ಪ್ರಿಯಾಂಕಾ ಚೋಪ್ರಾ ಜೊತೆ ನಟಿಸಬೇಡಿ ಎಂದು ಪತಿಗೆ ಹೇಳಿದ್ದೇಕೆ ಐಶ್ವರ್ಯ ರೈ?

ಸ್ಕೈ ಈಸ್ ಪಿಂಕ್ ಚಿತ್ರದ ಹಿಂದಿನ ರಹಸ್ಯ ಬಯಲು

ಪ್ರಿಯಾಂಕಾ ಚೋಪ್ರಾ ಮತ್ತು ಫರ್ಹಾನ ಅಖ್ತರ್ ಅಭಿನಯದ ಸಿನಿಮಾ. ವಿಶೇಷ ಅಂದರೆ ಪ್ರಿಯಾಂಕಾ ಮದುವೆಯಾದ ನಂತರ ತೆರೆಗೆ ಬಂದ ಸಿನಿಮಾವಿದು. ತಾಯಿ ಮಗಳ ಸಂಬಂಧದ ಬಗ್ಗೆ ಇದ್ದ ಈ ಸಿನಿಮಾದಲ್ಲಿ ಪ್ರಿಯಾಂಕಾ ಮಗಳ ಪಾತ್ರದಲ್ಲಿ ಝೈರಾ ವಾಸಿಂ ಕಾಣಿಸಿಕೊಂಡಿದ್ದರು. ಸೊನಾಲಿ ಭೋಸ್ ನಿರ್ದೇಶನದಲ್ಲಿ ಮೂಡಿಬಂದ ಸಿನಿಮಾವಿದು.

ಫರ್ಹಾನ್ ಪಾತ್ರ ಮಾಡಬೇಕಿತ್ತು ಅಭಿಷೇಕ್

ನಟ ಫರ್ಹಾನ್ ಅಖ್ತರ್ ಮಾಡಿರುವ ಪಾತ್ರದಲ್ಲಿ ಐಶ್ಪರ್ಯ ರೈ ಪತಿ ಅಭಿಷೇಕ್ ಬಚ್ಚನ್ ಕಾಣಿಸಿಕೊಳ್ಳಬೇಕಿತ್ತು. ಆದರೆ ಸಿನಿಮಾದಿಂದ ಅಭಿಷೇಕ್ ಹಿಂದೆ ಸರಿದ ಕಾರಣ ಚಿತ್ರತಂಡ ಫರ್ಹಾನ್ ಅಖ್ತರ್ ಆಯ್ಕೆ ಮಾಡಿದೆ. ಪ್ರಿಯಾಂಕಾ ಪತಿಯಾಗಿ ಫರ್ಹಾನ್ ಕಾಣಿಸಿಕೊಂಡಿದ್ದಾರೆ. ಅಷ್ಟಕ್ಕೂ ಅಭಿಷೇಕ್ ಸಿನಿಮಾದಿಂದ ಹಿಂದೆ ಸರಿಯಲು ಕಾರಣ ಪತ್ನಿ ಐಶ್ವರ್ಯ ರೈ ಎಂದು ಹೇಳಲಾಗುತ್ತಿದೆ.

ಪ್ರಿಯಾಂಕಾ ಮತ್ತು ಅಭಿಷೇಕ್ ಗೆಳೆತನಕ್ಕೆ ಹೆದರಿದ್ರಾ ಐಶ್?

ನಟ ಅಭಿಷೇಕ್ ಬಚ್ಚನ್ ಸಾಕಷ್ಟು ಸ್ಟಾರ್ ನಟರು ಮತ್ತು ನಟಿಯರ ಜೊತೆ ಉತ್ತಮ ಗೆಳೆತನ ಇಟ್ಟುಕೊಂಡಿದ್ದಾರೆ. ಅದರಲ್ಲೂ ನಟಿ ಪ್ರಿಯಾಂಕಾ ಚೋಪ್ರಾ ಮತ್ತು ಅಭಿಷೇಕ್ ಇಬ್ಬರು ಉತ್ತಮ ಸ್ನೇಹಿತರು. ಹಾಗಾಗಿ ಇಬ್ಬರ ಗೆಳೆತನಕ್ಕೆ ಹೆದರಿ ಐಶ್ವರ್ಯ ತನ್ನ ಪತಿಯನ್ನು ಪ್ರಿಯಾಂಕಾರಿಂದ ದೂರ ಇಟ್ಟರಾ ಎನ್ನುವ ಅನುಮಾನ ಕಾಡುತ್ತೆ. ಪತಿ ಇನ್ನೊಬ್ಬ ನಟಿಯ ಪತಿಯಾಗಿ ಕಾಣಿಸಿಕೊಳ್ಳುವುದು ಐಶ್ ಗೆ ಇಷ್ಟವಿರಲಿಲ್ಲ ಅಂತ ಅಲ್ಲ. ಕಾರಣ ಬೇರೆಯೆ ಇದೆ.

