'ಸಂಜು' ಆಪ್ತ ಸ್ನೇಹಿತ ಕಮಲೇಶ್ ಯಾರು?

ಕಮಲೇಶ್ ಮೆಚ್ಚಿದ ಪ್ರೇಕ್ಷಕರು

'ಸಂಜು' ಸಿನಿಮಾದಲ್ಲಿ ಸಂಜಯ್‌ ದತ್‌ ಪಾತ್ರ ಮಾಡಿದ ರಣಬೀರ್ ಕಪೂರ್ ಅಭಿನಯಕ್ಕೆ ಪ್ರೇಕ್ಷಕರು ಫುಲ್‌ ಮಾರ್ಕ್ಸ್ ಕೊಟ್ಟಿದ್ದಾರೆ. ರಣಬೀರ್ ಅಭಿನಯಕ್ಕೆ ಮನಸೋತಿರುವ ಸಿನಿಮಾ ಪ್ರಿಯರು ಮತ್ತೆ ಮತ್ತೆ ಸಿನಿಮಾ ನೋಡಲು ಚಿತ್ರಮಂದಿರದತ್ತ ಮುಖ ಮಾಡಿದ್ದಾರೆ. 'ಸಂಜು' ಸಿನಿಮಾದಲ್ಲಿ ಸಂಜಯ್ ಅಷ್ಟೇ ಗಮನ ಸೆಳೆದ ಪಾತ್ರ ಕಮಲೇಶ್.

ರಿಯಲ್ ಕಮಲೇಶ್ ಬಗ್ಗೆ ಕುತೂಹಲ

ಚಿತ್ರದಲ್ಲಿ ಕಮಲೇಶ್ ಪಾತ್ರವನ್ನು ವಿಕಿ ಕೌಶಾಲ್ ನಿರ್ವಹಿಸಿದ್ದರು. ಸಂಜಯ್‌ ದತ್‌ ಬದುಕಿನಲ್ಲಿರುವ ಸ್ನೇಹಿತನ ನಿಜವಾದ ಹೆಸರು ಪರೇಶ್ ಘಿಲಾನಿ. ಚಿತ್ರ ಬಿಡುಗಡೆಯ ಬಳಿಕ ತಮ್ಮ ಸಾಮಾಜಿಕ ತಾಣದಲ್ಲಿ ಸಂಜಯ್‌ದತ್‌ಗೆ ತುಂಬಾ ಭಾವನಾತ್ಮಕ ಪತ್ರ ಬರೆಯುವ ಮೂಲಕ ಎಲ್ಲರ ಗಮನ ಸೆಳೆದಿದ್ದಾರೆ.

ಉದ್ಯಮಿ ಆಗಿರುವ ಪರೇಶ್ ಘಿಲಾನಿ

ಪರೇಶ್ ಶ್ರೀಮಂತ ಉದ್ಯಮಿ. ಮೂನ್ ಎಕ್ಸ್ಪ್ರೆಸ್ ಮತ್ತು ಎಕ್ಸ್ಪ್ರೈಜ್ ಮತ್ತು ರಾಡಿಮ್ಮುನ್ ಸೇರಿದಂತೆ ಕಂಪೆನಿಗಳ ಶೇರ್ ಓಲ್ಡರ್. BPG ಮೋಟಾರ್ಸ್ನ ಅಧ್ಯಕ್ಷರಾಗಿರುವ ಪರೇಶ್ ಘಿಲಾನಿ ಕ್ರಾಸ್ಒವರ್ ಮತ್ತು ಆಫ್-ರೋಡ್ ವಾಹನಗಳ ತಯಾರಾಗುವ ಸಂಸ್ಥೆಯನ್ನು ಹೊಂದಿದ್ದಾರೆ.

ನ್ಯೂಯಾರ್ಕ್ ನಿಂದ ಆರಂಭವಾದ ಸ್ನೇಹ

ಸಂಜಯ್ ದತ್, ಪರೇಶ್ ಅವರನ್ನು ಪ್ಯಾರಿಯಾ ಎಂದೇ ಕರೆಯುತ್ತಾರೆ. ಸಂಜಯ್ ಮತ್ತು ಪ್ಯಾರಿಯಾ ಮೊದಲ ಬಾರಿಗೆ ಭೇಟಿ ಆಗಿದ್ದು ನ್ಯೂಯಾರ್ಕ್ನಲ್ಲಿ. ಇಬ್ಬರ ವ್ಯಕ್ತಿತ್ವ ಹಾಗೂ ಆಯ್ಕೆಗಳು ಹೆಚ್ಚಾಗಿ ಒಂದೇ ಆಗಿರುವುದರಿಂದ ಇಬ್ಬರ ಸ್ನೇಹ ಮತ್ತಷ್ಟು ಗಟ್ಟಿ ಆಗಿ ಉಳಿದುಕೊಂಡಿದೆ. ಸದ್ಯ ಪರೇಶ್ ತಮ್ಮ ಕುಟುಂಬದ ಜೊತೆ ಲಾಸ್ ಏಂಜಲೀಸ್ನಲ್ಲಿ ವಾಸವಾಗಿದ್ದಾರೆ.