ಹುಚ್ಚು ಅಭಿಮಾನಿಯ ಪ್ರೀತಿಯಲ್ಲಿ ಬಿದ್ದ ದೀಪಿಕಾ ಪಡುಕೋಣೆ

ಸ್ಟಾರ್ ಗಳಿಗೆ ವಿಚಿತ್ರವಾದ ಅಭಿಮಾನಿಗಳಿರುತ್ತಾರೆ. ತಾವಿಷ್ಟ ಪಡುವ ಕಲಾವಿದರಿಗಾಗಿ ಪ್ರಾಣ ನೀಡುವುದಕ್ಕೂ ರೆಡಿ ಇರುತ್ತಾರೆ. ಬಾಲಿವುಡ್ ನ ಪದ್ಮಾವತಿಯ ಅಪ್ಪಟ್ಟ ಅಭಿಮಾನಿಗಳು ಮಾಡಿರುವ ಕೆಲಸಕ್ಕೆ ಸ್ವತಃ ದೀಪಿಕಾ ಪಡುಕೋಣೆಯೇ ಆ ಅಭಿಮಾನಿಗಳ ಪ್ರೀತಿಯಲ್ಲಿ ಬಿದ್ದಿದ್ದಾಳೆ. ಡಿಂಪಿ ಪ್ರೀತಿ ಪಡೆಯಲು ಆ ಅಭಿಮಾನಿಗಳು ಮಾಡಿದ ಕೆಲಸ ಏನು ಅನ್ನೋದು ತಿಳಿದರೆ, ನೀವು ಕೂಡ ವಾವ್ಹ್ ಅಂತೀರ.

ಇತ್ತೀಚಿಗಷ್ಟೇ ನಟಿ ದೀಪಿಕಾ ಪಡುಕೋಣೆ ತಮ್ಮ ಹುಟ್ಟುಹಬ್ಬವನ್ನ ಆಚರಣೆ ಮಾಡಿಕೊಂಡರು. ಡಿಂಪಿ ಬರ್ತಡೇಗಾಗಿ ವಿದೇಶಕ್ಕೆ ಹಾರಿದ್ರು ಆದರೆ ಅರಬ್ ನ ಅಭಿಮಾನಿಗಳು ಅವರ ಹೆಸರಿನಲ್ಲಿ ಜನರಿಗೆ ಕುಡಿಯುವ ನೀರಿನ ಅನುಕೂಲವಾಗಲಿ ಎಂದು ಬೋರ್ ವೆಲ್ ತೆಗೆಸಿದ್ದಾರೆ. ಅರಬ್ ದೀಪಿಕಾ ಪಡುಕೋಣೆ ಅಭಿಮಾನಿ ಸಂಘದಿಂದ ಈ ಕೆಲಸ ಮಾಡಲಾಗಿದೆ.

ಜನರು ಬೋರ್ ವೆಲ್ ನಿಂದ ನೀರು ಪಡೆಯುತ್ತಿರುವ ಫೋಟೋವನ್ನ ದೀಪಿಕಾ ಟ್ವಿಟ್ಟರ್ ಗೆ ಅಭಿಮಾನಿಗಳು ಟ್ಯಾಗ್ ಮಾಡಿದ್ದಾರೆ. ಇದನ್ನ ನೋಡಿ ಖುಷಿ ಆಗಿರುವ ದೀಪಿಕಾ "ಇದು ನನ್ನ ಹುಟ್ಟುಹಬ್ಬದ ಅತ್ಯುತ್ತಮವಾದ ಉಡುಗೊರೆ. ನನ್ನ ಹೃದಯ ತುಂಬಿ ಬರುತ್ತಿದೆ. ಐ ಲವ್ ಯೂ ನಿಮ್ಮ ಅಭಿಮಾನದ ಬಗ್ಗೆ ಹೆಮ್ಮೆ ಆಗುತ್ತಿದೆ" ಎಂದು ಟ್ವಿಟ್ ಮಾಡಿದ್ದಾರೆ.

ಅರಬ್ ದೀಪಿಕಾ ಅಭಿಮಾನಿ ಸಂಘದ ಈ ಕೆಲಸಕ್ಕೆ ಎಲ್ಲೆಡೆ ಉತ್ತಮ ಪ್ರಶಂಸೆ ವ್ಯಕ್ತವಾಗಿದೆ. ಅಂದ್ಹಾಗೆ ದೀಪಿಕಾ ಅಭಿನಯದ ಪದ್ಮಾವತ್ ಸಿನಿಮಾ ಇದೇ ತಿಂಗಳ 25ಕ್ಕೆ ರಿಲೀಸ್ ಆಗುವ ಸಾಧ್ಯತೆಗಳು ಹೆಚ್ಚಾಗಿವೆ.