ರಾಜ್ ಕುಂದ್ರಾ ಅರೆಸ್ಟ್: ಶಿಲ್ಪಾ ಶೆಟ್ಟಿ ಚಿತ್ರಕ್ಕೆ ಭರ್ಜರಿ ಪ್ರಚಾರ!

ಹಂಗಾಮ 2 ಬಿಡುಗಡೆ

ಪ್ರಿಯದರ್ಶನ್ ನಿರ್ದೇಶಿಸಿರುವ 'ಹಂಗಾಮ-2' ಚಿತ್ರ ಜುಲೈ 23 ರಂದು ಶುಕ್ರವಾರ ಡಿಸ್ನಿ ಹಾಟ್‌ಸ್ಟಾರ್‌ನಲ್ಲಿ ಬಿಡುಗಡೆಯಾಗುತ್ತಿದೆ. ಪರೇಶ್ ರಾವಲ್ ಮತ್ತು ಮೀಜಾನ್ ಜಾಫ್ರಿ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದು, ಪರೇಶ್ ರಾವಲ್‌ಗೆ ಜೋಡಿಯಾಗಿ ಶಿಲ್ಪಾ ಶೆಟ್ಟಿ ಹಾಗು ಮೀಜಾನ್‌ಗೆ ಜೋಡಿಯಾಗಿ ಪ್ರಣಿತಾ ಅಭಿನಯಿಸಿದ್ದಾರೆ.

ಪತಿ ಅರೆಸ್ಟ್ ಆಗಿ ಶಿಲ್ಪಾ ಚಿತ್ರಕ್ಕೆ ಪ್ರಚಾರ?

ಒಂದು ಕಡೆ ಹೊಸ ಸಿನಿಮಾ ರಿಲೀಸ್ ಆಗುತ್ತಿದೆ. ಮತ್ತೊಂದೆಡೆ ಇದೇ ಸಂದರ್ಭದಲ್ಲಿ ತನ್ನ ಪತಿ ಆಶ್ಲೀಲ ವಿಡಿಯೋ ನಿರ್ಮಾಣ ಕೇಸ್‌ನಲ್ಲಿ ಅರೆಸ್ಟ್ ಆಗಿದ್ದಾರೆ. ಈ ಹಿನ್ನೆಲೆ ಸಾಮಾಜಿಕ ಜಾಲತಾಣದಲ್ಲಿ ಬಹಳಷ್ಟು ಜನರು ಶಿಲ್ಪಾ ಶೆಟ್ಟಿಯನ್ನು ಟ್ರೋಲ್ ಮಾಡುತ್ತಿದ್ದಾರೆ. 'ರಾಜ್ ಕುಂದ್ರಾ ಅರೆಸ್ಟ್ ಆಗಿ ಹಂಗಾಮ 2 ಚಿತ್ರಕ್ಕೆ ಪ್ರಚಾರ ಮಾಡ್ತಿದ್ದಾರೆ' ಎಂದು ನೆಟ್ಟಿಗನೊಬ್ಬ ಕಾಮೆಂಟ್ ಮಾಡಿದ್ದಾನೆ. ಮತ್ತೊಬ್ಬ ಕಾಮೆಂಟ್ ಮಾಡಿ, 'ಶಿಲ್ಪಾ ಶೆಟ್ಟಿ ಅವರ ಲೈಫ್ನನಲ್ಲಿ ಈಗ ಹಂಗಾಮ ಆಗಿದೆ' ಎಂದು ಹೇಳಿದ್ದಾನೆ. ಇನ್ನೊಂದು ಕಾಮೆಂಟ್‌ನಲ್ಲಿ 'ರಾಜ್ ಕುಂದ್ರಾ ಪತ್ನಿ ಚಿತ್ರಕ್ಕೆ ಬೇರೆ ಹಂತದ ಪ್ರಮೋಷನ್ ಕೊಡ್ತಿದ್ದಾರೆ' ಎಂದು ಕಾಲೆಳೆದಿದ್ದಾನೆ.

ಶಿಲ್ಪಾ ಶೆಟ್ಟಿ ಟಾರ್ಗೆಟ್ ಮಾಡೋದು ಏಕೆ?

ಈ ವಿಚಾರದಲ್ಲಿ ಶಿಲ್ಪಾ ಶೆಟ್ಟಿ ವಿರುದ್ಧವಾಗಿ ಟ್ರೋಲ್ ಮಾಡುವವರನ್ನು ಕೆಲವು ನೆಟ್ಟಿಗರು ತರಾಟೆಗೆ ತೆಗೆದುಕೊಂಡಿದ್ದಾರೆ. ನಟಿಯ ಪರವಾಗಿ ಬೆಂಬಲಕ್ಕೆ ನಿಂತಿದ್ದಾರೆ. 'ಆಕೆಯ ಪತಿ ತಪ್ಪು ಮಾಡಿರಬಹುದು, ಆದರೆ ಶಿಲ್ಪಾರನ್ನು ಏಕೆ ಟಾರ್ಗೆಟ್ ಮಾಡಬೇಕು' ಎಂದು ಕೆಲವರು ಪ್ರಶ್ನಿಸಿದ್ದಾರೆ. ಮತ್ತೊಬ್ಬರು ಕಾಮೆಂಟ್ ಮಾಡಿ 'ಈ ವಿಚಾರದಲ್ಲಿ ಶಿಲ್ಪಾಶೆಟ್ಟಿಯನ್ನು ಒಂಟಿಯಾಗಿರಲು ಬಿಡಿ, ಅವರ ಮಕ್ಕಳಿಗಾಗಿ ಆಕೆ ಧೈರ್ಯವಾಗಿರಬೇಕಿದೆ. ಆಕೆಗೆ ತೊಂದರೆ ಕೊಡದಿರುವುದು ಒಳಿತು' ಎಂದು ಬೆಂಬಲಿಸಿದ್ದಾರೆ.

Recommended Video

ಪತಿ ಅರೆಸ್ಟ್ ಆದ ಬಳಿಕ ಮೊದಲ ಬಾರಿಗೆ ಮೌನ ಮುರಿದ ಶಿಲ್ಪಾ ಶೆಟ್ಟಿ

ಮತ್ತೆ ಪೊಲೀಸ್ ಕಸ್ಟಡಿಗೆ?

ರಾಜ್ ಕುಂದ್ರಾರ ಪೊಲೀಸ್ ಕಸ್ಟಡಿ ಅವಧಿ ಇಂದು ಮುಗಿಯುವ ಹಿನ್ನೆಲೆ ಮತ್ತೊಮ್ಮೆ ನ್ಯಾಯಾಧೀಶರ ಮುಂದೆ ಹಾಜರುಪಡಿಸಲಾಗುವುದು. ಹೆಚ್ಚಿನ ವಿಚಾರಣೆಗಾಗಿ ಮತ್ತಷ್ಟು ದಿನ ಪೊಲೀಸರು ಕಸ್ಟಡಿಗೆ ಕೇಳಬಹುದಾ ಅಥವಾ ಜೈಲಿಗೆ ಕಳುಹಿಸುವ ನಿರ್ಧಾರವಾ ಕಾದುನೋಡಬೇಕಿದೆ.