'ಆಸ್ಕರ್ ಪ್ರಶಸ್ತಿ'ಯಲ್ಲಿ ಮಿಂಚಲು ಪಿಗ್ಗಿ ಮಾಡಿದ ಖರ್ಚೆಷ್ಟು?

ಕೇಂದ್ರ ಬಿಂದುವಾದ ಪ್ರಿಯಾಂಕ

ಇದೇ ಮೊದಲ ಬಾರಿಗೆ ಆಸ್ಕರ್ ಪ್ರಶಸ್ತಿ ಪ್ರದಾನ ಕಾರ್ಯಕ್ರಮದಲ್ಲಿ ಮಿಂಚಿದ್ದ ಮಾಜಿ ವಿಶ್ವಸುಂದರಿ ಪಿಗ್ಗಿ ಅವರು ತಮ್ಮ ಉಡುಪು ಹಾಗೂ ತಮ್ಮ ವಯ್ಯಾರದಿಂದ ಎಲ್ಲರ ಗಮನವನ್ನು ತಮ್ಮತ್ತ ಸೆಳೆಯುವಲ್ಲಿ ಯಶಸ್ವಿಯಾಗಿದ್ದಾರೆ.

ಆಕರ್ಷಕವಾಗಿ ಕಾಣುತ್ತಿದ್ದ ಪಿಗ್ಗಿ

ಬೆಳ್ಳಗಿನ ತೆಳುವಾದ ಆಫ್ ಶೋಲ್ಡರ್ ಗೌನ್ ಹಾಗೂ ಅದಕ್ಕೆ ತಕ್ಕಂತೆ ಮ್ಯಾಚ್ ಆಗುವ ವಜ್ರದ ಆಭರಣಗಳನ್ನು ಧರಿಸಿದ್ದ ಪಿಗ್ಗಿ ಅವರು ಅತ್ಯಂತ ಹೆಚ್ಚು ಆಕರ್ಷಕವಾಗಿ ಕಾಣಿಸುತ್ತಿದ್ದರು.

ಅರೇಬಿಕ್-ಹಾಲಿವುಡ್ ಸ್ಟೈಲ್

ಕಾಸ್ಟ್ಯೂಮ್ ಡಿಸೈನರ್ ಜುಹೈರ್ ಮುರಾದ್ ಸಿದ್ಧಪಡಿಸಿದ್ದ ಕಲಾತ್ಮಕವಾದ ಆಫ್ ಶೋಲ್ಡರ್ ಗೌನ್ ಗೆ ಪಿಗ್ಗಿ ಧರಿಸಿದ್ದ ವಜ್ರದ ಆಭರಣಗಳು ಹೆಚ್ಚು ಮೆರಗು ತಂದಿದ್ದವು. ಅರೇಬಿಕ್-ಹಾಲಿವುಡ್ ಶೈಲಿಯ ಸಂಗಮವೆನಿಸಿದ ಗೌನ್ ಅನ್ನು ನಟಿ ಪ್ರಿಯಾಂಕ ಅವರಿಗಾಗಿಯೇ ಡಿಸೈನರ್ ಜುಹೈರ್ ಅವರು ತಯಾರು ಮಾಡಿದ್ದರು.

ವಜ್ರದ ಆಭರಣಗಳ ಬೆಲೆ ಎಷ್ಟು

ಇನ್ನು ನಟಿ ಪ್ರಿಯಾಂಕ ಅವರು ಧರಿಸಿದ್ದ ವಜ್ರದ ಆಭರಣಗಳ ಬೆಲೆ ಎಷ್ಟು ಗೊತ್ತಾ? ಬರೋಬ್ಬರಿ 8 ಮಿಲಿಯನ್ ಡಾಲರ್ ಅಂದರೆ ನಮ್ಮ ಭಾರತದ ರೂಪಾಯಿಗಳಲ್ಲಿ, ರೂ.54 ಕೋಟಿ, 77 ಲಕ್ಷ.

ಅತ್ಯಾಕರ್ಷವಾದ ವಜ್ರದ ಉಂಗುರ

ನಟಿ ಪ್ರಿಯಾಂಕ ಅವರು ಧರಿಸಿದ್ದ ವಜ್ರದ ಕಿವಿಯೋಲೆ ಮತ್ತು ವಜ್ರದ ಉಂಗುರಗಳು ಕೂಡ ತುಂಬಾ ಅತ್ಯಾಕರ್ಷಕವಾಗಿದ್ದವು. ಇನ್ನು ಪಿಗ್ಗಿ ಅವರಿಗೆ ತಮ್ಮ ಆಭರಣಗಳು ಎಷ್ಟು ಅಮೂಲ್ಯ ಹಾಗೂ 'ನನಗೆ ನಾನು ದೇವತೆ ಎಂಬ ಭಾವನೆ ಮೂಡುತ್ತಿದೆ' ಎಂದು ಪಿಗ್ಗಿ ಅವರು ಇನ್ ಸ್ಟಾಗ್ರಾಮ್ ನಲ್ಲಿ ಬರೆದುಕೊಂಡಿದ್ದಾರೆ.

ಹುಡುಗಿಯರಿಗೆ ಡೈಮಂಡ್ ಫ್ರೆಂಡ್ಸ್ ಇದ್ದಂತೆ

ಇನ್ನು ಆಕರ್ಷಕ ವಜ್ರದ ಆಭರಣ ಧರಿಸಿ ಮಿಂಚುತ್ತಿದ್ದ ಪಿಗ್ಗಿ ಅವರು 'ಡೈಮಂಡ್ಸ್ ಗಳು ಹುಡುಗಿಯರಿಗೆ ಅತ್ಯುತ್ತಮ ಗೆಳೆಯರು ಇದ್ದಂತೆ' ಎಂದು ಇನ್ ಸ್ಟಾಗ್ರಾಮ್ ನಲ್ಲಿ ಹಾಕಿಕೊಂಡಿದ್ದಾರೆ.