'ಲಾಲ್ ಸಿಂಗ್ ಚಡ್ಡಾ' 57 ಸಾವಿರ ಅಡ್ವಾನ್ಸ್ ಬುಕಿಂಗ್: ಆಮಿರ್ ಸಿನಿಮಾ ಭವಿಷ್ಯವೇನು?

ಆಮಿರ್ ಖಾನ್ ಸಿನಿಮಾ ಭವಿಷ್ಯ ಹೇಗಿದೆ?

'ಲಾಲ್‌ ಸಿಂಗ್ ಚಡ್ಡಾ' 2022ರ ಅತೀ ದೊಡ್ಡ ರಿಲೀಸ್ ಎಂದೇ ನಂಬಲಾಗಿತ್ತು. ಆಗಸ್ಟ್ 11ರಂದು ರಿಲೀಸ್ ಆಗುತ್ತಿರುವ ಸಿನಿಮಾ ಕಲೆಕ್ಷನ್ ಮೇಲೆ ಎಲ್ಲರ ಕಣ್ಣು ಇದೆ. ಹೀಗಾಗಿ 5 ದಿನಗಳ ಹಿಂದೆನೇ ಅಡ್ವಾನ್ಸ್ ಬುಕಿಂಗ್ ಶುರುವಾಗಿತ್ತು. ಇನ್ನೇನು ಒಂದು ದಿನ ಇದೆ ಅನ್ನುವಾಗಲೂ ಅಡ್ವಾನ್ಸ್ ಬುಕಿಂಗ್‌ಗೆ ಉತ್ತಮ ಪ್ರತಿಕ್ರಿಯೆ ಸಿಕ್ಕಿಲ್ಲ ಎನ್ನಲಾಗಿದೆ. ಮೂರು ನ್ಯಾಷನಲ್ ಚೈನ್‌ಗಳಾದ ಪಿವಿಆರ್, ಐನಾಕ್ಸ್, ಸಿಪೊಲಿಸ್ ಅಂತಹ ಮಲ್ಟಿಪ್ಲೆಕ್ಸ್‌ನಲ್ಲಿ ಅದ್ಭುತ ರೆಸ್ಪಾನ್ಸ್ ಸಿಕ್ಕಿಲ್ಲ ಎಂದು ವರದಿಯಾಗಿದೆ. ಇಂದು (ಆಗಸ್ಟ್ 10) ಬೆಳಗ್ಗೆ ವರೆಗೂ ಈ ಮೂರು ಚೈನ್‌ಗಳಲ್ಲಿ ಕೇವಲ 30 ಸಾವಿರ ಟಿಕೆಟ್ ಅಡ್ವಾನ್ಸ್ ಬುಕಿಂಗ್ ಆಗಿದೆ ಎಂದು ಬಾಲಿವುಡ್ ಹಂಗಾಮ ವರದಿ ಮಾಡಿದೆ.

ಆಡ್ವಾನ್ಸ್ ಟಿಕೆಟ್ ಬುಕಿಂಗ್ ಎಷ್ಟು?

