ಹೊಸ ಕಾರು ಖರೀದಿಸಿದ ಅಮಿತಾಬ್ ಬಚ್ಚನ್: ಬೆಲೆ ಎಷ್ಟು ಗೊತ್ತೆ?

ಕಾರಿನ ಬೆಲೆ ಎಷ್ಟು?

ಅಮಿತಾಬ್ ಬಚ್ಚನ್ ಖರೀದಿಸಿರುವುದು ಎಸ್ ಕ್ಲಾಸ್ ಮರ್ಸಿಡೀಸ್ ಬೆನ್ಜ್. ಹಲವು ನವ ನವೀನ ವೈಶಿಷ್ಟ್ಯಗಳನ್ನು ಹೊಂದಿರುವ ಈ ಕಾರಿನ ಎಕ್ಸ್ ಶೋ ರೂಂ ಬೆಲೆ 1.35 ಕೋಟಿ. ಆನ್‌ ರೋಡ್ ಬೆಲೆ ಸುಮಾರು 2 ಕೋಟಿ ಆಗುತ್ತದೆ.

'ಐಶಾರಾಮಿ ಕಾರು ಕೊಳ್ಳುವ ಅಗತ್ಯವಿತ್ತೆ'

ಕಾರು ಖರೀದಿಸಿದ ಅಮಿತಾಬ್ ಬಚ್ಚನ್ ಚಿತ್ರ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದ್ದು, ಇದಕ್ಕೆ ನೆಟ್ಟಿಜನರು ಮಿಶ್ರ ಪ್ರತಿಕ್ರಿಯೆ ವ್ಯಕ್ತಪಡಿಸಿದ್ದಾರೆ. ದೇಶವೇ ಕೊರೊನಾ ಸಂಕಷ್ಟದಲ್ಲಿರುವಾಗ ಐಶಾರಾಮಿ ಕಾರು ಕೊಳ್ಳುವ ಅಗತ್ಯವಿತ್ತೆ ಎಂದು ಪ್ರಶ್ನಿಸಿದ್ದಾರೆ.

ಸೋನು ಸೂದ್ ಇಂದ ಕಲಿಯಿರಿ ಎಂದ ನೆಟ್ಟಿಗರು

ಸೋನು ಸೂದ್ ತನ್ನ ಗಳಿಕೆಯಿಂದಲೇ ಲಕ್ಷಾಂತರ ಜನಕ್ಕೆ ಸಹಾಯ ಮಾಡುತ್ತಿದ್ದಾರೆ. ಅವರನ್ನು ನೋಡಿ ಕಲಿಯಿರಿ ಎಂದು ಇನ್ನು ಕೆಲವರು ಹೇಳಿದ್ದಾರೆ. ಅಮಿತಾಬ್ ಬಚ್ಚನ್ ಅಭಿಮಾನಿಗಳು ನೆಚ್ಚಿನ ನಟನನ್ನು ಸಮರ್ಥಿಸಿಕೊಂಡು ಸಹ ಪೋಸ್ಟ್‌ ಹಾಕಿದ್ದಾರೆ.

ಅಮಿತಾಬ್ ಬಚ್ಚನ್ ಕುಟುಂಬದ ಇರುವ ಕಾರುಗಳ ಸಂಗ್ರಹ

ಅಮಿತಾಬ್ ಬಚ್ಚನ್ ಕುಟುಂಬದ ಬಳಿ ಐಶಾರಾಮಿ ಕಾರುಗಳ ದೊಡ್ಡ ಸಂಗ್ರಹವೇ ಇದೆ. 4 ಕೋಟಿಗೂ ಹೆಚ್ಚು ಮೌಲ್ಯದ ರೋಲ್ಸ್ ರಾಯ್ಸ್ ಪ್ಯಾಂಟಮ್, ಪೋರ್ಶೆ ಕೇಮನ್ ಎಸ್, ಬೆಂಟ್ಲಿ ಕಾಂಟಿನೆಂಟಲ್ ಜಿಟಿ, ಬೆನ್ಜ್‌ ಎಸ್500, ಮರ್ಸಿಡೀಸ್ ಜಿಎಲ್‌63, ಲ್ಯಾಂಡ್ ಕ್ರೂಸರ್ ಎಲ್‌ಸಿ200, ರೇಂಜ್ ರೋವರ್, ಆಡಿ ಎ8ಎಲ್, ಟೊಯೋಟಾ ಕ್ರ್ಯಾಮಿ, ಮಿನಿ ಕೂಪರ್ ಕಾರುಗಳಿವೆ.