ಜೂ.ಎನ್‌ಟಿಆರ್ ಸಹನಟಿಗೆ ಕಾಡುತ್ತಿದೆ ಖಿನ್ನತೆ: ಸಾಯುವ ಭೀತಿ!

ಊಸರವಳ್ಳಿ ಸಹನಟಿಗೆ ಖಿನ್ನತೆ

ಜೂ.ಎನ್‌ಟಿಆರ್-ತಮನ್ನಾ ನಟಿಸಿದ್ದ 'ಊಸರವಳ್ಳಿ' ಸಿನಿಮಾದಲ್ಲಿ ಚಿತ್ರ ಪಾತ್ರ ನಿರ್ವಹಿಸಿದ್ದ ನಟಿ ಪಾಯಲ್ ಘೋಷ್ ಕಳೆದ ಐದು ವರ್ಷದಿಂದ ಖಿನ್ನತೆಯಿಂದ ಬಳಲುತ್ತಿದ್ದಾರಂತೆ. ಈ ಬಗ್ಗೆ ಸ್ವತಃ ಅವರೇ ಹೇಳಿಕೊಂಡಿದ್ದಾರೆ.

ಸಾಯುವ ಭಯ ಕಾಡುತ್ತದೆಯಂತೆ

ನನಗೆ ಸಾಯುವ ಭಯ ಕಾಡುತ್ತದೆ. ಆಗಾಗ ತೀವ್ರ ಆಘಾತಕ್ಕೆ ಒಳಗಾಗುತ್ತೇನೆ. 'ನನಗೆ ಸಾಯುವ ಭಯ ಕಾಡುತ್ತದೆ. ಯಾರೊ ಕೊಲ್ಲುತ್ತಾರೆ ಎನಿಸುತ್ತಾರೆ, ಕೂಡಲೆ ನಾನು ಕೋಕಿಲಾಬೆನ್ ಆಸ್ಪತ್ರೆಗೆ ಹೋಗುತ್ತೇನೆ' ಎಂದು ತಾವೆದುರಿಸುತ್ತಿರುವ ಸಮಸ್ಯೆ ಬಗ್ಗೆ ಬರೆದುಕೊಂಡಿದ್ದಾರೆ ಪಾಯಲ್.

'ಕುಟುಂಬದವರು, ಸ್ನೇಹಿತರು ಸಹಾಯ ಮಾಡುತ್ತಾರೆ'

ಈ ರೀತಿಯ ಆಘಾತಗಳಾದಾಗ ನನಗೆ ನನ್ನ ಕುಟುಂಬದವರು, ಸ್ನೇಹಿತರು ಬೆಂಬಲ ಕೊಡುತ್ತಾರೆ. ನನ್ನ ಈ ಅಸಂಬಂಧ್ಧ ವರ್ತನೆಗಳನ್ನೆಲ್ಲಾ ಅವರು ಸಹಿಸಿಕೊಂಡು ಸಹಕರಿಸುತ್ತಿದ್ದಾರೆ. ನಾನು ಮಾನಸಿಕ ಆರೋಗ್ಯಕ್ಕಾಗಿ ಚಿಕಿತ್ಸೆ ಪಡೆದುಕೊಳ್ಳುತ್ತಿದ್ದೇನೆ ಎಂದಿದ್ದಾರೆ ನಟಿ.

'ತಾಯಿ ಮತ್ತು ತಂಗಿಗೂ ಹೀಗೆ ಆಗುತ್ತದೆ'

ಮುಂದುವರೆದು, 'ಈ ಮಾನಿಸಕ ಆಘಾತಗಳು ಅನುವಂಶಿಕವಾಗಿ ನನಗೆ ಬಂದಿವೆ. ನನ್ನ ತಾಯಿಗೂ ಹೀಗೆ ಆಗುತ್ತಿತ್ತು, ನನ್ನ ಸಹೋದರಿಗೂ ಆಗುತ್ತದೆ, ಇದನ್ನು ಹೊರತುಪಡಿಸಿದರೆ ನನಗೆ ಯಾವುದೇ ಸಮಸ್ಯೆ ಇಲ್ಲ, ನಾನು ಸಂತೋಷವಾಗಿದ್ದೇನೆ. ನನ್ನ ಜೀವನವನ್ನು ನಾನು ಪ್ರೀತಿಸುತ್ತಿದ್ದೇನೆ' ಎಂದಿದ್ದಾರೆ ನಟಿ.

ಜೂ.ಎನ್‌ಟಿಆರ್‌ ಬೆಂಬಲಕ್ಕೆ ನಿಂತಿದ್ದ ನಟಿ

ಜೂ.ಎನ್‌ಟಿಆರ್ ಅಭಿಮಾನಿಗಳ ಮೇಲೆ ಮೀರಾ ಚೋಪ್ರಾ ಗರಂ ಆಗಿದ್ದಾಗ, ಎನ್‌ಟಿಆರ್ ಬೆಂಬಲಕ್ಕೆ ನಿಂತಿದ್ದ ನಟಿ ಪಾಯಲ್ ಘೋಷ್, ಎನ್‌ಟಿಆರ್‌ ಗೆ ಮಹಿಳೆಯರನ್ನು ಗೌರವಿಸುವುದು ಗೊತ್ತು' ಎಂದಿದ್ದರು. ಅದಕ್ಕೆ ಘಟನೆಯನ್ನು ಉದಾಹರಣೆಯಾಗಿಯೂ ನೀಡಿದ್ದರು.