Don't Miss!
- Sports DC vs GT IPL 2024: ಅಕ್ಷರ್, ರಿಷಭ್ ಶೈನಿಂಗ್; ಗುಜರಾತ್ ವಿರುದ್ಧ ಡೆಲ್ಲಿ ಜಯಭೇರಿ
- News ದ್ವೇಷ ಉತ್ತೇಜಿಸುವ ಪೋಸ್ಟ್: ಕರ್ನಾಟಕ ಬಿಜೆಪಿ ವಿರುದ್ಧ ದೂರು ದಾಖಲಿಸಿದ ಚುನಾವಣಾ ಆಯೋಗ
- Technology ಒಪ್ಪೋ ಫೈಂಡ್ X7 ಅಲ್ಟ್ರಾ ಕ್ಯಾಮೆರಾ: ಮೊಬೈಲ್ ಫೋಟೋಗ್ರಫಿಗೆ ಅತ್ಯುತ್ತಮ ಫೋನ್!
- Lifestyle 613 ದಿನ ಕೊರೊನಾ ವಿರುದ್ಧ ಹೋರಾಡಿ ವೃತಪಟ್ಟ ವ್ಯಕ್ತಿ..!
- Automobiles ಸ್ವಂತ ದುಡಿಮೆಯಲ್ಲಿ ಹೊಸ ಕಾರು ಖರೀದಿಸಿ ಯುವ ನಟಿಯ ಭಾವನಾತ್ಮಕ ಪೋಸ್ಟ್
- Finance ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಕದ್ದುಮುಚ್ಚಿ ನಿಶ್ಚಿತಾರ್ಥ ಮಾಡಿಕೊಂಡ ಬಾಲಿವುಡ್ ಬೆಡಗಿ ಸೋಫಿ
ಇತ್ತೀಚೆಗೆ ಚಿತ್ರರಂಗದ ಸೆಲೆಬ್ರಿಟಿಗಳು ಸುದ್ದಿ ಮಾಡದೇ ದಾಂಪತ್ಯ ಜೀವನಕ್ಕೆ ಕಾಲಿಡುತ್ತಿದ್ದಾರೆ. ಮೊನ್ನೆ ಮೊನ್ನೆ ಯಷ್ಟೇ ನಟ ಜೆಡಿ ಚಕ್ರವರ್ತಿ, ತೆಲುಗು ನಟ ವರುಣ್ ಸಂದೇಶ್, ನಟ ಯಶ್ ಮತ್ತು ರಾಧಿಕಾ ಪಂಡಿತ್ ತಮ್ಮ ಜೀವನದ ಮಹತ್ವದ ನಿರ್ಧಾರ ತೆಗೆದುಕೊಂಡಿದ್ದಾರೆ.
ಅದರಂತೆ ಇದೀಗ ಬಾಲಿವುಡ್ ಸಿನಿಮಾ ರಂಗದಲ್ಲೂ ಶಾದಿ (ಮದುವೆ) ಸೀಸನ್ ಶುರುವಾದಂತಿದೆ.
ಕೃಷ್ಣ ಸುಂದರಿ ಬಿಪಾಶಾ ಬಸು ಮತ್ತು ನಟ ಕರಣ್ ಸಿಂಗ್ ಗ್ರೋವರ್, ಕಿರುತೆರೆ ನಟಿ ದಿವ್ಯಾಂಕಾ ತ್ರಿಪಾಟಿ-ವಿವೇಕ್ ದಹಿಯಾ, ಸನಾಯ ಇರಾನಿ-ಮೋಹಿತ್ ಸೆಹಗಲ್ ಮತ್ತಿತ್ತರರು ಮದುವೆಯಾದ ಬೆನ್ನಲ್ಲೇ, ಇದೀಗ ಬ್ರಿಟಿಷ್ ಮೂಲದ ನಟಿ ಕಮ್ ಗಾಯಕಿ ಸೋಫಿ ಚೌಧರಿ (ಸೋಫಿಯಾ ಚೌಧರಿ) ಸದ್ದು-ಸುದ್ದಿ ಮಾಡದೇ ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರೆ.[ಪ್ರಿಯತಮೆ ಜೊತೆ ಸಪ್ತಪದಿ ತುಳಿದ ನಟ ವರುಣ್ ಸಂದೇಶ್]
ನಟಿ ಸೋಫಿಯಾ ಚೌಧರಿ ಅವರು ನಿಶ್ಚಿತಾರ್ಥದ ಉಂಗುರವನ್ನು ಹಾಕಿಕೊಂಡಿರುವ ಫೋಟೋ ಜೊತೆಗೆ 'ಐ ಕಾಂಟ್ ವೈಟ್' ಅಂತ ಸ್ಟೇಟಸ್ ಹಾಕಿ, ತಮ್ಮ ಇನ್ ಸ್ಟಾಗ್ರಾಮ್ ನಲ್ಲಿ ಶೇರ್ ಮಾಡಿದ್ದು, ಇದನ್ನು ನೋಡಿ ಕೆಲವರು ಶಾಕ್ ಆದರೆ, ಬಾಲಿವುಡ್ ತಾರೆಯರು ಶುಭಾಶಯಗಳ ಸುರಿಮಳೆ ಸುರಿಸುತ್ತಿದ್ದಾರೆ. ಮುಂದೆ ಓದಿ....
