20 ವರ್ಷದ ದಾಂಪತ್ಯಕ್ಕೆ ಎಳ್ಳು ನೀರು ಬಿಟ್ಟ ನಟ ಅರ್ಜುನ್ ರಾಂಪಾಲ್

20 ವರ್ಷದ ದಾಂಪತ್ಯ ಜೀವನ ಅಂತ್ಯ

ಕಳೆದ 20 ವರ್ಷದ ವರ್ಷದಿಂದ ಸುಂದರ ಜೀವನ ನಡೆಸಿದ ನಟ ಅರ್ಜುನ್ ರಾಂಪಾಲ್ ಹಾಗೂ ಪತ್ನಿ ಮೆಹರ್ ಜೆಸಿಯಾ ಅಧಿಕೃತವಾಗಿ ಬೇರೆಯಾಗಿದ್ದಾರೆ. ಇನ್ನು ಮುಂದೆ ನಾವಿಬ್ಬರೂ ಪ್ರತ್ಯೇಕವಾಗಿ ವಾಸಿಸುವುದಾಗಿಯೂ ತಿಳಿಸಿದ್ದಾರೆ.

ಗಾಸಿಪ್ ನಿಜವಾಯ್ತು

ಈ ಹಿಂದೆಯೇ ಅರ್ಜುನ್ ರಾಂಪಾಲ್ ಹಾಗೂ ಪತ್ನಿ ಮೆಹರ್ ಜೆಸಿಯಾ ಬೇರೆ ಬೇರೆಯಾಗಿ ವಾಸ ಮಾಡುತ್ತಿದ್ದಾರೆ. ಎನ್ನುವ ಸುದ್ದಿ ಕೇಳಿ ಬಂದಿತ್ತು. ಎರಡು ವರ್ಷದ ನಂತರ ಈ ವಿಚಾರ ನಿಜವಾಗಿದೆ.

ಮಕ್ಕಳಿಗಾಗಿ ಬದುಕುತ್ತೇವೆ

ಇಂದು ಬೇರಾಗಿರುವ ಅರ್ಜುನ್ ರಾಂಪಾಲ್ ಹಾಗೂ ಮೆಹರ್ ಜೆಸಿಯಾ ಅವರ ನಡುವಿನ ಪರಸ್ಪರ ಪ್ರೀತಿಯು ಶಾಶ್ವತವಾಗಿಯೇ ಇರುತ್ತದೆ ಅಂತೆ. ಅಷ್ಟೇ ಅಲ್ಲದೆ ನಾವು ಇನ್ನು ಮುಂದೆ ಮಕ್ಕಳ ಭವಿಷ್ಯಕ್ಕಾಗಿ ಬದುಕುತ್ತೇವೆ ಎಂದಿದ್ದಾರೆ.

ಖಾಸಗಿ ಬದುಕು ಬೇಕಾಗಿದೆ

ನಮ್ಮ ಆಯ್ಕೆ ಗಳು ಮತ್ತು ದಾರಿಗಳು ಬದಲಾಗಿವೆ. ಖಾಸಗಿ ಬದುಕು ಬೇಕು ಮತ್ತು ಅದರಂತೆ ಜೀವಿಸಬೇಕು ಎನ್ನುವುದು ಅರ್ಜುನ್ ರಾಂಪಾಲ್ ಮತ್ತು ಮೆಹರ್ ಜೆಸಿಯಾ ಅವರ ಆಸೆಯಂತೆ. ಆದ್ದರಿಂದ ಇಬ್ಬರು ಪರಸ್ಪರ ಇಷ್ಟಪಟ್ಟು ದೂರವಾಗಿದ್ದು ಮುಂದಿನ ಬೆಳವಣಿಗೆ ಬಗ್ಗೆ ಯಾವುದೇ ಪ್ರತಿಕ್ರಿಯೆ ನೀಡುವುದಿಲ್ಲ ಎಂದಿದ್ದಾರೆ.