'ವೀಕೆಂಡ್ ವಿತ್ ರಮೇಶ್' ಟಿ.ಆರ್.ಪಿಗೆ ಎದುರಾಯ್ತು ಆತಂಕ.!

ಐಪಿಎಲ್ ಕ್ರಿಕೆಟ್

ಇಂಡಿಯನ್ ಪ್ರೀಮಿಯರ್ ಲೀಗ್ 12ನೇ ಆವೃತ್ತಿ ಈಗಾಗಲೇ ನಡೆಯುತ್ತಿದೆ. ಸುಮಾರು 33ಕ್ಕೂ ಅಧಿಕ ಪಂದ್ಯಗಳು ಮುಗಿದು ಹೋಗಿದೆ. ಇನ್ನು ಅರ್ಧದಷ್ಟು ಟೂರ್ನಿ ಬಾಕಿ ಇದೆ. ಪ್ರತಿ ದಿನ ಒಂದು ಪಂದ್ಯ ಹಾಗೂ ವೀಕೆಂಡ್ ನಲ್ಲಿ ಎರಡೆರಡು ಪಂದ್ಯಗಳು ನಡೆಯುತ್ತಿದೆ. ಕರ್ನಾಟಕದಲ್ಲಿ ಐಪಿಎಲ್ ಜ್ವರ ದೊಡ್ಡ ಮಟ್ಟದಲ್ಲೇ ಇದ್ದು, ವೀಕೆಂಡ್ ವಿತ್ ರಮೇಶ್ ಶೋಗೆ ಇದು ಕಂಟಕವಾಗಬಹುದು.

ಯುವ ಪ್ರೇಕ್ಷಕರನ್ನ ಕಳೆದುಕೊಳ್ಳುವ ಆತಂಕ

ಐಪಿಎಲ್ ಕ್ರಿಕೆಟ್ ನೋಡುವ ಹೆಚ್ಚಿನ ಸಂಖ್ಯೆಯಲ್ಲಿ ಯುವಕರೇ ಹೆಚ್ಚು. ಸಂಜೆಯಾಗುತ್ತಿದ್ದಂತೆ ಮನೆ ಸೇರುವ ಯುವಕರು, ಟಿವಿ ರಿಮೋರ್ಟ್ ಕೈಯಲ್ಲಿಡಿದು ಐಪಿಎಲ್ ನೋಡುತ್ತಾ ಕೂರುತ್ತಾರೆ. ಏಳು ಗಂಟೆಗೆ ಶುರುವಾಗುವ ಪಂದ್ಯ 12 ಗಂಟೆಯವರೆಗೂ ನಡೆಯುತ್ತೆ. ಈ ಸಮಯದವರೆಗೂ ಹಲವು ಮನೆಯಲ್ಲಿ ಧಾರಾವಾಹಿ, ನ್ಯೂಸ್, ರಿಯಾಲಿಟಿ ಶೋ ಎಲ್ಲವೂ ಬಂದ್. ಹಾಗಾಗಿ, ವೀಕೆಂಡ್ ವಿತ್ ರಮೇಶ್ ಶೋ ಟಿ.ಆರ್.ಪಿಯಲ್ಲಿ ವ್ಯತ್ಯಾಸವಾಗಬಹುದು.

ಐಪಿಎಲ್ ನಂತರ ವಿಶ್ವಕಪ್

ಮೇ 12ಕ್ಕೆ ಐಪಿಎಲ್ ಕ್ರಿಕೆಟ್ ಮುಗಿಯುತ್ತೆ. ಅಷ್ಟರಲ್ಲೇ ವಿಶ್ವಕಪ್ ಕ್ರಿಕೆಟ್ ಟೂರ್ನಿ ಆರಂಭವಾಗುತ್ತೆ. ಮೇ 30ಕ್ಕೆ ವಿಶ್ವಕಪ್ ಪಂದ್ಯಗಳು ಆರಂಭವಾಗಲಿದೆ. ಇದು ಕೂಡ ವೀಕೆಂಡ್ ವಿತ್ ರಮೇಶ್ ಗೆ ಪ್ರೇಕ್ಷಕರ ಸಂಖ್ಯೆಯನ್ನ ಕಡಿಮೆಗೊಳಿಸಬಹುದು. ಆದ್ರೆ, ಐಪಿಎಲ್ ಮಟ್ಟಿಗೆ ಪ್ರಭಾವ ಬೀರುತ್ತೆ ಎಂದು ಹೇಳಲು ಸಾಧ್ಯವಿಲ್ಲ.

ಪದವಿ ಕಾಲೇಜುಗಳ ಪರೀಕ್ಷೆ

ಎಸ್ಎಸ್ಎಲ್ಸಿ ಮತ್ತು ಪಿಯುಸಿ ಪರೀಕ್ಷೆ ಮುಗಿದಿದ್ದರೂ, ಪದವಿ ಕಾಲೇಜುಗಳ ಪರೀಕ್ಷೆ ಇನ್ನು ಮುಗಿದಿಲ್ಲ. ಎಲೆಕ್ಷನ್ ನಂತರ ಪದವಿ ವಿದ್ಯಾರ್ಥಿಗಳು ಪರೀಕ್ಷೆ ಬರೆಯಲಿದ್ದಾರೆ. ಬಹುಶಃ ಇದು ಕೂಡ ವೀಕೆಂಡ್ ವಿತ್ ರಮೇಶ್ ಟಿ.ಆರ್.ಪಿಗೆ ಅಡ್ಡಿಯಾಗಬಹುದು.

ಇದನ್ನ ಮೀರಿ ಯಶಸ್ಸು ಪಡೆಯುತ್ತಾ?

ಇದೆಲ್ಲಾ ಏನೇ ಇದ್ದರೂ ವೀಕೆಂಡ್ ವಿತ್ ರಮೇಶ್ ಕಾರ್ಯಕ್ರಮಕ್ಕೆ ತನ್ನದೇ ಆದ ಪ್ರೇಕ್ಷಕರು ಇದ್ದಾರೆ ಎಂಬ ನಂಬಿಕೆ. ಮತ್ತು ಈ ಶೋಗೆ ಹೆಚ್ಚು ಮೆಚ್ಚುಗೆ ಸಿಕ್ಕಿರುವುದರಿಂದ ಸಾಧಕರ ಮೇಲೆ ಪ್ರೇಕ್ಷಕರ ಸಂಖ್ಯೆ ನಿರ್ಣಯವಾಗುತ್ತೆ. ಹಾಗಾಗಿ, ಒಂದು ಪ್ರಮಾಣದಲ್ಲಿ ಕ್ರಿಕೆಟ್, ಪರೀಕ್ಷೆ ಇದ್ದರೂ ವೀಕೆಂಡ್ ಶೋಗೆ ಸಮಸ್ಯೆಯಾಗಲ್ಲ ಎನ್ನುವುದು ಆಯೋಜಕರ ಭರವಸೆ.