ಮಾತಿನ ಮೂಲಕ ಹೊರಗೆಡವಿ ಅದು ವೀಕ್ಷಕರನ್ನು ತಲುಪುವಂತೆ ರಿಷಿಕಾ ಮಾಡಿದ್ದು ಸಣ್ಣ ಸಾಧನೆಯೇನಲ್ಲ.

ಸೆಲೆಬ್ರೆಟಿಗಳನ್ನು, ಅವರ ಮನದಾಳದ ಮಾತುಗಳನ್ನು ಧ್ವನಿಯಾಗಿ ಜಗಜ್ಜಾಹೀರು ಪಡಿಸುವುದರ ಜೊತೆಗೆ ಈ ಕಾರ್ಯಕ್ರಮದ ಮೂಲಕ ತಮ್ಮನ್ನೂ, ತಮ್ಮಲ್ಲಿ ಅಡಗಿರುವ ಅಗಾಧ ಪ್ರತಿಭೆಯನ್ನೂ ಲೋಕಕ್ಕೆ ಮುಟ್ಟಿಸುವ ರಿಷಿಕಾ ಬುದ್ಧಿವಂತಿಕೆಯನ್ನು ಯಾರಾದರೂ ಮೆಚ್ಚಲೇಬೇಕು. ತಮ್ಮ ಪ್ರತಿಭೆ ಮೂಲಕ ಕುಳಿತಲ್ಲೇ ಸ್ಯಾಂಡಲ್ ವುಡ್ ಪರ್ಯಟನೆ ಮಾಡುವ ರಿಷಿಕಾರ ಜಾಣತನಕ್ಕೆ ಎಲ್ಲರೂ ತಲೆದೂಗಲೇಬೇಕು.

ತಾರೆಗಳು ತಮ್ಮ ವೃತ್ತಿ ಹಾಗೂ ವೈಯಕ್ತಿಕ ಜೀವನದ ನೋವು-ನಲಿವುಗಳನ್ನು ತಮ್ಮ ಅಭಿಮಾನಿಗಳು ಹಾಗೂ ಜಗತ್ತಿನ ಮುಂದೆ ಹಂಚಿಕೊಳ್ಳಲು ವೇದಿಕೆ ಕಲ್ಪಿಸಿಕೊಟ್ಟ ರಿಷಿಕಾರನ್ನು ಅಭಿನಂದಿಸಲೇಬೇಕು. ಇಂಥ ರಿಷಿಕಾರನ್ನು 'ರಗಳೆ ವಿತ್ ರಿಷಿಕಾ' ಕಾರ್ಯಕ್ರಮದ ಹಿನ್ನೆಲೆಯಲ್ಲಿ ಮಾತನಾಡಿಸಿದಾಗ ಅವರು ನಮ್ಮ 'ಒನ್ ಇಂಡಿಯಾ ಕನ್ನಡ'ಕ್ಕೆ ನೀಡಿದ ಸಂದರ್ಶನ ಇಲ್ಲಿದೆ, ಓದಿ...

* 'ರಗಳೆ ವಿತ್ ರಿಷಿಕಾ' ಶೋ ಮಾಡಬೇಕೆಂಬ ಯೋಚನೆ ಹೇಗೆ ಬಂತು? ಅದು ಕಾರ್ಯರೂಪಕ್ಕೆ ಬಂದಿದ್ದು ಬಗೆ?

ತಮಿಳಿನಲ್ಲಿ ಲಕ್ಷ್ಮೀ ಮಂಚು ಇದಕ್ಕೆ ಹತ್ತಿರವೆನಿಸುವ ಕಾರ್ಯಕ್ರಮವೊಂದನ್ನು ಮಾಡುತ್ತಿರುವುದನ್ನು ನೋಡುತ್ತಿದ್ದೆ. ಆ ವೇಳೆ ನಾನೂ ಇಂತಹದ್ದೊಂದು ಕಾರ್ಯಕ್ರಮ ಮಾಡಬೇಕೆಂಬ ಯೋಚನೆ ಬಂತು. ನಮ್ಮ ಅಪ್ಪಾಜಿ ರಾಜೇಂದ್ರ ಸಿಂಗ್ ಬಾಬು ಚಿತ್ರರಂಗದಲ್ಲಿ ಸಾಕಷ್ಟು ವರ್ಷಗಳಿಂದ ಸಕ್ರಿಯವಾಗಿದ್ದಾರೆ. ಚಿತ್ರೋದ್ಯಮದ ಎಲ್ಲರೂ ಅಪ್ಪಾಜಿಗೆ ಪರಿಚಯದವರು. ಮುಂದಿನ ಪುಟ ನೋಡಿ...

Sunday, October 28, 2012, 13:17