ಶ್ರೀಮುರಳಿ 'ಉಗ್ರಂ' ಸ್ಯಾಟಲೈಟ್ ರೈಟ್ಸ್ ಗೆ ಅಷ್ಟೇನಾ ಛೇ ಛೇ!

ಸ್ಯಾಟಲೈಟ್ ರೈಟ್ಸ್ ಗೆ ಯಾಕಷ್ಟು ಕಮ್ಮಿ?

ಅಂದುಕೊಂಡಿದ್ದನ್ನ ಅಂದುಕೊಂಡ ಸಮಯದಲ್ಲಿ ಮಾಡಿಮುಗಿಸದಿದ್ರೆ ಹಿಂಗೆ ಆಗೋದು ಅಂತ ನಿರ್ಮಾಪಕರು ಕೈಕೈ ಹಿಸುಕಿಕೊಂಡಿದ್ದಾರೆ. ಆದರೆ ಸಿನಿಮಾ ನೂರು ದಿನಗಳಲ್ಲಿ ಕೊಳ್ಳೆ ಹೊಡೆದ ಕೋಟಿಗಳಲ್ಲಿ ಸ್ಯಾಟಲೈಟ್ಸ್ ರೈಟ್ಸ್ ಯಾಕೆ ಬಿಡಿ ಅನ್ನೋದು ಉಳಿದವರ ಮಾತು.

ರೀಮೇಕ್ ರೈಟ್ಸ್ ಇನ್ನೂ ಸೇಲಾಗಿಲ್ಲ

ಉಗ್ರಂ ರೀಮೇಕ್ ರೈಟ್ಸ್ ಗೆ ಡಿಮ್ಯಾಂಡ್ ಇದ್ದರೂ ಚಿತ್ರದ ನಿರ್ದೇಶಕ ಪ್ರಶಾಂತ್ ನೀಲ್ ಹಕ್ಕುಗಳನ್ನ ಮಾರಾಟ ಮಾಡದೇ ಇರುವುದಕ್ಕೆ ನಿರ್ಧರಿಸಿದ್ದಾರೆ. ಹಾಗಂತ ಸ್ವತಃ ಪ್ರಶಾಂತ್ ನೀಲ್ ಅವರು ಫಿಲ್ಮಿಬೀಟ್ ಕನ್ನಡಕ್ಕೆ ಈ ಹಿಂದೊಮ್ಮೆ ತಿಳಿಸಿದ್ದರು.

ಬೇರೆ ಭಾಷೆಯಲ್ಲಿ ನಾವೇ ನಿರ್ಮಿಸುತ್ತೇವೆ

ಉಗ್ರಂ ರೀಮೇಕ್ ರೈಟ್ಸ್ ಗೆ ತುಂಬಾ ಡಿಮ್ಯಾಂಡ್ ಇದೆ. ಬೇರೆಯವರಿಗೆ ಇಂತಹ ಸೇಲಬಲ್ ಸಬ್ಜೆಕ್ಟ್ ಕೊಡುವ ಬದಲು, ನಾವೇ ಬೇರೆ ಭಾಷೆಯಲ್ಲಿ ನಿರ್ಮಾಣ ಮಾಡಬಹುದಲ್ಲಾ...! ಅದಕ್ಕೆ ರೀಮೇಕ್ ರೈಟ್ಸ್ ಸೇಲ್ ಮಾಡುವುದು ಬೇಡ ಅಂದುಕೊಂಡಿದ್ದೀವಿ'' ಅಂತಾರೆ ಪ್ರಶಾಂತ್ ನೀಲ್.

ಪರಭಾಷೆಯಲ್ಲಿ ನಿರ್ದೇಶಿಸಲಿರುವ ಪ್ರಶಾಂತ್

ಪರಭಾಷೆಯಲ್ಲಿ ಉಗ್ರಂ ರೀಮೇಕ್ ನ ನಿರ್ಮಾಣ ಮಾಡಬೇಕು ಅಂದುಕೊಂಡಿರುವ ಪ್ರಶಾಂತ್, ಡೈರೆಕ್ಟರ್ ಕ್ಯಾಪ್ ತೊಟ್ಟರೂ ಅಚ್ಚರಿ ಇಲ್ಲ. ಆದರೆ, ಅದಕ್ಕೂ ಮುಂಚೆ ಪ್ರಶಾಂತ್ ಒಪ್ಪಿಕೊಂಡಿರುವ ಯಶ್ ನಟನೆಯಲ್ಲಿ ಮೂಡಿಬರುವ 'ಕೆ.ಜಿ.ಎಫ್', ಪುನೀತ್ ಅಭಿನಯಿಸುವ 'ಆಹ್ವಾನ', ಉಗ್ರಂ ಸೀಕ್ವೆಲ್ 'ಉಗ್ರಂ ವೀರಂ' ಕಂಪ್ಲೀಟ್ ಆಗಬೇಕು.

ಟಾಲಿವುಡ್, ಕಾಲಿವುಡ್ ನಲ್ಲಿ ಭಾರಿ ಡಿಮಾಂಡ್

'ಟಾಲಿವುಡ್ ಮತ್ತು ಕಾಲಿವುಡ್ ನ ಲೀಡಿಂಗ್ ಹೀರೋಗಳು ಉಗ್ರಂ ಚಿತ್ರದ ರೀಮೇಕ್ ವರ್ಷನ್ ನಲ್ಲಿ ಮಿಂಚೋದಕ್ಕೆ ರೆಡಿಯಿದ್ದಾರೆ. ಆದರೆ ಒಂದೇ ವರ್ಷದಲ್ಲಿ, ಒಂದೇ ಚಿತ್ರವನ್ನ ಯಾರೂ ರೀಮೇಕ್ ಮಾಡುವುದಿಲ್ಲ, ಸ್ವಲ್ಪ ದಿನದಲ್ಲೇ ಟಾಪ್ ಹೀರೋ ಒಬ್ಬರು ರೀಮೇಕ್ ವರ್ಷನ್ ಅನೌನ್ಸ್ ಮಾಡ್ತಾರೆ'' ಅಂತ ಪ್ರಶಾಂತ್ ನೀಲ್ ಹೇಳಿದ್ದರು.