ಮತ್ತೆ ನಿರ್ದೇಶನಕ್ಕಿಳಿದ ಆಕ್ಷನ್ ಹೀರೋ ಅಜಯ್ ದೇವಗನ್, ಅಮಿತಾಬ್ ನಾಯಕ!

ಎರಡು ಸಿನಿಮಾ ನಿರ್ದೇಶಿಸಿರುವ ಅಜಯ್ ದೇವಗನ್

ಅಜಯ್ ದೇವಗನ್ ಈ ಹಿಂದೆ ಎರಡು ಸಿನಿಮಾಗಳನ್ನು ನಿರ್ದೇಶಿಸಿದ್ದರು. ಆದರೆ ಎರಡೂ ಸಹ ಗೆದ್ದಿಲ್ಲ. ಪತ್ನಿ ಕಾಜಲ್ ನಾಯಕಿಯಾಗಿ, 'ಯು ಮಿ ಔರ್ ಹಮ್' ಹಾಗೂ ಆಕ್ಷನ್ ಸಿನಿಮಾ 'ಶಿವಾಯ' ನಿರ್ದೇಶಿಸಿದ್ದರು. ಈಗ ಮತ್ತೆ ನಿರ್ದೇಶನಕ್ಕೆ ಕೈ ಹಾಕಿದ್ದಾರೆ.

ನಾಲ್ಕು ವರ್ಷದ ಬಳಿಕ ಅಜಯ್ ನಿರ್ದೇಶನ

ಅಜಯ್ ದೇವಗನ್ ನಾಲ್ಕು ವರ್ಷದ ಬಳಿಕ ನಿರ್ದೇಶನಕ್ಕೆ ಕೈ ಹಾಕಿದ್ದು, ಈ ಬಾರಿ ತಮ್ಮ ಸಿನಿಮಾಕ್ಕೆ ಅಮಿತಾಬ್ ಅವರಿಗೆ ಮುಖ್ಯ ಪಾತ್ರವೊಂದನ್ನು ಮೀಸಲಿಟ್ಟಿದ್ದಾರೆ. ಸಿನಿಮಾವು ವಾಯು ಸೇನೆ ಕುರಿತಾದ ಸಿನಿಮಾ ಆಗಿರಲಿದೆ. ಅಜಯ್ ದೇವಗನ್ ಪೈಲೆಟ್ ಪಾತ್ರದಲ್ಲಿ ಮಿಂಚಲಿದ್ದಾರೆ.

ಏಳು ವರ್ಷಗಳ ಬಳಿಕ ಒಟ್ಟಿಗೆ ನಟನೆ

ಅಮಿತಾಬ್ ಬಚ್ಚನ್ ಹಾಗೂ ಅಜಯ್ ದೇವಗನ್ ಬರೋಬ್ಬರಿ ಏಳು ವರ್ಷಗಳ ನಂತರ ಒಂದು ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಈ ಹಿಂದೆ ಮೇಜರ್ ಸಾಬ್, ಖಾಕಿ, ಸತ್ಯಾಗ್ರಹ ಸಿನಿಮಾಗಳಲ್ಲಿ ಇಬ್ಬರೂ ಒಟ್ಟಿಗೆ ನಟಿಸಿದ್ದರು. ಈ ಮೂರು ಸಿನಿಮಾಗಳು ಹಿಟ್ ಆಗಿದ್ದವು.

ಆರ್‌ಆರ್‌ಆರ್‌ ನಲ್ಲಿ ಅಜಯ್, ಪ್ರಭಾಸ್ ಜೊತೆ ಅಮಿತಾಬ್

ತಮ್ಮ ನಿರ್ದೇಶನದ ಸಿನಿಮಾ ಹೊರತುಪಡಿಸಿ, ಆರ್‌ಆರ್‌ಆರ್, ಗೋಲ್‌ ಮಾಲ್ 5, ಮೈದಾನ್ ಸಿನಿಮಾಗಳಲ್ಲಿ ನಟಿಸುತ್ತಿದ್ದಾರೆ ಅಜಯ್. ಇನ್ನು ಅಮಿತಾಬ್ ತಮ್ಮ ನಟನೆಯ ಬ್ರಹ್ಮಾಸ್ತ್ರ ಬಿಡುಗಡೆಗೆ ಕಾಯುತ್ತಿದ್ದಾರೆ. ಜೊತೆಗೆ ಪ್ರಭಾಸ್ ಹೊಸ ಸಿನಿಮಾದಲ್ಲಿಯೂ ನಟಿಸುತ್ತಿದ್ದಾರೆ.