ಅಕ್ಕನ ಹಾದಿಯಲ್ಲಿ ತಂಗಿ: ಶ್ರೀದೇವಿ ಕಿರಿಯ ಪುತ್ರಿ ಖುಷಿ ಕೂಡ ಬಾಲಿವುಡ್ ಗೆ.?

ಸುಳಿವು ನೀಡಿದ ತಂದೆ ಬೋನಿ ಕಪೂರ್

ತಾಯಿ ಶ್ರೀದೇವಿ ಹಾಗೂ ಅಕ್ಕ ಜಾಹ್ನವಿ ಕಪೂರ್ ಹಾದಿಯಲ್ಲಿಯೇ ಸಾಗಲು ಖುಷಿ ಕಪೂರ್ ಮನಸ್ಸು ಮಾಡಿದ್ದಾರಂತೆ. ಹಾಗಂತ ಸ್ವತಃ ತಂದೆ ಬೋನಿ ಕಪೂರ್ ಸಂದರ್ಶನವೊಂದರಲ್ಲಿ ಬಾಯಿಬಿಟ್ಟಿದ್ದಾರೆ.

ಖುಷಿಗೆ ನಟನೆ ಮೇಲೆ ಆಸಕ್ತಿ

''ಮಕ್ಕಳ ಕನಸುಗಳಿಗೆ ನಾನೆಂದೂ ಅಡ್ಡಿ ಆಗಿಲ್ಲ. ಹಾಗ್ನೋಡಿದ್ರೆ, ಖುಷಿಗೆ ಮಾಡೆಲ್ ಆಗಬೇಕು ಎಂಬ ಆಸೆ ಇತ್ತು. ಆದ್ರೆ, ಈಗ ಆಕೆಯ ಗಮನ ನಟನೆ ಮೇಲಿದೆ. ನಟಿಯಾಗುವ ಹಂಬಲ ಆಕೆಗಿದೆ'' ಎಂದು ಹೇಳಿದ್ದಾರೆ ನಿರ್ಮಾಪಕ ಬೋನಿ ಕಪೂರ್.

ಸದ್ಯದಲ್ಲಿಯೇ ಘೋಷಣೆ

ಮಗಳು ಖುಷಿ ಕಪೂರ್ ನ ತಮ್ಮದೇ ಬ್ಯಾನರ್ ಮೂಲಕ ಬೋನಿ ಕಪೂರ್ ಲಾಂಚ್ ಮಾಡ್ತಾರಾ.? ಇಲ್ಲ ಆಕೆಯನ್ನ ಕರಣ್ ಜೋಹರ್ ಪರಿಚಯ ಮಾಡ್ತಾರಾ ಅನ್ನೋದಿನ್ನೂ ಪಕ್ಕಾ ಆಗಿಲ್ಲ. ಆದ್ರೆ, ಸದ್ಯದಲ್ಲಿಯೇ ಕಪೂರ್ ಕುಟುಂಬದಿಂದ ದೊಡ್ಡ ಅನೌನ್ಸ್ ಮೆಂಟ್ ಬರುವುದು ಖಚಿತ ಎನ್ನಲಾಗಿದೆ.

ಖುಷಿ ಕಪೂರ್ ಸರದಿ

ಕಪೂರ್ ಕುಟುಂಬಕ್ಕೂ ನಟನೆಗೂ ಹಿಂದಿನಿಂದಲೂ ನಂಟು. ಶ್ರೀದೇವಿ, ಅನಿಲ್ ಕಪೂರ್, ಸೋನಂ ಕಪೂರ್, ಅರ್ಜುನ್ ಕಪೂರ್.... ಇವರೆಲ್ಲಾ ಬಾಲಿವುಡ್ ನಲ್ಲಿ ಪ್ರಖ್ಯಾತಿ ಪಡೆದಿದ್ದಾರೆ. ಸಹಜವಾಗಿ, ನಟನೆ ಬಗ್ಗೆ ಜಾಹ್ನವಿ ಹಾಗೂ ಖುಷಿಗೆ ಆಸಕ್ತಿ ಇದ್ದೇ ಇದೆ. ಜಾಹ್ನವಿ ಅಂತೂ ಬಾಲಿವುಡ್ ಗೆ ಪದಾರ್ಪಣೆ ಮಾಡಿದ್ದಾಯ್ತು. ಇನ್ನೇನಿದ್ದರೂ ಖುಷಿ ಕಪೂರ್ ಸರದಿ.