ರಣಬೀರ್ ಕಪೂರ್ ರಿಜೆಕ್ಟ್ ಮಾಡಿದ ಈ 6 ಸಿನಿಮಾಗಳು ಸೂಪರ್ ಹಿಟ್ ಆಗಿವೆ

ದಿಲ್ ಧಡಕ್ ನೇ ದೋ

2015ರಲ್ಲಿ ರಿಲೀಸ್ ಆದ ಝೋಯ ಅಕ್ತಾರ್ ನಿರ್ದೇಶನದ ದಿಲ್ ಧಡಕ್ ನೇ ದೋ ಸಿನಿಮಾಗೂ ರಣಬೀರ್ ಕಪೂರ್ ಗೆ ಮೊದಲು ಆಫರ್ ಮಾಡಲಾಗಿತ್ತು. ಆದರೆ ಈ ಸಿನಿಮಾವನ್ನು ಸಹ ರಣಬೀರ್ ಕಪೂರ್ ರಿಜೆಕ್ಟ್ ಮಾಡಿದ್ದಾರೆ. ರಣಬೀರ್ ನಿರಾಕರಿಸಿದ ಜಾಗದಲ್ಲಿ ರಣ್ವೀರ್ ಸಿಂಗ್ ಕಾಣಿಸಿಕೊಂಡಿದ್ದಾರೆ. ಈ ಚಿತ್ರದಲ್ಲಿ ದೊಡ್ಡ ತಾರಾಬಳಗವೆ ಇದೆ. ಅನಿಲ್ ಕಪೂರ್, ಸೈಫ್ ಅಲಿ ಖಾನ್, ಪ್ರಿಯಾಂಕಾ ಚೋಪ್ರಾ, ಅನುಷ್ಕಾ ಶರ್ಮಾ ಮತ್ತು ಫರಾನ್ ಅಖ್ತಾರ್ ಕಾಣಿಸಿಕೊಂಡಿದ್ದಾರೆ.

2 ಸ್ಟೇಟ್ಸ್

2014ರಲ್ಲಿ ರಿಲೀಸ್ ಆದ 2 ಸ್ಟೇಟ್ಸ್ ಸಿನಿಮಾ ಸಹ ರಣಬೀರ್ ಕಪೂರ್ ಮಾಡಬೇಕಿತ್ತು. ಅಭಿಷೇಕ್ ವರ್ಮ ನಿರ್ದೇಶನದಲ್ಲಿ ಮೂಡಿಬಂದ 2 ಸ್ಟೇಟ್ಸ್ ಸಿನಿಮಾ ಮೊದಲು ಶಾರುಖ್ ಖಾನ್ ಗೆ ಆಫರ್ ಹೋಗಿತ್ತು. ಈ ಸಿನಿಮಾ ಮಾಡಲು ಶಾರುಖ್ ಸಹ ತಯಾರಾಗಿದ್ದರು, ಆದರೆ ದಿಢೀರನೆ ಸಿನಿಮಾದಿಂದ ಹೊರಬಂದರು. ಆ ನಂತರ ಈ ಸಿನಿಮಾ ರಣಬೀರ್ ಕಪೂರ್ ಬಳಿ ಹೋಗಿತ್ತು. ಆದರೆ ರಣಬೀರ್ ಸಹ ಈ ಸಿನಿಮಾ ರೆಜೆಕ್ಟ್ ಮಾಡುತ್ತಾರೆ. ಆ ನಂತರ ಅರ್ಜುನ್ ಕಪೂರ್ ಮತ್ತು ಅಲಿಯಾ ಭಟ್ ಅಭಿನಯಿಸಿದ್ದಾರೆ.

ಜಿಂದಗಿ ನಾ ಮಿಲೆಗಿ ದೋಬರಾ

ಜಿಂದಗಿ ನಾ ಮಿಲೆಗಿ ದೋಬಾರಾ, ಜೋಯಾ ಅಕ್ತಾರ್ ನಿರ್ದೇಶನದಲ್ಲಿ ಮೂಡಿಬಂದ ಸಿನಿಮಾ. 2011ರಲ್ಲಿ ರಿಲೀಸ್ ಆದ ಈ ಸಿನಿಮಾದಲ್ಲಿ ಹೃತಿಕ್ ರೋಷನ್ ಮತ್ತು ಕತ್ರೀನಾ ಕೈಫ್ ಕಾಣಿಸಿಕೊಂಡಿದ್ದಾರೆ. ಆದರೆ ಹೃತಿಕ್ ಗೂ ಮೊದಲೆ ಈ ಸಿನಿಮಾದ ಕಥೆಯನ್ನು ರಣಬೀರ್ ಕಪೂರ್ ಗೆ ಹೇಳಲಾಗಿತ್ತಂತೆ ಆದರೆ, ರಣಬೀರ್ ಈ ಸಿನಿಮಾವನ್ನು ರಿಜೆಕ್ಟ್ ಮಾಡಿದ್ದಾರೆ.

ಡೆಲ್ಲಿ ಬೆಲ್ಲಿ

2011ರಲ್ಲಿ ರಿಲೀಸ್ ಆದ ಡೆಲ್ಲಿ ಬೆಲ್ಲಿ ಸಿನಿಮಾ ಅಭಿನಯ್ ಡಿಯೋ ನಿರ್ದೇಶನದಲ್ಲಿ ಮೂಡಿಬಂದ ಚಿತ್ರ. ಆಮೀರ್ ಖಾನ್ ನಿರ್ಮಾಣದ ಈ ಸಿನಿಮಾ ಮೊದಲು ರಣಬೀರ್ ಕಪೂರ್ ಬಳಿ ಹೋಗಿತ್ತಂತೆ. ಆದರೆ ರಣಬೀರ್ ಸಿನಿಮಾ ಮಾಡಲು ಒಪ್ಪಿಕೊಂಡಿಲ್ಲ. ನಂತರ ಇಮ್ರಾನ್ ಖಾನ್ ನಾಯಕನಾಗಿ ಕಾಣಿಸಿಕೊಂಡಿದ್ದಾರೆ.

ಬ್ಯಾಂಡ್ ಬಾಜಾ ಬಾರಾತ್

ಬ್ಯಾಂಡ್ ಬಾಜಾ ಬಾರಾತ್, ರಣ್ವೀರ್ ಸಿಂಗ್ ಮತ್ತು ಅನುಷ್ಕಾ ಶರ್ಮಾ ಅಭಿನಯದ ಸಿನಿಮಾ. ರಣ್ವೀರ್ ಸಿಂಗ್ ಮೊದಲ ಸಿನಿಮಾವಿದು. ಮನೀಶ್ ಶರ್ಮಾ ನಿರ್ದೇಶನದಲ್ಲಿ ಮೂಡಿ ಬಂದ ಈ ಸಿನಿಮಾ ಸಹ ಮೊದಲು ರಣಬೀರ್ ಕಪೂರ್ ಬಳಿ ಹೋಗಿತ್ತು. ಆದರೆ ಕಥೆ ಕೇಳಿ ಇಂಪ್ರೆಸ್ ಆಗದ ರಣಬೀರ್ ಕಪೂರ್ ಸಿನಿಮಾ ತರಸ್ಕರಿಸಿದ್ದಾರೆ. ಈ ಸಿನಿಮಾ ಮೂಲಕವೆ ರಣವೀರ್ ಬಾಲಿವುಡ್ ಗೆ ಗ್ರ್ಯಾಂಡ್ ಆಗಿ ಎಂಟ್ರಿ ಕೊಟ್ಟಿದ್ದಾರೆ.