ಯಾರು 'ಆ' ಲಕ್ಕಿ ಮ್ಯಾನ್.?
'ಪ್ಯಾರ್ ಕೀ ಸೈಡ್ ಎಫೆಕ್ಟ್' ನಟಿ ಸೋಫಿ ಅವರು ಸದ್ದಿಲ್ಲದೇ, ನಿಶ್ಚಿತಾರ್ಥ ಮಾಡಿಕೊಂಡಿದ್ದೆಲ್ಲಾ ಓಕೆ, ಆದರೆ ಸೋಫಿ ಅವರ ಕೈ ಹಿಡಿದ 'ಆ' ಲಕ್ಕಿ ಮ್ಯಾನ್ ಯಾರು ಎಂಬುದನ್ನು ಸೋಫಿ ಅವರು ಇನ್ನೂ ಬಹಿರಂಗಪಡಿಸಿಲ್ಲ.[ಗುಟ್ಟು-ಗುಟ್ಟಾಗಿ ಮದುವೆಯಾದ ದಕ್ಷಿಣ ಭಾರತದ ನಟ ಜೆಡಿ ಚಕ್ರವರ್ತಿ]
ಊಹಿಸಿಕೊಂಡು ಕಾಮೆಂಟ್ ಗಳ ಸುರಿಮಳೆ
ಸೋಫಿ ತಮ್ಮ ಪತಿದೇವರ ಮಾಹಿತಿಯನ್ನು ಹೊರಹಾಕದ ಕಾರಣ, ಇನ್ ಸ್ಟಾಗ್ರಾಮ್ ನಲ್ಲಿ ಸೋಫಿ ಅವರ ಪತಿದೇವರನ್ನು ಊಹಿಸಿಕೊಂಡು ಎರ್ರಾ-ಬಿರ್ರಿ ಕಾಮೆಂಟ್ ಗಳು ಹರಿದಾಡುತ್ತಿವೆ.
ಸೋಫಿ ಪತಿ ಆದಿತ್ಯ ರಾಯ್ ಕಪೂರ್.?
ಸೋಪಿ ಅವರು ತಬ್ಬಿಕೊಂಡಿರುವ ಫೋಟೋ ಹಾಕಿದ್ದು, ತಮ್ಮ ಸಂಗಾತಿಯ ಅರ್ಧ ಮುಖ ಮಾತ್ರ ಕಾಣುತ್ತಿದೆ. ಆದ್ರಿಂದ ಕೆಲವರು ಅವರನ್ನು ಆದಿತ್ಯ ರಾಯ್ ಕಪೂರ್ ಎಂದು ಕಾಮೆಂಟ್ ಮಾಡಿದ್ದಾರೆ.
ಶಾಕ್ ಆದ ಅಭಿಮಾನಿಗಳು
ನಟಿ ಸೋಫಿ ಚೌಧರಿ ಅವರು ಸದ್ದಿಲ್ಲದೇ ಎಂಗೇಜ್ ಆಗಿದ್ದಕ್ಕೆ, ಕೆಲವು ಅಭಿಮಾನಿಗಳು 'ಓ ಮೈ ಗಾಡ್' ಎಂದು ಶಾಕ್ ಗೆ ಒಳಗಾಗಿದ್ದಾರೆ.
ಮಂಟಪದಲ್ಲಿ ಸರ್ ಪ್ರೈಸ್
ಒಟ್ನಲ್ಲಿ ತಾವು ಕೈ ಹಿಡಿಯುತ್ತಿರುವ ಸುರ-ಸುಂದರಾಂಗನ ಹೆಸರು, ಮುಖ ಪರಿಚಯವನ್ನು ಸೀಕ್ರೆಟ್ ಆಗಿ ಇಟ್ಟಿರುವ ಸೋಫಿ, ತಮ್ಮ ಅಭಿಮಾನಿಗಳಿಗೆ, ಕೆಲವೇ ದಿನಗಳಲ್ಲಿ ಮದುವೆ ಮಂಟಪದಲ್ಲೇ ಸರ್ ಪ್ರೈಸ್ ನೀಡಲಿದ್ದಾರೆ.