ಕಿಯಾರಾ ಅಡ್ವಾಣಿ ಬಾಯ್‌ಫ್ರೆಂಡ್‌ ಬಗ್ಗೆ ಅಕ್ಷಯ್ ಕುಮಾರ್ ಕೊಟ್ಟರು ಸುಳಿವು

ಕಪಿಲ್ ಶರ್ಮಾ ಶೋ ಗೆ ಭೇಟಿ ನೀಡಿದ್ದ ನಟಿ

'ಲಕ್ಷ್ಮಿ' ಸಿನಿಮಾದಲ್ಲಿ ಕಿಯಾರಾ ಅಡ್ವಾಣಿ, ಅಕ್ಷಯ್ ಕುಮಾರ್ ಜೊತೆಗೆ ನಟಿಸಿದ್ದಾರೆ. ಈ ಸಿನಿಮಾದ ಪ್ರಚಾರಕ್ಕೆಂದು ಖ್ಯಾತ ಟಿವಿ ಶೋ 'ದಿ ಕಪಿಲ್ ಶರ್ಮಾ ಶೋ' ಗೆ ಇತ್ತೀಚೆಗೆ ಈ ಜೋಡಿ ಭೇಟಿ ನೀಡಿತ್ತು. ಈ ಸಂದರ್ಭದಲ್ಲಿ ನಿರೂಪಕ ಕಪಿಲ್ ಶರ್ಮಾ, ಕಿಯಾರಾ ಅವರ ಬಳಿ ಅವರ ಮದುವೆ, ಪ್ರೀತಿಯ ಬಗ್ಗೆ ಪ್ರಶ್ನೆ ಕೇಳಿದ್ದಾರೆ.

'ಮದುವೆ ಆಗುವವರೆಗೆ ವೈಯಕ್ತಿಕ ಜೀವನದ ಬಗ್ಗೆ ಮಾತನಾಡುವುದಿಲ್ಲ'

ಆಗ ಪಕ್ಕದಲ್ಲೇ ಇದ್ದ ಅಕ್ಷಯ್ ಕುಮಾರ್, 'ಈ ಪ್ರಶ್ನೆಗೆ ನಾನೂ ಉತ್ತರ ಬಯಸುತ್ತೇನೆ' ಎನ್ನುತ್ತಾರೆ. ಕಪಿಲ್ ಶರ್ಮಾ ಪ್ರಶ್ನೆಗೆ ಯೋಚಿಸಿ ಉತ್ತರ ನೀಡುವ ಕಿಯಾರಾ, 'ನಾನು ನೇರವಾಗಿ ಮದುವೆ ಆಗುತ್ತೇನೆ, ಮದುವೆ ಆಗುವವರೆಗೆ ನಾನು ನನ್ನ ವೈಯಕ್ತಿಕ ಜೀವನದ ಬಗ್ಗೆ ಮಾತನಾಡುವುದಿಲ್ಲ' ಎನ್ನುತ್ತಾರೆ.

ಕಿಯಾರಾ 'ಸಿದ್ಧಾಂತ' ಹೊಂದಿದ ಯುವತಿ: ಅಕ್ಷಯ್

ಕಿಯಾರಾ ನೀಡಿದ ಉತ್ತರಕ್ಕೆ ವ್ಯಂಗ್ಯವಾಗಿ ನಗುವ ಅಕ್ಷಯ್ ಕುಮಾರ್, 'ಈಕೆ ಬಹಳ 'ಸಿದ್ಧಾಂತ' ಹೊಂದಿದ ಯುವತಿ' ಎನ್ನುತ್ತಾರೆ. ಅಲ್ಲಿದ್ದರಿಗೆಲ್ಲಾ ಅರ್ಥವಾಗುತ್ತದೆ, ಅಕ್ಷಯ್ ಕುಮಾರ್ ಬೇಕೆಂದಲೇ 'ಸಿದ್ಧಾಂತ' ಪದವನ್ನು ವಿಶೇಷಣಗೊಳಿಸಿ ಹೇಳಿದ್ದಾರೆ ಎಂದು. ಕಿಯಾರಾ ಬಾಯ್‌ಫ್ರೆಂಡ್ ಸಿದ್ಧಾರ್ಥ್ ಮಲ್ಹೋತ್ರಾ ಉದ್ದೇಶಿಸಿಯೇ ಅಕ್ಷಯ್ ಸಿದ್ಧಾಂತ ಎಂದಿದ್ದಾರೆ ಎಂದು ಟ್ವಿಟ್ಟರ್‌ನಲ್ಲಿ ಚರ್ಚೆಯೂ ನಡೆದಿದೆ.

Recommended Video

ಒಂದು ವರ್ಷದ ಬಳಿಕ ಶೈನ್ ಶೆಟ್ಟಿ ಮನೆಗೆ ಬಂದ ಅದೃಷ್ಟ ಲಕ್ಷ್ಮಿ | Shine Shetty | Filmibeat Kannada

ಲಕ್ಷ್ಮಿ ಸಿನಿಮಾ ಹಾಟ್‌ಸ್ಟಾರ್‌ನಲ್ಲಿ ಬಿಡುಗಡೆ

ನಟಿ ಕಿಯಾರಾ ಅಡ್ವಾಣಿ ಅಭಿನಯದ ಲಕ್ಷ್ಮಿ ಸಿನಿಮಾ ಕೆಲವೇ ದಿನಗಳಲ್ಲಿ ಹಾಟ್‌ಸ್ಟಾರ್‌ನಲ್ಲಿ ಬಿಡುಗಡೆ ಆಗಲಿದೆ. 'ಗುಡ್‌ನ್ಯೂಜ್' ನಂತರ ಅಕ್ಷಯ್ ಜೊತೆಗೆ ಇದು ಅವರ ಎರಡನೇ ಸಿನಿಮಾ. ಕಿಯಾರಾ, ವೆಬ್‌ಸರಣಿಯೊಂದರಲ್ಲಿ ನಟಿಸುತ್ತಿದ್ದಾರೆ. ಶೇರ್‌ಶಾ, ಇಂದು ಕಿ ಜವಾನಿ, ಭೂಲ್ ಭುಲಯ್ಯಾ 2 ಸಿನಿಮಾದಲ್ಲಿಯೂ ಅವರು ನಟಿಸುತ್ತಿದ್ದಾರೆ.