Don't Miss!
- Automobiles ಪ್ರಸಿದ್ಧ ಪುಣ್ಯಕ್ಷೇತ್ರ ಶೃಂಗೇರಿ ಶಾರದಾಂಬಾ ದರ್ಶನಕ್ಕೆ ತೆರಳಬೇಕೇ.. ಹಾಗಾದರೆ ಈ ಸ್ಟೋರಿ ನೋಡಿ
- Lifestyle ಹನುಮಂತನ ಪವಾಡ: ಈ ದೇವಾಲಯದಲ್ಲಿ ಹನುಮಾನ್ ಮೂರ್ತಿ ವರ್ಷದಿಂದ ವರ್ಷಕ್ಕೆ ಎತ್ತರ ಬೆಳೆಯುತ್ತಿದೆ!
- News ಮೀಸಲಾತಿ ಅಸ್ತ್ರ ಪ್ರಯೋಗಿಸಿದ ಮೋದಿ; ಮುಸ್ಲಿಂ ಸಮುದಾಯಕ್ಕೆ 4% ಮೀಸಲಾತಿ: ಸಿದ್ದರಾಮಯ್ಯ
- Sports IPL 2024: ಎಸ್ಆರ್ಹೆಚ್ ಸಂಘಟಿತ ಆಟಕ್ಕೆ ಬ್ರೇಕ್ ಹಾಕಲು ಆರ್ಸಿಬಿ ಏನು ಮಾಡಬೇಕು?
- Finance Lok Sabha Election 2024: ಮತದಾನ ಮಾಡಿ ಹೋಟೆಲ್ಗಳಲ್ಲಿ ಫ್ರೀಯಾಗಿ, ರಿಯಾಯಿತಿಯಲ್ಲಿ ಟಿಫನ್ ತಿನ್ನಿ!
- Technology Qubo InstaView ವಿಡಿಯೋ ಡೋರ್ ಫೋನ್ ಲಾಂಚ್!..ಬೆಲೆ ಎಷ್ಟು, ಫೀಚರ್ಸ್ ಏನಿವೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ನೂರು ಕೋಟಿ ಮೇಲೆ ಕಣ್ಣಿಟ್ಟ ನಟಿ ಪೂನಂ ಪಾಂಡೆ
ಎಲ್ಲರ ಕಣ್ಣು ಬಾಲಿವುಡ್ ನಟಿ, ಟ್ವಿಟ್ಟರ್ ರಾಣಿ ಪೂನಂ ಪಾಂಡೆ ಮೇಲೆ ಬಿದ್ದರೆ, ಅವರು ಮಾತ್ರ ನೂರು ಕೋಟಿ ಮೇಲೆ ಕಣ್ಣಾಕಿದ್ದಾರೆ. ಬಾಲಿವುಡ್ ನ ಸ್ಟಾರ್ ನಟರ ಚಿತ್ರಗಳೇ ನೂರು ಕೋಟಿ ಕ್ಲಬ್ ಸೇರಲು ಹರಸಾಹಸ ಪಡುತ್ತಿವೆ. ಇಂತಹ ಸಂದರ್ಭದಲ್ಲಿ ತಾನು ನೂರು ಕೋಟಿ ಕ್ಲಬ್ ಸೇರುವ ಭರವಸೆಯನ್ನು ವ್ಯಕ್ತಪಡಿಸಿದ್ದಾರೆ ಪೂನಂ.
ತಮ್ಮ 'ನಶಾ' (2013) ಚಿತ್ರವನ್ನು ಸರಿಯಾಗಿ ಪ್ರಚಾರ ಮಾಡಿದ್ದರೆ ಆಗಲೇ ತಾವು ನೂರು ಕೋಟಿ ಕ್ಲಬ್ ಸೇರುತ್ತಿದ್ದೆ. ಆದರೆ ನಿರ್ಮಾಪಕರು ಚಿತ್ರವನ್ನು ಸರಿಯಾಗಿ ಪ್ರೊಮೋಟ್ ಮಾಡದೆ ಚಿತ್ರ ನಿರೀಕ್ಷಿಸಿದಷ್ಟು ಸದ್ದು ಮಾಡಲಿಲ್ಲ ಎಂದು ಟ್ವೀಟಿಸಿ ತಮ್ಮ ಅಸಮಾಧಾನದ ಹೊಗೆಯನ್ನು ಉಗುಳಿದ್ದಾರೆ. [ಟ್ವಿಟ್ಟರ್ ಜೊತೆ ಪೂನಂ ಪಾಂಡೆ 10 ಕೋಟಿ ಡೀಲ್!]
ಈಗ ತಮಗೆ ಐನಾತಿ ನಿರ್ಮಾಪಕರೊಬ್ಬರು ಸಿಕ್ಕಿದ್ದು ಅವರೊಂದಿಗೆ ಹೊಸ ಪ್ರಾಜೆಕ್ಟ್ ಒಪ್ಪಿಕೊಂಡಿದ್ದೇನೆ. ಆ ನಿರ್ಮಾಪಕರಂತಲ್ಲಾ ಈ ನಿರ್ಮಾಪಕರು. ಈ ಚಿತ್ರ ಖಂಡಿತ ನೂರು ಕೋಟಿ ಕ್ಲಬ್ ಸೇರುತ್ತದೇ ನೋಡ್ತಾ ಇರಿ ಎಂದು ಕಣ್ಣು ಮಿಟುಕಿಸಿದ್ದಾರೆ ಪೂನಂ ಪಾಂಡೆ.
