For Quick Alerts
    ALLOW NOTIFICATIONS  
    For Daily Alerts

    ಅನಾಥ ಮಕ್ಕಳಿಗೆ ತಾಯಿಯಾದ ಪ್ರೀತಿ ಜಿಂಟಾ

    By Staff
    |

    ಬಾಲಿವುಡ್ ನಟಿ ಪ್ರೀತಿ ಜಿಂಟಾ ಹೃಷಿಕೇಶ್ ನ ಒಂದು ಅನಾಥಾಶ್ರಮಕ್ಕೆ ಸೇರಿದ 34 ಮಂದಿ ಹೆಣ್ಣು ಮಕ್ಕಳನ್ನು ದತ್ತು ತೆಗೆದುಕೊಂಡಿದ್ದಾರೆ. ಇನ್ನು ಮುಂದೆ ಈ ಮಕ್ಕಳ ಲಾಲನೆ ಪಾಲನೆಯ ಖರ್ಚು ವೆಚ್ಚಗಳನ್ನು ಅವರೇ ಭರಿಸಲಿದ್ದಾರೆ.

    ಈ ಕುರಿತು ಪ್ರೀತಿ ಜಿಂಟಾ ಮಾತನಾಡುತ್ತಾ, ಇನ್ನು ಮುಂದೆ ಅವರೆಲ್ಲಾ ನನ್ನ ಮಕ್ಕಳು. ನನ್ನೊಂದಿಗೆ ಅವರು ಕಲೆತು ಇರದಿದ್ದರೂ...ಅವರ ಊಟೋಪಚಾರ, ಬಟ್ಟೆ, ಶಿಕ್ಷಣ ಎಲ್ಲವನ್ನೂ ನಾನೇ ನಿಭಾಯಿಸುತ್ತೇನೆ. ವರ್ಷದಲ್ಲಿ ಎರಡು ಬಾರಿಯಾದರೂ ಅವರನ್ನು ಭೇಟಿ ಮಾಡಿ ಕಷ್ಟಸುಖಗಳನ್ನು ಹಂಚಿಕೊಳ್ಳುತ್ತೇನೆ ಎಂದು ಹೇಳಿದರು.

    ''ಸದ್ಯಕ್ಕೆ ಈ 34 ಮಂದಿ ಮಕ್ಕಳ ಜವಾಬ್ದಾರಿ ನನ್ನದು. ಮುಂಬರುವ ದಿನಗಳಲ್ಲಿ ಮತ್ತಷ್ಟು ಅನಾಥ ಮಕ್ಕಳನ್ನು ದತ್ತು ತೆಗೆದುಕೊಳ್ಳುತ್ತೇನೆ. ಅವರ ಬಾಳಿನಲ್ಲಿ ಬೆಳಕು ತರುತ್ತೇನೆ. ಒಬ್ಬರಿಗೆ ಸಹಾಯ ಮಾಡುವುದರಲ್ಲಿ ಸಿಗುವ ಸುಖ ಇನ್ಯಾವುದರಲ್ಲೂ ಸಿಗದು. ಅದಕ್ಕಾಗಿಯೇ ಯಾರೂ ಇಲ್ಲದವರಿಗೆ ಆಸರೆಯಾಗಬೇಕೆಂದಿದ್ದೇನೆ'' ಎನ್ನುತ್ತಾರೆ ಪ್ರೀತಿ ಜಿಂಟಾ.

    ಈ ಮಕ್ಕ್ಕಳೊಂದಿಗೆ ಮಾತನಾಡುತ್ತಿದ್ದರೆ ಮನಸ್ಸಿನಲ್ಲಿ ಶಾಂತ ಮನೋಭಾವ ಮೂಡುತ್ತದೆ. ನಿಜಕ್ಕೂ ನನಗೆ ಖುಷಿಯಾಗಿದೆ ಎನ್ನುವ ಪ್ರೀತಿ ಜಿಂಟಾ ಮಾತುಗಳನ್ನು ಇತರರು ಪಾಲಿಸಿದರೆ ಎಷ್ಟು ಚೆಂದ ಅಲ್ಲವೆ! ಪ್ರೀತಿ ಜಿಂಟಾ ವಯಸ್ಸು ಸಹ 34 ವರ್ಷ. ಈ ಕಾರಣಕ್ಕೆ ಇರಬೇಕು 34 ಮಕ್ಕಳನ್ನು ದತ್ತು ತೆಗೆದುಕೊಂಡಿದ್ದಾರೆ. ಸದ್ಯಕ್ಕೆ ಜಾಹ್ನು ಬಾರುವಾ ನಿರ್ದೇಶನದ 'ಹರ್ ಪಲ್' ಚಿತ್ರದಲ್ಲಿ ಪ್ರೀತಿ ಜಿಂಟಾ ನಟಿಸುತ್ತಿದ್ದಾರೆ.

    (ದಟ್ಸ್ ಕನ್ನಡ ಚಿತ್ರವಾರ್ತೆ)

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X