'ಸಂಜು' ಸಿನಿಮಾ ನೋಡಿದ್ಮೇಲೆ ಆಲಿಯಾ ಭಟ್ ಹೇಳಿದ್ದೇನು.?

ಅಚ್ಚುಮೆಚ್ಚಿನ ಸಿನಿಮಾ

''ಸಂಜು' ಸಿನಿಮಾ ನನಗೆ ತುಂಬಾ ಇಷ್ಟ ಆಯ್ತು. ಚಿತ್ರ ಅದ್ಭುತವಾಗಿ ಮೂಡಿಬಂದಿದೆ. ನನ್ನ ಅಚ್ಚುಮೆಚ್ಚಿನ 10 ಚಿತ್ರಗಳ ಪಟ್ಟಿಯಲ್ಲಿ 'ಸಂಜು' ಖಂಡಿತ ಅಗ್ರಸ್ಥಾನ ಪಡೆದಿದೆ'' ಎಂದಿದ್ದಾರೆ ನಟಿ ಆಲಿಯಾ ಭಟ್.

ರಣ್ಬೀರ್ ಆಕ್ಟಿಂಗ್ ಸೂಪರ್

''ರಣ್ಬೀರ್ ಕಪೂರ್ ನಟನೆ ಅತ್ಯುತ್ತಮವಾಗಿ ಮೂಡಿಬಂದಿದೆ. ವಿಕ್ಕಿ ಕೌಶಲ್, ಪರೇಶ್ ರಾವಲ್, ಸೋನಂ ಕಪೂರ್ ಕೂಡ ಉತ್ತಮ ಅಭಿನಯ ನೀಡಿದ್ದಾರೆ. ಕಳೆದ ಕೆಲವು ವರ್ಷಗಳಲ್ಲಿ ತೆರೆಕಂಡ ಅತ್ಯದ್ಭುತ ಸಿನಿಮಾಗಳ ಪೈಕಿ 'ಸಂಜು' ಕೂಡ ಒಂದು'' - ಆಲಿಯಾ ಭಟ್.

ನಿರ್ದೇಶಕರ ಅಭಿಮಾನಿ

''ನಾನು ರಾಜಕುಮಾರ್ ಹಿರಾನಿಯ ದೊಡ್ಡ ಅಭಿಮಾನಿ. ಅವರ ಸಿನಿಮಾ ಯಾವಾಗ ತೆರೆಗೆ ಬರುತ್ತದೋ ಅಂತ ನಾನು ಕಾಯುತ್ತಿರುತ್ತೇನೆ'' ಅಂತ ಹೇಳಿದ್ದಾರೆ ನಟಿ ಆಲಿಯಾ ಭಟ್.

ದಾಖಲೆ ಬರೆಯುತ್ತಿದೆ 'ಸಂಜು'

ಜೂನ್ 29 ರಂದು ಭಾರತದಾದ್ಯಂತ ತೆರೆಗೆ ಬಂದ ಸಿನಿಮಾ 'ಸಂಜು' ಭರ್ಜರಿ ಓಪನ್ನಿಂಗ್ ಪಡೆದುಕೊಂಡಿದೆ. 'ಸಂಜು' ಚಿತ್ರಕ್ಕೆ ಪ್ರೇಕ್ಷಕರು ಜೈಕಾರ ಹಾಕಿದ್ದಾರೆ. ರಿಲೀಸ್ ಆದ ಮೂರು ದಿನಗಳಲ್ಲಿ ರೆಕಾರ್ಡ್ ಬ್ರೇಕಿಂಗ್ ಕಲೆಕ್ಷನ್ ಮಾಡಿದೆ ಈ ಸಿನಿಮಾ.