ಅಜಯ್, ಕರೀನಾ 'ಸಿಂಗಂ 2' ಚಿತ್ರಕ್ಕೆ ಡೇಟ್ ಫಿಕ್ಸ್

ನಟ ಅಜಯ್ ದೇವಗನ್ ಹಾಗೂ ಕರೀನಾ ಕಪೂರ್ ಮುಖ್ಯಭೂಮಿಯ 'ಸಿಂಗಂ 2' ಚಿತ್ರಕ್ಕೆ ಮುಹೂರ್ತ ಫಿಕ್ಸ್ ಆಗಿದೆ. ಈಗಾಗಲೆ 'ಸಿಂಗಂ 2' ಚಿತ್ರ ತಮಿಳಿನಲ್ಲಿ ಬಂದಾಗಿದೆ. ಈಗ ಅದೇ ಚಿತ್ರ ಹಿಂದಿಯಲ್ಲಿ ರೀಮೇಕ್ ಆಗುತ್ತಿದೆ. ಇದೇ ಮಾರ್ಚ್ 10ಕ್ಕೆ ಚಿತ್ರ ಸೆಟ್ಟೇರುತ್ತಿದೆ.

ಸದ್ಯಕ್ಕೆ ಈ ಚಿತ್ರದ ನಿರ್ದೇಶಕ ರೋಹಿತ್ ಶೆಟ್ಟಿ ಹೊಸ ರಿಯಾಲಿಟಿ ಶೋ 'ಖತ್ರೋನ್ ಕೆ ಖಿಲಾಡಿ'ಯಲ್ಲಿ ಬಿಜಿಯಾಗಿದ್ದಾರೆ. ಅವರು ಈ ಶೋನಲ್ಲಿ ಬಿಜಿಯಾಗಿರುವ ಕಾರಣ ಮಾರ್ಚ್ ನಲ್ಲಿ ಚಿತ್ರವನ್ನು ಆರಂಭಿಸುವುದಾಗಿ ಹೇಳಿದ್ದಾರೆ. ಬಹುತೇಕ ಭಾಗವನ್ನು ಮಹಾರಾಷ್ಟ್ರದಲ್ಲಿ ಚಿತ್ರೀಕರಿಸುವುದಾಗಿ ಹೇಳಿದ್ದಾರೆ. [ಕನ್ನಡಿಗರು ಅಂದ್ರೆ ನಾಯಿಗಳಾ? ಸಿಂಗಂ ಚಿತ್ರದಲ್ಲಿ ಅಪಮಾನ]

ಕರೀನಾ ಕಪೂರ್

ಸಿಂಗಂ ಚಿತ್ರದಲ್ಲಿ ಅಜಯ್ ದೇವಗನ್ ಅವರಿಗೆ ಕಾಜಲ್ ಅಗರವಾಲ್ ನಾಯಕಿಯಾಗಿದ್ದರು. ಈ ಬಾರಿ ಕರೀನಾ ಕಪೂರ್ ಅವರನ್ನು ಅಖಾಡಕ್ಕೆ ಇಳಿಸಲಾಗಿದೆ. ಪ್ರಕಾಶ್ ರೈ ಅವರು ಪ್ರಮುಖ ಪಾತ್ರ ಪೋಷಿಸಿದ್ದರು. ಚಿತ್ರದಲ್ಲಿ ಕನ್ನಡಿಗರ ಸ್ವಾಭಿಮಾನ ಕೆಣಕುವ ಮೂಲಕ ಚಿತ್ರಕ್ಕೆ ಭಾರಿ ವಿರೋಧ ವ್ಯಕ್ತವಾಗಿತ್ತು. (ಏಜೆನ್ಸೀಸ್)