ಸಿಹಿ ಸುದ್ದಿ ಕೊಟ್ಟ ಬಿಪಾಶಾ ಬಸು ಮತ್ತು ಕರಣ್ ಸಿಂಗ್!

ಬಿಪಾಶಾ- ಕರಣ್ ದಾಂಪತ್ಯಕ್ಕೆ 7 ವರ್ಷ!

ಬಿಪಾಶಾ ಬಸು ಮತ್ತು ಕರಣ್ ಮದುವೆ ಆಗಿ 7 ವರ್ಷಗಳು ಕಳೆದಿವೆ. 7 ವರ್ಷಗಳ ನಂತರ ಈ ಸೆಲೆಬ್ರಿಟಿ ದಂಪತಿಗಳು ಪೋಷಕರಾಗಲಿದ್ದಾರೆ. ಸದ್ಯ ಈ ವಿಷಯ ಸಾಮಾಜಿಕ ಜಾಲತಾಣಗಳಲ್ಲಿ ಸಾಕಷ್ಟು ಚರ್ಚೆಯಾಗುತ್ತಿದೆ. ಬಿಪಾಶಾ ಮತ್ತು ಕರಣ್ ಸಿಂಗ್ ಗ್ರೋವರ್ 2015ರಲ್ಲಿ ಈ ಸ್ಟಾರ್​ ಜೋಡಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟರು. 'ಅಲೋನ್' ಚಿತ್ರದ ಸೆಟ್‌ನಲ್ಲಿ ಪರಸ್ಪರ ಭೇಟಿಯಾದ ಇವರ ನಡುವೆ ಪ್ರೇಮಾಂಕುರವಾಗಿ ಮದುವೆ ಆದರು.

ಮೊದಲ ಮಗುವಿನ ನಿರೀಕ್ಷೆಯಲ್ಲಿ!

ಬಿಪಾಶಾ ಮತ್ತು ಕರಣ್ ಸಿಂಗ್ ಗ್ರೋವರ್ ದಂಪತಿಗಳು ತಮ್ಮ ಮೊದಲ ಮಗುವಿನ ನಿರೀಕ್ಷೆಯಲ್ಲಿ ಇದ್ದಾರಂತೆ. ಈ ಬಗ್ಗೆ ಶೀಘ್ರದಲ್ಲೇ ಅಧಿಕೃತ ಘೋಷಣೆ ಮಾಡಲಿದ್ದಾರೆ. ಅವರ ಆಪ್ತ ಮೂಲಗಳಿಂದ ಬಂದ ಮಾಹಿತಿಯ ಪ್ರಕಾರ, ಇಬ್ಬರು ಪೋಷಕರಾಗುವ ಬಗ್ಗೆ ತುಂಬಾ ಉತ್ಸುಕರಾಗಿದ್ದಾರಂತೆ. ಈ ಸುದ್ದಿ ಬಾಲಿವುಡ್‌ನಲ್ಲಿ ಹೆಚ್ಚು ಸದ್ದು ಮಾಡುತ್ತಿದೆ. ಆದರೆ ಈ ಬಗ್ಗೆ ದಂಪತಿಗಳಿಬ್ಬರೂ ಅಧಿಕೃತವಾಗಿ ಯಾವ ಹೇಳಿಕೆಯನ್ನೂ ನೀಡಿಲ್ಲ.

ನಟನೆ ನಿಲ್ಲಿಸಿದ ಜೋಡಿ!

ಬಿಪಾಶಾ ಬಸು ಮತ್ತು ಕರಣ್ ಸಿಂಗ್ ಗ್ರೋವರ್ ಇಬ್ಬರೂ ಪರದೆಯ ಮೇಲೆ ದೀರ್ಘಕಾಲ ಕಾಣಿಸಿಕೊಂಡಿಲ್ಲ. ಕರಣ್ ಸಿಂಗ್ ಕೊನೆಯದಾಗಿ ಟಿವಿ ಧಾರಾವಾಹಿ 'ಕುಬೂಲ್ 2.0'ನಲ್ಲಿ ಕಾಣಿಸಿಕೊಂಡಿದ್ದಾರೆ. ಬಿಪಾಶಾ 'ಡೇಂಜರಸ್' ಚಿತ್ರದಲ್ಲಿ ಕಾಣಿಸಿಕೊಂಡಿದ್ದರು. ಆ ಬಳಿಕ ಮತ್ತೆ ನಟನೆಗೆ ಇಳಿದಿಲ್ಲ ಈ ದಂಪತಿ. ಇನ್ನು ಇತ್ತೀಚೆಗಷ್ಟೇ ತಮ್ಮ ವಿವಾಹ ವಾರ್ಷಿಕೋತ್ಸವವನ್ನು ಆಚರಿಕೊಂಡಿದ್ದರು. ಆಗಲೇ ಅಭಿಮಾನಿಗಳು ಮಗುವಿನ ಬಗ್ಗೆ ಪ್ರಶ್ನೆ ಮಾಡಿದ್ದರು.

ಬಿಪಾಶಾ ಜೊತೆ ಕರಣ್ 3ನೇ ಮದುವೆ!

ಇನ್ನು ನಟ ಕರಣ್ ಸಿಂಗ್ ಗ್ರೋವರ್, ಬಿಪಾಶಾ ಬಸು ಕೈ ಹಿಡಿಯುವ ಮುನ್ನ 2 ಮದುವೆಗಳನ್ನು ಮಾಡಿಕೊಂಡಿದ್ದಾರೆ. ಆದರೆ ಇಬ್ಬರಿಂದಲೂ ವಿಚ್ಛೇದನ ಪಡೆದ ಬಳಿಕಾ ಬಿಪಾಶಾ ಬಸು ಜೊತೆಗೆ 3ನೇ ಮದುವೆ ಆಗಿದ್ದಾರೆ. ಈ ಜೋಡಿ 2016ರಲ್ಲಿ ಮದುವೆ ಆಗಿದ್ದು. ಸದ್ಯ ತಮ್ಮ ಕುಟುಂಬವನ್ನು ಮಗುವಿನ ಜೊತೆಗೆ ಮತ್ತಷ್ಟು ಹೆಚ್ಚಿಸಿಕೊಳ್ಳಲು ಮುಂದಾಗಿದೆ.