ದೀಪಿಕಾ ಪಡುಕೋಣೆ ಬಗ್ಗೆ ನಿಮಗೆ ಗೊತ್ತಿರದ 9 ಸಂಗತಿಗಳು

ಅಸಲಿ ದೀಪಿಕಾ ನಟಿಯೇ ಅಲ್ಲ!

ಇಂದು ಬಾಲಿವುಡ್ ಕ್ಷೇತ್ರದಲ್ಲಿ ಬಹುಬೇಡಿಕೆಯ ಮತ್ತು ಖ್ಯಾತಿ ಗಳಿಸಿರುವ ನಟಿ ದೀಪಿಕಾ ಪಡುಕೋಣೆ ಅವರು ಚಿತ್ರರಂಗಕ್ಕೆ ಬರುವ ಮೊದಲು ಬೆಸ್ಟ್ ಬ್ಯಾಡ್ಮಿಂಟನ್ ಆಟಗಾರ್ತಿಯಾಗಿದ್ದರು. ನಟಿಯಾಗಬೇಕೆಂದು ಕನಸನ್ನು ಕಾಣದ ಡಿಪ್ಪಿಯನ್ನು ಚಿತ್ರರಂಗ ಆಕಸ್ಮಿಕವಾಗಿ ಬರಮಾಡಿಕೊಂಡಿತು.[ಮಸ್ತಾನಿ ಕಲೆಕ್ಷನ್: ಅಬ್ಬಬ್ಬಾ ಇದೇನೋ ಹಣಾನೋ, ಹುಣಸೇ ಬೀಜಾನೋ]

ಚೆನ್ನೈ ಎಕ್ಸ್ ಪ್ರೆಸ್ ಗೆ ನಟಿಯಾಗಬೇಕಿದ್ದವರು ಇವರಲ್ಲ

ನಿರ್ದೇಶಕ ರೋಹಿತ್ ಶೆಟ್ಟಿ ಮತ್ತು ಕಿಂಗ್ ಖಾನ್ ಶಾರುಖ್ ಖಾನ್ ಅವರ ಕಾಂಬಿನೇಷನ್ ನಲ್ಲಿ ಮೂಡಿಬಂದಿದ್ದ ಹಿಟ್ ಸಿನಿಮಾ 'ಚೆನ್ನೈ ಎಕ್ಸ್ ಪ್ರೆಸ್' ಗೆ ಮೊದಲು ನಾಯಕಿ ನಟಿಯಾಗಿ ಆಯ್ಕೆಯಾಗಿದ್ದು, ಇವರಲ್ಲ. ಬದ್ಲಾಗಿ ಬೇರೆ ಯಾರೋ ಆಯ್ಕೆ ಆಗಿದ್ದರು. ಆದರೆ ತದನಂತರ ಕೊನೆ ಕ್ಷಣದ ಬದಲಾವಣೆಯಲ್ಲಿ ಡಿಪ್ಪಿ ಶಾರುಖ್ ಗೆ ಜೋಡಿಯಾಗಿ ಆಯ್ಕೆ ಆದರು.

ದೀಪಿಕಾ ಅವರು ಹುಟ್ಟಿದ ಸ್ಥಳ ಡೆನ್ಮಾರ್ಕ್

ಡಿಪ್ಪಿ ಬೆಳೆದಿದ್ದು ಬೆಂಗಳೂರು ಆದರೂ ಹುಟ್ಟಿದ್ದು ಮಾತ್ರ ಡೆನ್ಮಾರ್ಕ್ ನ ಕೊಪೆನ್ ಹೇಗನ್ ನಲ್ಲಿ. ತದನಂತರ ಡಿಪ್ಪಿಗೆ ಸುಮಾರು 11 ವರ್ಷ ಆದ ಮೇಲೆ ಬೆಂಗಳೂರಿನಲ್ಲಿ ನೆಲೆಸಿದರು. ತಂದೆ ಪ್ರಕಾಶ್ ಅವರ ಊರು ಕುಂದಾಪುರ ಸಮೀಪ ಪಡುಕೋಣೆ ಆಗಿರುವುದರಿಂದ ಡಿಪ್ಪಿಯ ಹೆಸರಿಗೂ ಪಡುಕೋಣೆ ಎಂಬ ಸರ್ ನೇಮ್ ಬಂತು.

