ದಿಯಾಗೆ ಮದುವೆ ಮಂಟಪದಲ್ಲೇ ಮಕ್ಕಳ ಕನಸು

ನನಗೆ ಹೆಣ್ಣು ಮಗು ಬೇಕು ಎಂದ ದಿಯಾ

ಸಾಂಪ್ರದಾಯಿಕ ರೀತಿಯಲ್ಲಿ ಮದುವೆ ಸಮಾರಂಭ ಜರುಗಿದ ಮೇಲೆ ಪಂಡಿತರು ಶುಭ ಹಾರೈಸಿ ಆಶೀರ್ವಾದ ನೀಡುವ ಸಂದರ್ಭದಲ್ಲಿ ದಂಪತಿಗೆ ಪುತ್ರ ಪ್ರಾಪ್ತಿಯಾಗಲಿ ಎಂದಿದ್ದಾರೆ. ತಕ್ಷಣವೇ ಇಬ್ಬರು ನಮಗೆ ಮೊದಲಿಗೆ ಹೆಣ್ಣು ಮಗುವಾಗಲಿ ಎಂದು ಹಾರೈಸಿ ಎಂದಿದ್ದಾರೆ. ನಾವು ಹೆಣ್ಣು ಮಗುವನ್ನೇ ಬಯಸಿದ್ದೇವೆ ಎಂದು ದಿಯಾ ಹೇಳಿದ್ದಾರೆ.

ಮದುವೆಗೆ ಬಂದಿದ್ದ ಅತಿಥಿಗಳು

ರಾಜಕುಮಾರ್ ಹಿರಾನಿ, ನಿಖಿಲ್ ಅಡ್ವಾಣಿ, ಸುಷ್ಮಿತಾ ಸೇನ್, ಲಾರಾ ದತ್ತಾ, ಮಹೇಶ್ ಭೂಪತಿ, ಶಂತನು ನಿಖಿಲ್, ಜಾಯೇದ್ ಖಾನ್ ಮುಂತಾದವರು ಮದುವೆಗೆ ಆಗಮಿಸಿ ನೂತನ ದಂಪತಿಗೆ ಶುಭ ಕೋರಿದರು.

ಆರ್ಯ ಸಮಾಜದ ಮದುವೆ ಬಗ್ಗೆ ದಿಯಾ

ಆರ್ಯ ಸಮಾಜದ ಮದುವೆ ಏಕೆ ಎಂಬುದರ ಬಗ್ಗೆ ವಿವರಣೆ ನೀಡಿದ ದಿಯಾ ನನ್ನ ತಂದೆ ಜರ್ಮನ್, ಮಲ ತಂದೆ ಮುಸ್ಲಿಂ, ತಾಯಿ ಬೆಂಗಾಳಿ, ಭಾವಿ ಪತಿ ಸಾಹಿಲ್ ಪಂಜಾಬಿ, ಮೆಹಂದಿ, ಸಂಗೀತ್, ಮದುವೆ ಎಲ್ಲವೂ ಸಾಂಪ್ರದಾಯಿಕ ರೀತಿಯಲ್ಲಿ ನಡೆದರೂ ನಾವು ಎಲ್ಲಾ ಮತಧರ್ಮದ ವಿಧಿ ವಿಧಾನವನ್ನು ಬದಿಗೊತ್ತಿ ಮದುವೆ ದಿನ ಮಾತ್ರ ಆರ್ಯ ಸಮಾಜಕ್ಕೆ ಹೋಗುತ್ತೇವೆ ಎಂದಿದ್ದರು.

ದಂಪತಿಗಳ ವಸ್ತ್ರ ವಿನ್ಯಾಸ ಚರ್ಚೆ ವಿಷಯವಾಗಿತ್ತು

ಮೆಹಂದಿ ನಂತರ ಆಕರ್ಷಕ ವಿನ್ಯಾಸದ ಡ್ರೆಸ್ ನಲ್ಲಿ ಕಾಣಿಸಿಕೊಂಡಿದ್ದ ದಂಪತಿಗಳ ಚಿತ್ರ ಟ್ವಿಟ್ಟರ್ ನಲ್ಲಿ ಕಾಣಿಸಿಕೊಂಡಿತ್ತು. ಹೀಗಾಗಿ ಮದುವೆ ದಿನ ಯಾವ ವಿನ್ಯಾಸದ ವಸ್ತ್ರ ಧರಿಸುತ್ತಾರೆ ಎಂಬ ಕುತೂಹಲವಿತ್ತು. ರಿತು ಕುಮಾರ್ ಅವರ ವಿನ್ಯಾಸ ಹಸಿರು ಬಣ್ಣದ ದಿರಿಸಿನಲ್ಲಿ ದಿಯಾ ಕಂಗೊಳಿಸಿದರೆ, ಸಾಹಿಲ್ ಅವರು ರಾಘವೇಂದ್ರ ರಾಥೋರ್ ವಿನ್ಯಾಸ ವಸ್ತ್ರ ಧರಿಸಿದ್ದರು.