ಅಸಲಿ ಕಾರಣ ಏನು?

ಸ್ಕೈ ಈಸ್ ಪಿಂಕ್ ಸಿನಿಮಾದಲ್ಲಿ ಚಿತ್ರದಲ್ಲಿ ಅಭಿಷೇಕ್ ಗೆ ಜೋಡಿಯಾಗಿ ನಟಿ ಐಶ್ವರ್ಯ ರೈ ಕಾಣಿಸಿಕೊಳ್ಳಬೇಕಿತ್ತಂತೆ. ಮೊದಲು ಸಿನಿಮಾದ ಕಥೆ ಹೇಳಿದ್ದೆ ಅಭಿಷೇಕ್ ಮತ್ತು ಐಶ್ವರ್ಯ ರೈಗೆ. ಮದುವೆ ನಂತರ ಐಶ್-ಅಭಿ ಒಟ್ಟಿಗೆ ತೆರೆಮೇಲೆ ಬರಲು ಸಜ್ಜಾಗಿದ್ದರು. ಆದರೆ ಚಿತ್ರತಂಡ ಕೊನೆಯಲ್ಲಿ ಐಶ್ವರ್ಯ ಬದಲು ಪ್ರಿಯಾಂಕಾ ಚೋಪ್ರಾ ಮಾಡಿದ್ರೆ ಚೆನ್ನಾಗಿರುತ್ತೆ ಎಂದು ಪ್ರಿಯಾಂಕಾ ಬಳಿ ಹೋಗಿದ್ದಾರೆ. ನಂತರ ಸಿನಿಮಾಗೆ ಪ್ರಿಯಾಂಕಾ ನಾಯಕಿಯಾಗಿ ಆಯ್ಕೆಯಾಗಿದ್ದಾರೆ.

ಸಿನಿಮಾ ಮಾಡಬೇಡಿ ಎಂದ ಐಶ್ವರ್ಯ

ಪತ್ನಿಯನ್ನು ಸಿನಿಮಾದಿಂದ ಕೈ ಬಿಟ್ಟ ಕಾರಣ ಅಭಿಷೇಕ್ ಸಹ ಸಿನಿಮಾದಲ್ಲಿ ಕಾಣಿಸಿಕೊಳ್ಳಲು ಹಿಂದೇಟು ಹಾಕಿದ್ದಾರೆ. ಅಲ್ಲದೆ ಈ ಸಿನಿಮಾದಲ್ಲಿ ತಾಯಿ ಮಗಳ ಪಾತ್ರಕ್ಕೆ ಹೋಲಿಸಿದರೆ ತಂದೆಯ ಪಾತ್ರಕ್ಕೆ ಹೆಚ್ಚು ಮಹತ್ವವಿಲ್ಲ. ಹಾಗಾಗಿ ನಟಿ ಐಶ್ವರ್ಯ ಪತಿಗೆ ಈ ಸಿನಿಮಾ ಮಾಡಬೇಡಿ ಎಂದು ಹೇಳುತ್ತಾರೆ. ಮನ್ ಮರ್ಜಿಯಾ ಸಿನಿಮಾದಂತಹ ಸ್ಟ್ರಾಂಗ್ ಪಾತ್ರಗಳನ್ನು ಮಾಡಿ, ಈ ರೀತಿಯ ಪಾತ್ರ ಬೇಡವೆಂದು ಸಲಹೆ ನೀಡಿದ್ದಾರಂತೆ. ಹಾಗಾಗಿ ಅಭಿಷೇಕ್ ಈ ಸಿನಿಮಾ ಕೈ ಬಿಟ್ಟಿದ್ದಾರೆ ಎಂದು ಹೇಳಲಾಗುತ್ತಿದೆ.