'ಚಾಂದಿನಿ ಚೌಕ್ ಟು ಚೈನಾ'ದಲ್ಲಿ ರಿಯಲ್ ಸ್ಟಂಟ್ಸ್

ಬಾಲಿವುಡ್ ನಟ ಅಕ್ಷಯ್ ಕುಮಾರ್ ಅವರೊಂದಿಗೆ ಕಾಣಿಸಿಕೊಂಡಿದ್ದ 'ಚಾಂದಿನಿ ಚೌಕ್ ಟು ಚೈನಾ' ಸಿನಿಮಾಕ್ಕೆ ಬೇಕಾಗಿ ನಟಿ ದೀಪಿಕಾ ಅವರು ಜಪಾನೀಸ್ ಮಾರ್ಷಲ್ ಆರ್ಟ್ಸ್ ಅನ್ನು ಜುಜುಸ್ತು ಎಂಬವರಿಂದ ಕಲಿತಿದ್ದರು. ಜೊತೆಗೆ ಸಿನಿಮಾದಲ್ಲಿ ಅವರು ಯಾವುದೇ ಡ್ಯೂಪ್ ಉಪಯೋಗಿಸದೆ ರಿಯಲ್ ಸ್ಟಂಟ್ ಮಾಡಿದ್ದಾರೆ.

ಡಿಪ್ಪಿಯ ಫಸ್ಟ್ ಡೈಲಾಗ್ 'ಓಂ ಶಾಂತಿ ಓಂ'

ನಟಿಯಾದ ದೀಪಿಕಾ ಅವರು ಫಸ್ಟ್ ಡೈಲಾಗ್ ಹೊಡೆದಿದ್ದು, 'ಓಂ ಶಾಂತಿ ಓಂ' ಸಿನಿಮಾದ ಲ್ಲಿ 'ಕುತ್ತೆ ಕಮೀನೇ!, ಭಗವಾನ್ ಕೀ ಲಾಯೇ ಮುಜೆ ಚೋಡ್ ದೋ' ಎಂದು ಭರ್ಜರಿಯಾಗಿ ಡೈಲಾಗ್ ಹೊಡೆದಿದ್ದರು.

'ಝರ' ಅಂದರೆ ಡಿಪ್ಪಿಗೆ ಇಷ್ಟ

ನಟಿ ದೀಪಿಕಾ ಅವರು ಸಾಮಾನ್ಯವಾಗಿ 'ಝರ' ಬ್ರ್ಯಾಂಡ್ ನ ಡ್ರೇಸ್ ಮೆಟೀರಿಯಲ್ಸ್ ಗಳನ್ನು ಉಪಯೋಗಿಸುತ್ತಾರೆ. ಅದ್ರಲ್ಲೂ ದೊಡ್ಡ ದೊಡ್ಡ ಕಾರ್ಯಕ್ರಮಗಳಿಗೆ ಹೆಚ್ಚಾಗಿ ಇದನ್ನು ಉಪಯೋಗಿಸುತ್ತಾರೆ.

ಗುರುದತ್ ರಿಲೇಟಿವ್ ದೀಪಿಕಾ

ನಟಿ ದೀಪಿಕಾ ಪಡುಕೋಣೆ ಲೆಜೆಂಡರಿ ಸಿನಿಮಾ ನಿರ್ಮಾಪಕ ಗುರುದತ್ ಅವರ ಹತ್ತಿರದ ಸಂಬಂಧಿ. ಗುರುದತ್ ಅವರ ನಿಜವಾದ ಹೆಸರು ವಸಂತ್ ಪಡುಕೋಣೆ.

ಆನಿಶಾ ತಂಗಿ ದೀಪಿಕಾ

ಬಾಜೀರಾವ್ ಬೆಡಗಿ 'ಮಸ್ತಾನಿ' ನಟಿ ದೀಪಿಕಾ ಅವರು ಗಾಲ್ಫ್ ಚಾಂಪಿಯನ್ ಅನಿಶಾ ಅವರ ತಂಗಿ. ನಟಿ ದೀಪಿಕಾ ಹೊರಾಂಗಣ ಆಟಗಳನ್ನು ಹೆಚ್ಚು ಇಷ್ಟ ಪಡುತ್ತಿದ್ದರು.

ಡಿಪ್ಪಿ-ನಿಹಾರ್ ಪಾಂಡ್ಯ ಅವರ ಲವ್ವಿ-ಡವ್ವಿ

ನಟಿ ದೀಪಿಕಾ ಅವರು ಸಿನಿಮಾ ಕ್ಷೇತ್ರಕ್ಕೆ ಬರುವ ಮುಂಚೆ ನಟ ನಿಹಾರ್ ಪಾಂಡ್ಯ ಅವರ ಜೊತೆ ಲವ್ವಿ-ಡವ್ವಿ ಆಡುತ್ತಿದ್ದರು. ತದನಂತರ ರಣಬೀರ್ ಕಪೂರ್ ಅವರ ಜೊತೆ ಸ್ವಲ್ಪ ದಿನ ಡೇಟಿಂಗ್ ಮಾಡಿದರು, ಇದೀಗ ಕೊನೆಗೆ ರಣವೀರ್ ಸಿಂಗ್ ಅವರನ್ನು ಮದುವೆಯಾಗಲು ತಯಾರಿ ನಡೆಸುತ್ತಿದ್ದಾರೆ.