ನಟಿ ಪ್ರಿಯಾಂಕಾ ಚೋಪ್ರಾ ಮದುವೆಗೂ ಮುನ್ನ ತಾಯಿ!

ಮದುವೆಯಾದ ಮೇಲೆ ತಾಯಿಯಾಗಬೇಕೆಂದು ಹಂಬಲಿಸುವುದು ಹೆಣ್ಣಿನ ಸಹಜ ಗುಣಗಳಲ್ಲಿ ಒಂದು. ಆದರೆ ಮದುವೆಗೂ ಮುನ್ನವೇ ತಾಯಿಯಾಗಬೇಕೆಂದರೆ ಸಮಾಜ ಒಪ್ಪುತ್ತಾ? ಸಮಾಜ ಒಪ್ಪುತ್ತೋ ಬಿಡುತ್ತೋ ಗೊತ್ತಿಲ್ಲ. ಆದರೆ ಬಾಲಿವುಡ್ ತಾರೆ ಪ್ರಿಯಾಂಕಾ ಚೋಪ್ರಾ ಮಾತ್ರ ಆ ಸಾಹಸಕ್ಕೆ ಕೈಹಾಕಿದ್ದಾರೆ.

ಇನ್ನೂ ಒಂದು ವರ್ಷ ಮದುವೆಯಾಗುವ ಯಾವುದೇ ಸೂಚನೆಯನ್ನೂ ಪ್ರಿಯಾಂಕಾ ಚೋಪ್ರಾ ನೀಡಿಲ್ಲದಿದ್ದರೂ, ತಾನು ತಾಯಿಯಾಗಬೇಕೆಂದಿದ್ದೇನೆ ಎಂದು ಹೇಳಿ ಬಾಲಿವುಡ್ ನಲ್ಲಿ ಬಾಂಬ್ ಸಿಡಿಸಿದ್ದಾರೆ. ಈ ವಿಷಯವನ್ನು ಸ್ವತಃ 'ಫಿಲ್ಮಫೇರ್' ಫೆಬ್ರವರಿ ಸಂಚಿಕೆಯಲ್ಲಿ ಅವರು ಬಹಿರಂಗಪಡಿಸಿದ್ದಾರೆ. [ಪ್ರಿಯಾಂಕಾ ಚೋಪ್ರಾ ಹಾಟ್ ವಿಡಿಯೋ ಭರ್ಜರಿ ಕ್ಲಿಕ್]

ಈ ಸಂದರ್ಶನದ ಸಂಪೂರ್ಣ ವಿವರಗಳು ತಿಳಿಯಬೇಕಾದರೆ ಫೆಬ್ರವರಿ 25ರ ತನಕ ಕಾಯಬೇಕು. ಏಕೆಂದರೆ ಫೆಬ್ರವರಿ ಫಿಲಂಫೇರ್ ಸಂಚಿಕೆ ಬಿಡುಗಡೆಯಾಗುತ್ತಿರುವುದೇ ಅಂದು. ಒನ್ ಸೈಡ್ ಲವ್ ನಲ್ಲಿರುವ ಪ್ರಿಯಾಂಕಾ ತಾಯಿಯಾಗುತ್ತಿರುವ ರಹಸ್ಯ ಸದ್ಯಕ್ಕೆ ಗುಟ್ಟಾಗಿಯೇ ಇದೆ.

ಇನ್ನು ಪ್ರಿಯಾಂಕಾ ಚೋಪ್ರಾ ಚಿತ್ರಗಳ ವಿಚಾರಕ್ಕೆ ಬಂದರೆ ಸದ್ಯಕ್ಕೆ ಅವರು 'ದಿಲ್ ದಡ್ ಕ್ನೆ ದೋ' ಹಾಗೂ 'ಬಾಜಿರಾವು ಮಸ್ತಾನಿ' ಚಿತ್ರಗಳಲ್ಲಿ ಬಿಜಿಯಾಗಿದ್ದಾರೆ. ಇದೆಲ್ಲಾ ಪಕ್ಕಕ್ಕಿಟ್ಟರೆ ಬಾಲಿವುಡ್ ನಲ್ಲಿ ಅವರು ಸಿಡಿಸಿರುವ ಬಾಂಬ್ ಮಾತ್ರ ಭರ್ಜರಿಯಾಗಿದೆ. (ಏಜೆನ್ಸೀಸ್)