ಅಮಿತಾಬ್-ಅಭಿಷೇಕ್ ಬಚ್ಚನ್ ಪಾಸಿಟಿವ್, ಐಶ್ವರ್ಯಾ ರೈ-ಜಯಾ ಬಚ್ಚನ್ ಗೆ ನೆಗೆಟಿವ್

ಜಯಾ ಬಚ್ಚನ್, ಐಶ್ವರ್ಯಾ ರೈ ಗೆ ನೆಗೆಟಿವ್

ಜಯಾ ಬಚ್ಚನ್ ಹಾಗೂ ಐಶ್ವರ್ಯಾ ರೈ ಬಚ್ಚನ್ ಅವರು ಆಂಟಿಜೆನ್ ಪರೀಕ್ಷೆಗೆ ಒಳಪಟ್ಟಿದ್ದು ಅದರಲ್ಲಿ ಕೊರೊನಾ ನೆಗೆಟಿವ್ ಎಂದು ಫಲಿತಾಂಶ ಬಂದಿದೆ. ಆದರೆ ಹೆಚ್ಚಿನ ನಿಖರತೆಗಾಗಿ ಗಂಟಲು ದ್ರವ ಮಾದರಿಯ ಪರೀಕ್ಷಾ ವರದಿಗೆ ಎದುರು ನೋಡಲಾಗುತ್ತಿದೆ.

ಎಲ್ಲಾ ಸಿಬ್ಬಂದಿಗೂ ಪರೀಕ್ಷೆ ಮಾಡಲಾಗಿದೆ

ಅಮಿತಾಬ್ ಕುಟುಂಬದ ಎಲ್ಲರಿಗೂ ಹಾಗೂ ಸಿಬ್ಬಂದಿಗೆ ಎಲ್ಲರಿಗೂ ಆಂಟಿಜೆನ್ ಪರೀಕ್ಷೆ ಮಾಡಲಾಗಿದ್ದು ಅಮಿತಾಬ್ ಅಭಿಷೇಕ್ ಹೊರತುಪಡಿಸಿ ಎಲ್ಲರ ಪರೀಕ್ಷಾ ವರದಿ ನೆಗೆಟಿವ್ ಬಂದಿದೆ. ಎಲ್ಲರೂ ಸ್ವಯಂ ಕ್ವಾರಂಟೈನ್‌ ಗೆ ಒಳಗಾಗಿದ್ದಾರೆ.

ಆಂಟಿಜೆನ್ ಪರೀಕ್ಷೆ ಮಾತ್ರವೇ ಮಾಡಲಾಗಿದೆ

ಆಂಟಿಜೆನ್ ಪರೀಕ್ಷೆಯು 100% ನಿಖರ ವರದಿ ನೀಡುತ್ತದೆ ಎನ್ನಲಾಗದು ಹಾಗಾಗಿ ಕೊರೊನಾ ಪಾಸಿಟಿವ್ ತಿಳಿಯಲು ಗಂಟಲು ದ್ರವ ಮಾದರಿಯ ಪರೀಕ್ಷೆಯೇ ಹೆಚ್ಚು ಪರಿಣಾಮಕಾರಿ ಎಂದು ನಂಬಲಾಗಿದೆ. ಐಶ್ವರ್ಯಾ ರೈ ಹಾಗೂ ಜಯಾ ಬಚ್ಚನ್ ಅವರ ಗಂಟಲು ದ್ರವ ಮಾದರಿ ವರದಿಗಾಗಿ ಕಾಯಲಾಗುತ್ತಿದೆ.

ನಾನಾವತಿ ಆಸ್ಪತ್ರೆಗೆ ದಾಖಲಾಗಿರುವ ಅಪ್ಪ-ಮಗ

77 ವರ್ಷ ವಯಸ್ಸಿನ ಅಮಿತಾಬ್ ಬಚ್ಚನ್ ಹಾಗೂ ಅಭಿಷೇಕ್ ಬಚ್ಚನ್ ಅವರನ್ನು ಮುಂಬೈನ ನಾನಾವತಿ ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ. ಈ ಬಗ್ಗೆ ಇಬ್ಬರೂ ನಟರು ಟ್ವೀಟ್ ಮಾಡಿದ್ದು, ಪ್ರಸ್ತುತ ಆರೋಗ್ಯವಾಗಿರುವುದಾಗಿ ಹೇಳಿದ್ದಾರೆ. ಜೊತೆಗೆ ತಮ್ಮ ಸಂಪರ್ಕದಲ್ಲಿದ್ದವರೆಲ್ಲಾ ಸ್ವಯಂ ಪ್ರೇರಿತವಾಗಿ ಟೆಸ್ಟ್ ಮಾಡಿಸಿಕೊಳ್ಳಿ ಎಂದಿದ್ದಾರೆ.