ಆದಿ 'ಪ್ರಕಾಶ', ಅಂತ್ಯ 'ಗಣೇಶ': 'WWR-3'ಗೆ ಶುಭಂ

ಮೂರನೇ ಸೀಸನ್ ಗೆ 'ಶುಭಂ'

ರಮೇಶ್ ಅರವಿಂದ್ ನಿರೂಪಣೆ ಮಾಡಿಕೊಡುವ 'ವೀಕೆಂಡ್ ವಿತ್ ರಮೇಶ್' ಮೂರನೇ ಆವೃತ್ತಿ ನಿನ್ನೆಗೆ (ಜುಲೈ 2) ಅಂತ್ಯವಾಗಿದೆ. ಸತತವಾಗಿ 28 ಎಪಿಸೋಡ್ ಗಳ ಮೂಲಕ ಕಿರುತೆರೆ ಪ್ರೇಕ್ಷಕರನ್ನ ರಂಜಿಸಿದ್ದ ಸುಂದರ ಕಾರ್ಯಕ್ರಮದ ಮೂರನೇ ಸೀಸನ್ ಅದ್ಧೂರಿಯಾಗಿ ಮುಗಿದಿದೆ.

ಗೋಲ್ಡನ್ ಸ್ಟಾರ್ ಕೊನೆಯ ಅತಿಥಿ

'ವೀಕೆಂಡ್ ವಿತ್ ರಮೇಶ್' ಕಾರ್ಯಕ್ರಮದ ಮೊದಲನೇ ಅತಿಥಿಯಾಗಿ ಬಹುಭಾಷ ನಟ ಪ್ರಕಾಶ್ ರೈ ಆಗಮಿಸಿದ್ದರು. ಹಾಗೂ ಕೊನೆಯ ಅತಿಥಿಯಾಗಿ ಗೋಲ್ಡನ್ ಸ್ಟಾರ್ ಗಣೇಶ್ ಅವರ ಆಗಮಿಸಿದ್ದರು. ಅಂತಿಮ ಎರಡು ದಿನಗಳನ್ನ ಕಾರ್ಯಕ್ರಮವನ್ನ ಗಣೇಶ್ ಅವರ ಜೀವನ ಪಯಣದ ಮೂಲಕ ಯಶಸ್ವಿಯಾಗಿ ಮುಗಿಸಲಾಯಿತು.

ಸೀಸನ್-2 ರಲ್ಲಿ ಸುದೀಪ್ ಕೊನೆಯ ಅತಿಥಿ

2016 ರಲ್ಲಿ ನಡೆದ 'ವೀಕೆಂಡ್ ವಿತ್ ರಮೇಶ್' ಎರಡನೇ ಆವೃತ್ತಿಯಲ್ಲಿ ಕಿಚ್ಚ ಸುದೀಪ್ ಅವರು ಗ್ರ್ಯಾಂಡ್ ಫಿನಾಲೆಯ ಅತಿಥಿಯಾಗಿದ್ದರು. ಮೊದಲನೇ ಆವೃತ್ತಿಯಲ್ಲಿ ನಿರೂಪಕ ರಮೇಶ್ ಅರವಿಂದ್ ಅವರೇ ಕೊನೆಯ ಅತಿಥಿಯಾಗಿ ಸಾಧಕರ ಕುರ್ಚಿಯಲ್ಲಿ ಕೂತಿದ್ದರು.

ಮೂರನೇ ಸೀಸನ್ ನಲ್ಲಿ ಯಾರೆಲ್ಲಾ ಬಂದಿದ್ದರು?

ನಟ ಪ್ರಕಾಶ್ ರೈ, ಜಗ್ಗೇಶ್, ಅರ್ಜುನ್ ಜನ್ಯ, ಗಂಗಾವತಿ ಪ್ರಾಣೇಶ್, ಭಾರತಿ ವಿಷ್ಣುವರ್ಧನ್, ಜಯಂತ್ ಕಾಯ್ಕಿಣಿ, ರವಿ.ಡಿ.ಚೆನ್ನಣ್ಣನವರ್, ವಿ.ಹರಿಕೃಷ್ಣ, ರಕ್ಷಿತ್ ಶೆಟ್ಟಿ, ಪ್ರಿಯಾಮಣಿ, ಕಾಶೀನಾಥ್, ಸಂತೋಷ್ ಹೆಗಡೆ, ಫ್ರೋ. ಕೃಷ್ಣೇಗೌಡ, ವಿಜಯ ರಾಘವೇಂದ್ರ, ಬಿ.ಜಯಶ್ರೀ, ವಿಜಯ ಸಂಕೇಶ್ವರ್, ಹೆಚ್.ಡಿ.ದೇವೇಗೌಡ, ಶ್ರುತಿ, ಹಿರೆಮಗಳೂರು ಕಣ್ಣನ್, ಸಿದ್ದರಾಮಯ್ಯ ಮತ್ತು ಗಣೇಶ್ ಈ ಬಾರಿ ಸಾಧಕರ ಕುರ್ಚಿಯಲ್ಲಿ ಕೂತಿದ್ದರು.

'ವೀಕೆಂಡ್ ವಿತ್ ರಮೇಶ್-4' ನಿರೀಕ್ಷಿಸಿ.....

ಇನ್ನು ಮುಂದಿನ ವರ್ಷ ಮತ್ತಷ್ಟು ಸಾಧಕರ ಜೊತೆಯಲ್ಲಿ 'ವೀಕೆಂಡ್ ವಿತ್ ರಮೇಶ್' ನಾಲ್ಕನೇ ಆವೃತ್ತಿ ಶುರುವಾಗಲಿದೆ. ಮುಂದಿನ ಸೀಸನ್ ನಲ್ಲಿ ಯಾರೆಲ್ಲಾ ಆಗಮಿಸಬಹುದು ಎಂಬ ಕುತೂಹಲದೊಂದಿಗೆ ಕಾಯುತ್ತೀರಿ.....