ಕಂಗನಾ ರಣೌತ್‌ ಗೆ ಉದ್ಯೋಗದ ಆಫರ್ ಕೊಟ್ಟ ನಟ ದಿಲ್ಜೀತ್

ಸಮಯ ಎಲ್ಲವನ್ನೂ ಹೇಳುತ್ತದೆ: ಕಂಗನಾ

ದಿಲ್ಜಿತ್ ಟ್ವೀಟ್‌ಗೆ ಪ್ರತಿಕ್ರಿಯಿಸಿರುವ ಕಂಗನಾ, 'ಯಾರು ರೈತರ ಹಕ್ಕುಗಳಿಗಾಗಿ ಹೋರಾಡಿದರು, ಯಾರು ರೈತರ ವಿರುದ್ಧ ಇದ್ದರು ಎಂಬುದರ ಬಗ್ಗೆ ಕಾಲವೇ ಉತ್ತರ ನೀಡಲಿದೆ. ಹೃದಯದಿಂದ ಯಾರನ್ನಾದರೂ ಪ್ರೀತಿಸಿದರೆ ಅಂಥಹವರನ್ನು ಯಾರೂ ದ್ವೇಷಿಸುವುದಿಲ್ಲ. ಪಂಜಾಬಿಗರು ನನ್ನನ್ನು ದ್ವೇಷಿಸುತ್ತಾರೆ ಎಂಬ ನಿನ್ನ ಕನಸನ್ನು ಬಿಟ್ಟುಬಿಡು, ಸತ್ಯ ತಿಳಿದರೆ ನಿನ್ನ ಹೃದಯ ಒಡೆಯುತ್ತದೆ' ಎಂದಿದ್ದಾರೆ ಕಂಗನಾ.

ರೈತರ ಮೇಲೆ ಕಂಗನಾಗೆ ಏಕೆ ಕೋಪ ಅರ್ಥವಾಗುತ್ತಿಲ್ಲ: ದಿಲ್ಜೀತ್

ಮತ್ತೆ ಕಂಗನಾ ರ ಟ್ವೀಟ್‌ಗೆ ಪ್ರತಿಕ್ರಿಯಿಸಿರುವ ದಿಲ್ಜೀತ್, 'ರೈತರ ಮೇಲೆ ಆಕೆಗೆ ಏಕಿಷ್ಟು ಕೋಪ ಎಂಬುದು ನನಗೆ ಅರ್ಥವಾಗುತ್ತಿಲ್ಲ. ಎಲ್ಲಾ ಪಂಜಾಬಿಗರು ರೈತರ ಪರ ಇದ್ದಾರೆ. ಯಾರೂ ಸಹ ನಿಮ್ಮ ಬಗ್ಗೆ ಮಾತನಾಡುತ್ತಿಲ್ಲ' ಎಂದಿದ್ದಾರೆ ದಿಲ್ಜೀತ್ ದುಸ್ಸಾಂಜ್.

ಊರ್ಮಿಳಾ ವಿರುದ್ಧ ಟ್ವೀಟ್ ಮಾಡಿದ್ದ ಕಂಗನಾ

ಕೆಲವು ದಿನಗಳ ಹಿಂದಷ್ಟೆ ಕಂಗನಾ, ಎರಡನೇ ಬಾರಿ ನಟಿ, ಶಿವಸೇನಾ ಸದಸ್ಯೆ ಊರ್ಮಿಳಾ ಮತೋಡ್ಕರ್ ವಿರುದ್ಧ ಟ್ವಿಟ್ಟರ್‌ನಲ್ಲಿ ಟೀಕಾ ಪ್ರಹಾರ ನಡೆಸಿದ್ದರು. ಶಿವಸೇನಾ ಪಕ್ಷಕ್ಕೆ ಸೇರಿದ ಕೂಡಲೇ 3 ಕೋಟಿ ಮೌಲ್ಯದ ಕಚೇರಿ ತೆರೆದಿದ್ದೀಯಾ. ನಾನು ಬಿಜೆಪಿ ಪರ ವಹಿಸಿ 20-30 ಕೇಸು ದಾಖಲಿಸಿಕೊಂಡಿದ್ದೇನೆ ಎಂದಿದ್ದರು.

ಸಾಫ್ಟ್ ಪಾರ್ನ್ ನಟಿ ಎಂದಿದ್ದ ಕಂಗನಾ

ಈ ಹಿಂದೆಯೂ ಊರ್ಮಿಳಾ ಮತೋಡ್ಕರ್ ಬಗ್ಗೆ ಮಾತನಾಡಿದ್ದ ಕಂಗನಾ, ಊರ್ಮಿಳಾರನ್ನು 'ಸಾಫ್ಟ್ ಪಾರ್ನ್ ನಟಿ' ಎಂದಿದ್ದರು. ಇದಕ್ಕೆ ಮುನ್ನಾ ತಾಪ್ಸಿ ಪನ್ನು, ದೀಪಿಕಾ ಪಡುಕೋಣೆ, ಕರಣ್ ಜೋಹರ್, ಮಹೇಶ್ ಭಟ್, ಅಮೀರ್ ಖಾನ್, ಹೃತಿಕ್ ರೋಷನ್ ಇನ್ನೂ ಹಲವರ ವಿರುದ್ಧ ಮಾತನಾಡಿದ್ದರು.