"ಮದುವೆನೂ ಇಲ್ಲ.. ರಿಂಗೂ ಇಲ್ಲ.." ಮಕ್ಕಳ ಫೋಟೊ ಜೊತೆ ಲಲಿತ್ ಮೋದಿಗೆ ಸುಶ್ಮಿತಾ ಸೇನ್ ಶಾಕ್!

ಬಾಲಿವುಡ್ ನಟಿ ಪ್ರತಿಕ್ರಿಯೆ

ಲಲಿತ್ ಮೋದಿ ಸೋಶಿಯಲ್ ಮೀಡಿಯಾದಲ್ಲಿ ಸುಶ್ಮಿತಾ ಸೇನ್ ಜೊತೆ ಡೇಟಿಂಗ್ ಮಾಡುತ್ತಿರುವುದಾಗಿ ಹೇಳಿ ನೀಡಿದ್ದರು. ಇಲ್ಲಿಂದ ಬಾಲಿವುಡ್‌ನಲ್ಲಿ ದೊಡ್ಡ ಮಟ್ಟಕ್ಕೆ ಚರ್ಚೆಯಾಗುತ್ತಿತ್ತು. ಈ ಬಗ್ಗೆ ಕೊನೆಗೂ ಸುಶ್ಮಿತಾ ಸೇನ್ ಪ್ರತಿಕ್ರಿಯಿಸಿದ್ದು, ಹರಿದಾಡುತ್ತಿರುವ ಗಾಳಿ ಸುದ್ದಿಗೆ ಬ್ರೇಕ್ ಹಾಕಿದ್ದಾರೆ. " ಮದುವೆನೂ ಇಲ್ಲ... ರಿಂಗೂ ಇಲ್ಲ." ಎಂದು ಒಂದೇ ವಾಕ್ಯದಲ್ಲಿ ತಮ್ಮ ಹಾಗೂ ಲಲಿತ್ ಮೋದಿ ನಡುವಿನ ಸಂಬಂಧಕ್ಕೆ ತಿಲಾಂಜಲಿ ಇದ್ದಾರೆ.

ಫೋಟೊದಲ್ಲಿ ಲಲಿತ್ ಮೋದಿಗೆ ಜಾಗವಿಲ್ಲ

ಇಂದು ( ಜುಲೈ 15) ಮಾಜಿ ಭುವನ ಸುಂದರಿ ಸುಶ್ಮಿತಾ ಸೇನ್ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಒಂದು ಫೋಟೊವನ್ನು ಶೇರ್ ಮಾಡಿದ್ದಾರೆ. ರೆನೀ ಹಾಗೂ ಅಲಿಶಾ ಜೊತೆಗಿರುವ ಈ ಫೋಟೊ ಹಂಚಿಕೊಂಡಿದ್ದಾರೆ. ಜೊತೆ "ಇಷ್ಟು ಸ್ಪಷ್ಟನೆ ಸಾಕು" ಎಂಬರ್ಥದಲ್ಲಿ ಮಾರ್ಮಿಕವಾಗಿ ಪ್ರತಿಕ್ರಿಯಿಸಿದ್ದಾರೆ. ಈ ಫೋಟೊದಲ್ಲಿ ಲಲಿತ್ ಮೋದಿ ಇಲ್ಲ. ಹೀಗಾಗಿ ಸುಶ್ಮಿತಾ ಸೇನ್ ಮಾಜಿ ಐಪಿಎಲ್ ಚೇರ್ಮನ್ ಲಲಿತ್ ಮೋದಿಗೆ ಬ್ರೇಕ್ ಮಾಡಿಕೊಂಡ್ರಾ? ಅನ್ನೋ ಅನುಮಾನ ಕಾಡುತ್ತಿದೆ.

ರಿಂಗ್ ಗಿಫ್ಟ್ ಮಾಡಿದ್ರಾ ಲಲಿತ್ ಮೋದಿ?

ಲಲಿತ್ ಮೋದಿ ನಿನ್ನೆ (ಜುಲೈ 14) ಸುಶ್ಮಿತಾ ಸೇನ್ ಜೊತೆಗಿನ ಫೋಟೊಗಳನ್ನು ಶೇರ್ ಮಾಡುತ್ತಿದ್ದಂತೆ ಮದುವೆ ಜೊತೆಗೆ ಮತ್ತೊಂದು ವಿಷಯದ ಬಗ್ಗೆನೂ ಚರ್ಚೆಯಾಗಿತ್ತು. ಇವುಗಳಲ್ಲಿ ಒಂದು ಫೋಟೊದಲ್ಲಿ ಸುಶ್ಮಿತಾ ಸೇನ್ ಕೈ ದುಬಾರಿ ಉಂಗುರ ಕಾಣಿಸಿತ್ತು. ಇದು ಲಲಿತ್ ಮೋದಿ ಬಾಲಿವುಡ್ ನಟಿ ಸುಶ್ಮಿತಾ ಸೇನ್‌ಗೆ ನೀಡಿದ ಉಡುಗೊರೆ ಎಂಬ ಸುದ್ದಿನೂ ಹಬ್ಬಿತ್ತು. ಈಗ ಸುಶ್ಮಿತಾ ಸೇನ್ ಅದಕ್ಕೂ ಕ್ಲಾರಿಟಿ ನೀಡಿದ್ದಾರೆ.

ಮಾಜಿ ಪ್ರಿಯತಮನ ಪ್ರತಿಕ್ರಿಯೆ ಏನು?

ಸುಶ್ಮಿತಾ ಸೇನ್ ಹಾಗೂ ಲಲಿತ್ ಮೋದಿ ಡೇಟಿಂಗ್ ವಿಚಾರ ಹೊರಬೀಳುತ್ತಿದ್ದಂತೆ ಮಾಜಿ ಪ್ರಿಯತಮ ರೋಹ್ಮನ್ ಶಾಲ್ ಪ್ರತಿಕ್ರಿಯೆ ನೀಡಿದ್ದಾರೆ. " ಇಬ್ಬರೂ ಸಂತೋಷವಾಗಿರಲಿ. ಪ್ರೀತಿ ಎಂಬುದೇ ಅತೀ ಸುಂದರ. ಅವರು ಯೋಗ್ಯರಾದವರನ್ನೇ ಆಯ್ಕೆ ಮಾಡುತ್ತಾರೆ ಎಂದು ನನಗೆ ಗೊತ್ತಿದೆ." ಎಂದು ರೋಹ್ಮನ್ ಹೇಳಿಕೆ ನೀಡಿದ್ದರು. ಈಗ ಸುಶ್ಮಿತಾ ಸೇನ್ ಸ್ವಲ್ಪ ಸಮಯ ತೆಗೆದುಕೊಂಡು ಈ ಡೇಟಿಂಗ್ ಬಗ್ಗೆ ಸ್ಪಷ್ಟನೆ ನೀಡಿದ್ದಾರೆ.