ಮಲ್ಟಿಪ್ಲೆಕ್ಸ್ ಹಾಗೂ ಸಿಂಗಲ್ ಸ್ಕ್ರೀನ್‌ಗಳಲ್ಲಿ ಆಮಿರ್ ಖಾನ್ ಅಭಿನಯದ 'ಲಾಲ್ ಸಿಂಗ್ ಚಡ್ಡಾ' ಹೆಚ್ಚು ಟಿಕೆಟ್‌ಗಳು ಬುಕಿಂಗ್ ಆಗಿಲ್ಲ. ಬಾಲಿವುಡ್ ಹಂಗಾಮ ವರದಿ ಪ್ರಕಾರ, ಈ ಸಿನಿಮಾ ಟಿಕೆಟ್ ಆಗಸ್ಟ್ 10ರ ಬೆಳಗ್ಗೆ ವರೆಗೂ ಸುಮಾರು 57 ಸಾವಿರ ಟಿಕೆಟ್ ಬುಕ್ ಆಗಿರಬಹುದು ಎಂದು ವರದಿಯಾಗಿದೆ. ಈ ಮೂಲಕ ಮೊದಲ ದಿನಕ್ಕೆ ಕೇವಲ 57 ಸಾವಿರ ಟಿಕೆಟ್ ಸೇಲ್ ಆಗಿದ್ದು, ಕಾರ್ತಿಕ್ ಆರ್ಯನ್ ಅಭಿನಯದ 'ಭೂಲ್ ಭುಲಯ್ಯಾ 2' ಸಿನಿಮಾದ ಅಡ್ವಾನ್ಸ್ ಬುಕಿಂಗ್‌ಗಿಂತ ಶೇ. 50ರಷ್ಟು ಕಡಿಮೆ ಎನ್ನಲಾಗಿದೆ. 'ಭೂಲ್ ಭುಲಯ್ಯಾ 2' ಅಂದಾಜು 1.05 ಲಕ್ಷ ಟಿಕೆಟ್ ಬುಕಿಂಗ್ ಆಗಿತ್ತು.

ಎಷ್ಟು ಟಿಕೆಟ್ ಸೇಲ್ ಆಗಬಹುದು?

'ಲಾಲ್ ಸಿಂಗ್ ಚಡ್ಡಾ' ಮೊದಲ ಶೋ ಹೊತ್ತಿಗೆ ಸುಮಾರು 62 ಸಾವಿರ ಟಿಕೆಟ್ ಅಡ್ವಾನ್ಸ್ ಬುಕ್ ಆಗಬಹುದು. ಭಾರತದಾದ್ಯಂತ ಸುಮಾರು 1.10 ಲಕ್ಷ ಟಿಕೆಟ್ ಸೇಲ್ ಆಗಬಹುದು ಎಂದು ಅಂದಾಜಿಸಲಾಗಿದೆ. ಇದು ವರುಣ್ ಧವನ್ ಸಿನಿಮಾ 'ಜುಗ್ ಜುಗ್ ಜಿಯೋ'ಗಿಂತ ಶೇ.5 ರಷ್ಟು ಅಧಿಕ ಹಾಗೂ 'ಭೂಲ್ ಭುಲಯ್ಯಾ' ಸಿನಿಮಾಗಿಂತ ಶೇ.45 ರಷ್ಟು ಕಡಿಮೆ ಎಂದು ಲೆಕ್ಕಹಾಕಲಾಗಿದೆ. ಹೀಗಾಗಿ 'ಲಾಲ್ ಸಿಂಗ್ ಚಡ್ಡಾ' ಫಸ್ಟ್ ಡೇ ಕಲೆಕ್ಷನ್ ಬಗ್ಗೆ ಕುತೂಹಲ ಮೂಡಿದೆ.

ರಕ್ಷಾ ಬಂಧನ್ Vs ಲಾಲ್ ಸಿಂಗ್ ಚಡ್ಡಾ

ಬಾಲಿವುಡ್‌ನ ಎರಡು ಬಿಗ್ ಸಿನಿಮಾಗಳು ಬಿಡುಗಡೆಯಾಗುತ್ತಿವೆ. ಆಮಿರ್ ಖಾನ್ ಅಭಿನಯದ 'ಲಾಲ್ ಸಿಂಗ್ ಚಡ್ಡಾ' ಒಂದ್ಕಡೆಯಾದರೆ, ಇನ್ನೊಂದ್ಕಡೆ ಅಕ್ಷಯ್ ಕುಮಾರ್ ಸಿನಿಮಾ 'ರಕ್ಷಾ ಬಂಧನ್' ಮತ್ತೊಂದು. ಈ ಎರಡೂ ಸಿನಿಮಾಗೂ ಬಾಕ್ಸಾಫೀಸ್‌ನಲ್ಲಿ ಹೇಗೆ ಮೋಡಿ ಮಾಡುತ್ತೆ ಅನ್ನೋ ಕುತೂಹಲವಂತೂ ಇದ್ದೇ ಇದೆ.