ಬಾಕ್ಸಾಫೀಸ್ ನಲ್ಲಿ ಬಾಜೀರಾವ್ ಮುಂದೆ ಮಂಡಿಯೂರಿದ ಕಿಂಗ್ ಖಾನ್

ಬಾಜೀರಾವ್ Vs ದಿಲ್ವಾಲೆ

ಬನ್ಸಾಲಿ ಚಿತ್ರದಲ್ಲಿ ಶಾರೂಖ್ ಖಾನ್ ಕೂಡಾ ಈ ಹಿಂದೆ ನಟಿಸಿದ್ದರು. ಎರಡೂ ಚಿತ್ರ ನಿರ್ಮಾಣ ಸಂಸ್ಥೆಗಳು (ಶಾರೂಖ್ ಒಡೆತನದ ರೆಡ್ ಚಿಲ್ಲಿ ಎಂಟರ್ಟೈನರ್ಸ್, ಬನ್ಸಾಲಿ ಒಡೆತನದ SLB ಫಿಲಂಸ್) ತಮ್ಮ ತಮ್ಮ ಚಿತ್ರ ಬಿಡುಗಡೆಯ ದಿನಾಂಕವನ್ನು ಬಹು ಹಿಂದೆಯೇ ಘೋಷಿಸಿದ್ದವು.

ಇಬ್ಬರ ನಡುವೆ ಒಮ್ಮತ ಮೂಡಲಿಲ್ಲ

ಕ್ರಿಸ್ಮಸ್ ರಜೆಯ ಲಾಭ ಪಡೆಯಲು ಎರಡೂ ಚಿತ್ರ ನಿರ್ಮಾಣ ಸಂಸ್ಥೆಗಳು ಮುಂದಾಗಿದ್ದು, ಇಬ್ಬರೂ ಪರಸ್ಪರ ಮಾತುಕತೆ ನಡೆಸಿ ಒಂದು ಚಿತ್ರ, ಒಂದು ವಾರ ತಡವಾಗಿ ಬಿಡುಗಡೆ ಮಾಡಲು ನಡೆಸಿದ್ದ ಮಾತುಕತೆಯೂ ವಿಫಲವಾಗಿತ್ತು.

ಬನ್ಸಾಲಿ Vs ಶಾರೂಖ್

ಚಿತ್ರ ಬಿಡುಗಡೆಯನ್ನು ಪ್ರತಿಷ್ಠೆಯಾಗಿ ತೆಗೆದುಕೊಂಡ ಬಾಲಿವುಡ್ ಪ್ರಮುಖರಾದ ಸಂಜಯ್ ಲೀಲಾ ಬನ್ಸಾಲಿ ಮತ್ತು ಶಾರೂಖ್ ಖಾನ್ ಇಬ್ಬರೂ, ಚಿತ್ರ ತಡವಾಗಿ ಬಿಡುಗಡೆ ಮಾಡಿದರೆ ತಮ್ಮ ಸ್ವಾಭಿಮಾನಕ್ಕೆ ಪೆಟ್ಟು ಬೀಳುತ್ತದೆ ಎಂದು ಒಂದೇ ದಿನ ತಮ್ಮ ಚಿತ್ರ ಬಿಡುಗಡೆಮಾಡಲು ಮುಂದಾದರು ಎಂದು ಬಾಲಿವುಡ್ ಜಗಲಿಯಲ್ಲಿ ಹರಿದಾಡುತ್ತಿರುವ ಸುದ್ದಿ.

ಎರಡು ಚಿತ್ರಗಳ ಮೊದಲ ವೀಕೆಂಡ್ ವರದಿ

ಟ್ರೇಡ್ ಅನಲಿಸ್ಟ್ ಗಳು, ಇಂಡಿಯಾ ಮಾರುಕಟ್ಟೆ ವರದಿ ಅಧರಿಸಿ ನೀಡಿರುವ ವರದಿ ಪ್ರಕಾರ ಎರಡು ಚಿತ್ರಗಳ ಮೊದಲ ನಾಲ್ಕು ದಿನದ ರಿಪೋರ್ಟ್ ಹೀಗಿದೆ..

ದಿಲ್ವಾಲೆ
ಶುಕ್ರವಾರ - 20.52 ಕೋಟಿ
ಶನಿವಾರ - 20.09 ಕೋಟಿ
ಭಾನುವಾರ - 24.02 ಕೋಟಿ
ಸೋಮವಾರ - 10.09
ಒಟ್ಟು - 74.72 ಕೋಟಿ

ಬಾಜೀರಾವ್ ಮಸ್ತಾನಿ
ಶುಕ್ರವಾರ - 12.80 ಕೋಟಿ
ಶನಿವಾರ - 15.52 ಕೋಟಿ
ಭಾನುವಾರ - 18.45 ಕೋಟಿ
ಸೋಮವಾರ - 10.25
ಒಟ್ಟು - 57.02 ಕೋಟಿ

ಮೊದಲ ಪ್ರದರ್ಶನದಿಂದಲೇ ದಿಲ್ವಾಲೆ ಡಲ್

ಮೊದಲ ದಿನದ ಪ್ರದರ್ಶನದಿಂದ ದಿಲ್ವಾಲೆ ಕಲೆಕ್ಷನ್ ಕಳೆಗುಂದಲು ಆರಂಭವಾಗಿದ್ದನ್ನು ಹಿಂದಿನ ಸ್ಲೈಡಿನ ಮೂಲಕ ಗಮನಿಸಬಹುದು. ಹೆಚ್ಚಾಗಿ ಶಾರೂಖ್ ಚಿತ್ರಗಳ ಮೊದಲ ವಾರಾಂತ್ಯದಲ್ಲಿ ನೂರು ಕೋಟಿ ಕ್ಲಬ್ ದಾಟಿದ ಉದಾಹರಣೆಗಳೂ ಇವೆ.

ಬಾಜೀರಾವ್ ಯಶಸ್ವೀ ಪ್ರದರ್ಶನ ಮುಂದುವರಿಕೆ

ಮೊದಲ ದಿನ ಬಾಕ್ಸಾಫೀಸಿನಲ್ಲಿ ದಿಲ್ವಾಲೆ ಮುಂದೆ ಹಿನ್ನಡೆ ಅನುಭವಿಸಿದರೂ, ಪಿಕ್ ಅಪ್ ಆದ ಬಾಜೀರಾವ್ ತನ್ನ ಗಳಿಕೆಯಲ್ಲಿ ಗಣನೀಯ ಏರಿಕೆಯ ಓಟ ಮುಂದುವರಿಸಿಕೊಂಡಿದೆ. ಸೋಮವಾರ ಮತ್ತು ಮಂಗಳವಾರದ ಬಾಕ್ಸಾಫೀಸ್ ವರದಿ ಪ್ರಕಾರ ದಿಲ್ವಾಲೆ ಚಿತ್ರವನ್ನು ಬಾಜೀರಾವ್ ಹಿಂದಿಕ್ಕಿದ್ದಾನೆ.