'ಭೂಲ್ ಭುಲಯ್ಯ 2' ಬಾಕ್ಸಾಫೀಸ್ ಚಿಂದಿ: ಕಂಗನಾ ಚಿತ್ರಕ್ಕಿಲ್ಲ ಉಳಿಗಾಲ!

'ಭೂಲ್ ಭುಲಯ್ಯಾ 2' ಬಾಕ್ಸಾಫೀಸ್ ಅಬ್ಬರ!

ಹಿಂದಿಗೆ ಕನ್ನಡದ 'ಕೆಜಿಎಫ್ 2' ಸಿನಿಮಾ ಡಬ್ ಆಗಿದ್ದು, ಆಗಿದ್ದು ಬೇರೆ ಯಾವ ಸಿನಿಮಾ ಈ ಚಿತ್ರದ ಮುಂದೆ ನಿಲ್ಲಲಿಲ್ಲ. ಈಗ 'ಕೆಜಿಎಫ್ 2' ರಿಲೀಸ್ ಆಗಿ ಹೆಚ್ಚು ದಿನಗಳು ಕಳೆಯುತ್ತಿದ್ದ ಹಾಗೆ, 'ಭೂಲ್ ಭೂಲಯ್ಯ 2' ಸಿನಿಮಾ ಬಾಕ್ಸಾಫೀಸ್‌ನಲ್ಲಿ ಸದ್ದು ಮಾಡುತ್ತಿದೆ. ಈ ಸಿನಿಮಾ ದೊಡ್ಡ ಮಟ್ಟದಲ್ಲಿ ಓಪನಿಂಗ್ ಪಡೆಯುವುದಲ್ಲದೇ ಕಲೆಕ್ಷನ್ ಹೆಚ್ಚಿಸಿಕೊಂಡಿದೆ.

'ಭೂಲ್ ಭುಲಯ್ಯಾ 2' ಕಲೆಕ್ಷನ್ 66 ಕೋಟಿ ರೂ.!

ಭೂಲ್ ಭುಲಯ್ಯ 2 ಉತ್ತಮ ಪ್ರಶಂಸೆ ಗಿಟ್ಟಿಸಿಕೊಂಡಿದೆ. ಇನ್ನು ಸಿನಿಮಾ ವಾರಂತ್ಯದ ಜೊತೆಗೆ ವೀಕ್ ಡೇಸ್‌ನಲ್ಲೂ ಉತ್ತಮವಾಗಿ ಪ್ರದರ್ಶನ ಕಾಣುತ್ತಾ ಇದೆ. ರಿಲೀಸ್ ಆಗಿ ನಾಲ್ಕು ದಿನಕ್ಕೆ 66 ಕೋಟಿ ರೂ. ಗಳಿಸಿದೆ. ಇನ್ನು ಒಂದು ವಾರದ ಒಳಗೆ ಈ ಸಿನಿಮಾ 100 ಕೋಟಿಯ ಗಡಿಯನ್ನು ನಿರಾಯಾಸವಾಗಿ ತಲುಪಲಿದೆ. ಇನ್ನು ಭೂಲ್ ಭುಲಯ್ಯ ಸಿನಿಮಾ ಸೌತ್‌ನಲ್ಲಿ ಉತ್ತಮ ಪ್ರದರ್ಶನ ಕಾಣುತ್ತಾ ಇದೆ.

ಭೂಲ್ ಭುಲಯ್ಯ 2ಗಾಗಿ 'ದಾಖಡ್' ಎತ್ತಂಗಡಿ!

ಇನ್ನು ಭೂಲ್ ಭುಲಯ್ಯ 2 ಸಿನಿಮಾಗಾಗಿ ಕಂಗನಾ ಅಭಿನಯದ 'ದಾಖಡ್' ಸಿನಿಮಾವನ್ನು ಎತ್ತಂಗಡಿ ಮಾಡಲಾಗುತ್ತಿದೆ. ಈ ಚಿತ್ರಕ್ಕೆ ಬೇಡಿಕೆ ಹೆಚ್ಚಿದ ಹಿನ್ನೆಲೆ ಹಲವು ಕಡೆಗಳಲ್ಲಿ ಕಂಗಾನ ಸಿನಿಮಾ ತೆಗೆದು ಭೂಲ್ ಭುಲಯ್ಯ 2 ಸಿನಿಮಾವನ್ನು ಪ್ರದರ್ಶನ ಮಾಡಲಾಗುತ್ತಿದೆ. ಅಲ್ಲದೇ ಕಂಗನಾ ಸಿನಿಮಾ 'ದಾಖಡ್' ಜನರಿಲ್ಲದೇ ಖಾಲಿ ಹೊಡೆಯುತ್ತಿರುವ ಕಾರಣ ಮುಲಾಜಿಲ್ಲದೆ ಸಿನಿಮಾವನ್ನು ಕಿತ್ತುಹಾಕುತ್ತಿರುವುದಾಗಿ ವರದಿ ಆಗಿದೆ.

ಕೆಜಿಎಫ್ 2 ದಾಖಲೆ ಮುರಿಯುತ್ತಾ 'ಭೂಲ್ ಭುಲಯ್ಯಾ 2'

ಕೆಜಿಎಫ್ 2 ಸಿನಿಮಾ ಹಿಂದಿಯಲ್ಲಿ 400 ಕೋಟಿಗೂ ಅಧಿಕ ಮೊತ್ತ ಕಲೆ ಹಾಕಿದೆ. ಈ ಹಿಂದೆ ಬಾಲಿವುಡ್ ಸಿನಿಮಾಗಳು ಮಾಡಿದ್ದ ದಾಖಲೆಗಳನ್ನು ಸುಲಭವಾಗಿ ಮುರಿದು ಹಾಕಿದೆ ಹಿಂದಿ ಡಬ್ಬಿಂಗ್ 'ಕೆಜಿಎಫ್ 2'. ಆದರೆ ಈಗ 'ಭೂಲ್ ಭೂಲಯ್ಯ 2', ಉತ್ತಮ ಪ್ರದರ್ಶನ ಕಾಣುತ್ತಾ ಇದ್ದು, 'ಕೆಜಿಎಫ್ 2' ಹಿಂದಿ ಅವತರಣಿಕೆಯ ಈ ದಾಖಲೆಯನ್ನು ಮುರಿಯ ಬಲ್ಲುದೇ ಎನ್ನುವ ಲೆಕ್ಕಾಚಾರಗಳು ಹುಟ್ಟಿಕೊಂಡಿವೆ.