ನಶಾ ಚಿತ್ರ ನೂರು ಕೋಟಿ ಕ್ಲಬ್ ಸೇರಲಿಲ್ಲ
ನಶಾ ಚಿತ್ರವನ್ನು ಪ್ರಮೋಟ್ ಮಾಡಲು ನಿರ್ಮಾಪಕರ ಬಳಿ ಆಗ ದುಡ್ಡಿರಲಿಲ್ಲ. ಹಾಗಾಗಿ ಆ ಚಿತ್ರ ಬಾಕ್ಸ್ ಆಫೀಸಲ್ಲಿ ದುಡ್ಡು ಬಾಚಿದರೂ ನೂರು ಕೋಟಿ ಕ್ಲಬ್ ಸೇರಲಿಲ್ಲ. ಇದೀಗ ತಮಗೆ ತುಂಬಾ ಇಂಟರೆಸ್ಟಿಂಗ್ ಆಗಿರುವ ಸ್ಕ್ರಿಪ್ಟ್ ಸಿಕ್ಕಿದೆ. ಜೊತೆಗೆ ವಿಘ್ನೇಶ್ವರನ ಕೃಪೆಯೂ ಇದೆ ಎಂದಿದ್ದಾರೆ.
ಪೂನಂ ಪಾಂಡೆ ಜೊತೆಗೆ ಮೂರು ಚಿತ್ರಗಳು
ದಿ ವರ್ಲ್ಡ್ ನೆಟ್ ವರ್ಕ್ಸ್ ಎಂಬ ಸಂಸ್ಥೆ ತಮ್ಮ ಮುಂದಿನ ಚಿತ್ರವನ್ನು ನಿರ್ಮಿಸುತ್ತಿದೆ. ಈ ನಿರ್ಮಾಣ ಸಂಸ್ಥೆಯ ಚೊಚ್ಚಲ ಚಿತ್ರ ಇದಾಗಿದೆ ಎನ್ನುತ್ತಾರೆ ಪೂನಂ. ಇಂಟರ್ ನೆಟ್ ನಲ್ಲಿ ಪೂನಂಗೆ ಬೇರಾರು ಸಾಟಿ ಇಲ್ಲ. ಇದನ್ನು ಗಮನದಲ್ಲಿಟ್ಟುಕೊಂಡೇ ಅವರೊಂದಿಗೆ ಮೂರು ಚಿತ್ರಗಳನ್ನು ನಿರ್ಮಿಸುತ್ತಿದ್ದೇವೆ ಎಂದಿದ್ದಾರೆ ದಿ ವರ್ಲ್ಡ್ ನೆಟ್ ವರ್ಕ್ಸ್ ನ ಕಾರ್ಯನಿರ್ವಾಹಕ ನಿರ್ದೇಶಕ ಕುಮಾರ್ ಎಂಜಿ.
ಇದೇ ಮೊದಲ ಬಾರಿಗೆ ಪೂನಂ ಜೊತೆಗೆ ಒಪ್ಪಂದ
ಇದರ ಜೊತೆಗೆ ಮುಂಬರುವ ಎರಡು ವರ್ಷಗಳಲ್ಲಿ ಒಟ್ಟು ಐದು ಚಿತ್ರಗಳನ್ನು ನಿರ್ಮಿಸುತ್ತಿದ್ದೇವೆ. ಈ ಹಿಂದೆ ನಮ್ಮಲ್ಲಿ ಬಂಡವಾಳ ಹೂಡಲು ಸಾಕಷ್ಟು ಮಂದಿ ಬಂದಿದ್ದರು. ಆದರೆ ಇದೇ ಮೊದಲ ಬಾರಿಗೆ ಪೂನಂ ಜೊತೆ ಚಿತ್ರವನ್ನು ನಿರ್ಮಿಸುತ್ತಿದ್ದೇವೆ ಎಂದಿದ್ದಾರೆ ಕುಮಾರ್.
ಕಥೆ ಖಡಕ್ ಆಗಿದೆ, ಪ್ರಚಾರ ಜೋರಾಗಿರುತ್ತದೆ
ಇದೀಗ ಪೂನಂ ಜೊತೆಗಿನ ಚಿತ್ರದ ಕಥೆ ಬಹಳ ಸೊಗಸಾಗಿದೆ. ಜೊತೆಗೆ ಚಿತ್ರವನ್ನು ಸರಿಯಾದ ಪ್ರಚಾರ ನೀಡುತ್ತೇವೆ. ಪೂನಂ ಜೊತೆಗಿದ್ದಾರೆ ಎಂದರೆ ಈ ಬಾರಿ ನಾವು ಸುಲಭವಾಗಿ ನೂರು ಕೋಟಿ ಕ್ಲಬ್ ಸೇರುತ್ತೇವೆ ಎಂದು ಅಖಂಡ ವಿಶ್ವಾಸದಲ್ಲಿ ಹೇಳಿದ್ದಾರೆ ನಿರ್ಮಾಪಕರು.
ಲವ್ ಈಸ್ ಪಾಯಿಸನ್ ಯಾಕೆ ಮಕಾಡೆ ಮಲಗಿತು?
ಪೂನಂ ಪಾಂಡೆ ಸ್ಟೆಪ್ ಹಾಕಿದ್ದ ಕನ್ನಡ ಚಿತ್ರ 'ಲವ್ ಈಸ್ ಪಾಯಿಸನ್' ಚಿತ್ರ ಮಕಾಡೆ ಮಲಗಿತು. ಈ ಚಿತ್ರಕ್ಕೆ ಪೂನಂ ಪಾಂಡೆ ಸಾಕಷ್ಟು ಪ್ರಚಾರ ಕೊಟ್ಟರೂ ಪ್ರಯೋಜನವಾಗಲಿಲ್ಲ. ಚಿತ್ರ ಹತ್ತು ಕೋಟಿ ಕ್ಲಬ್ ಸಹ ಸೇರಲಿಲ್ಲ ಎಂಬುದು ದುರಂತ.