ಗನ್ ತೋರಿಸಿ ಅತ್ಯಾಚಾರ: ಬಿಗ್‌ಬಾಸ್ ಸ್ಪರ್ಧಿಯ ತಂದೆಯ ಮೇಲೆ ದೂರು

ಕಾರಿಗೆ ಹತ್ತಲು ಒತ್ತಾಯಿಸಿದ್ದ ಆರೋಪಿ

ಸಂತ್ರಸ್ತೆಯು ಮೇ 14 ರಂದು ಗೆಳತಿಯೊಂದಿಗೆ ಬೀಸ್ ಎಂಬಲ್ಲಿಗೆ ಗೆಳೆಯನನ್ನು ನೋಡಲು ತೆರಳಿದ್ದರು. ಜಲಂಧರ್‌ ನವನಾದ ಸಂತೋಕ್ ಗಿಲ್ ಆ ಸಮಯದಲ್ಲಿ ಅಲ್ಲಿಯೇ ಇದ್ದು, ಬಾಲಕಿಯನ್ನು ತನ್ನ ಕಾರಿಗೆ ಹತ್ತಲು ಒತ್ತಾಯಿಸಿದ್ದಾನೆ.

ಗನ್ ತೋರಿಸಿ ಅತ್ಯಾಚಾರ

ಕೊನೆಗೆ ಹೆದರಿಸಿ ಕಾರಿಗೆ ಹತ್ತಿಸಿಕೊಂಡ ಗಿಲ್, ಬಂದೂಕು ತೋರಿಸಿ ಬಾಲಕಿಯ ಮೇಲೆ ಅತ್ಯಾಚಾರ ಎಸಗಿದ್ದಾನೆ. ನಂತರ ವಿಷಯವನ್ನು ಎಲ್ಲೂ ಬಾಯಿ ಬಿಡದಂತೆ ಬಂದೂಕು ತೋರಿಸಿ ಹೆದರಿಸಿದ್ದಾನೆ.

ಐದು ದಿನದ ವರೆಗೆ ಯಾರಿಗೂ ಹೇಳಿರಲಿಲ್ಲ

ಭಯಗೊಂಡ ಸಂತ್ರಸ್ತೆ ಐದು ದಿನದ ವರೆಗೆ ವಿಷಯವನ್ನು ಯಾರಿಗೂ ಹೇಳಿರಲಿಲ್ಲ. ಕೊನೆಗೆ ಮನೆಯವರಿಗೆ ಅನುಮಾನ ಬಂದು ವಿಚಾರಿಸಿದಾಗ ನಡೆದ ಘಟನೆಯ ಬಗ್ಗೆ ಹೇಳಿದ್ದಾರೆ.

ಆರೋಪಿ ತಲೆಮರೆಸಿಕೊಂಡಿದ್ದಾನೆ

ಮೇ 19 ರಂದು ಅಮೃತಸರ ಪೊಲೀಸ್ ಠಾಣೆಯಲ್ಲಿ ಸಂತೋಕ್ ಗಿಲ್ ವಿರುದ್ಧ ದೂರು ದಾಖಲಾಗಿದ್ದು, ಆರೋಪಿ ತಲೆ ಮರೆಸಿಕೊಂಡಿದ್ದು, ಆತನ ಬಂಧನಕ್ಕಾಗಿ ಪೊಲೀಸರು ಹುಡುಕಾಟ ನಡೆಸಿದ್ದಾರೆ.