1 ಕೆ.ಜಿ ಮೈಸೂರು ಪಾಕ್ ಇಲ್ಲದೆ ಮನೆಗೆ ಬರಬೇಡಿ: ಗಂಡ ರಣ್ವೀರ್ ಗೆ ದೀಪಿಕಾ ಆರ್ಡರ್.!

ದೀಪಿಕಾ ಕೊಟ್ಟ ಪ್ರತಿಕ್ರಿಯೆ ಏನು.?

'83' ಚಿತ್ರದ ಹೊಸ ಪೋಸ್ಟರ್ ನ ರಣ್ವೀರ್ ಸಿಂಗ್ ಇನ್ಸ್ಟಾಗ್ರಾಮ್ ಅಕೌಂಟ್ ನಲ್ಲಿ ಶೇರ್ ಮಾಡಿಕೊಳ್ಳುತ್ತಿದ್ದ ಹಾಗೆ, ಚೆನ್ನೈನಿಂದ ವಾಪಸ್ ಬರುವಾಗ ಏನೆಲ್ಲಾ ತರಬೇಕು ಎಂಬ ಶಾಪಿಂಗ್ ಲಿಸ್ಟ್ ನ ದೀಪಿಕಾ ಪಡುಕೋಣೆ ಕಾಮೆಂಟ್ ನಲ್ಲಿ ತಿಳಿಸಿದ್ದಾರೆ.

ಚೆನ್ನೈನಿಂದ ಏನೆಲ್ಲ ಬೇಕು.?

''ಶ್ರೀ ಕೃಷ್ಣ ದಿಂದ ಒಂದು ಕೆ.ಜಿ ಮೈಸೂರು ಪಾಕ್ ಇಲ್ಲದೆ ಚೆನ್ನೈನಿಂದ ವಾಪಸ್ ಬರಬೇಡಿ. ಹಾಗೇ, ಹಾಟ್ ಚಿಪ್ಸ್ ನಿಂದ ಎರಡುವರೆ ಕೆ.ಜಿ ಖಾರವಾದ ಆಲೂಗೆಡ್ಡೆ ಚಿಪ್ಸ್ ಮರೆಯದೆ ತನ್ನಿ'' ಎಂದು ಪತಿ ರಣ್ವೀರ್ ಸಿಂಗ್ ಗೆ ದೀಪಿಕಾ ಪಡುಕೋಣೆ ಆರ್ಡರ್ ಮಾಡಿದ್ದಾರೆ.

ಕಾಮೆಂಟ್ ಗಳ ಸುರಿಮಳೆ.!

ಪತಿ ರಣ್ವೀರ್ ಸಿಂಗ್ ಗೆ ದೀಪಿಕಾ ಪಡುಕೋಣೆ ಕಳುಹಿಸಿರುವ ಶಾಪಿಂಗ್ ಲಿಸ್ಟ್ ನೋಡಿ ನೆಟ್ಟಿಗರು ಖುಷಿ ಪಟ್ಟಿದ್ದಾರೆ. ರಣ್ವೀರ್ ಸಿಂಗ್ ಮತ್ತು ದೀಪಿಕಾ ಪಡುಕೋಣೆಯ ದಾಂಪತ್ಯ ಕಂಡು ''ಎಷ್ಟೇ ದೊಡ್ಡ ಸ್ಟಾರ್ ಆದರೂ, ಪತ್ನಿಗೆ ಆತ ಪತಿಯೇ'', ''ಅಪ್ಪಿ ತಪ್ಪಿ ಮರೆತು ವಾಪಸ್ ಬರಬೇಡಿ ರಣ್ವೀರ್'' ಅಂತೆಲ್ಲಾ ನೆಟ್ಟಿಗರು ಕಾಮೆಂಟ್ ಮೇಲೆ ಕಾಮೆಂಟ್ ಮಾಡುತ್ತಿದ್ದಾರೆ.

83 ಚಿತ್ರದಲ್ಲೂ ಗಂಡ-ಹೆಂಡ್ತಿ

ಅಂದ್ಹಾಗೆ, '83' ಚಿತ್ರದಲ್ಲೂ ರಣ್ವೀರ್ ಸಿಂಗ್ ಮತ್ತು ದೀಪಿಕಾ ಪಡುಕೋಣೆ ಪತಿ-ಪತ್ನಿಯಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. 1983 ರಲ್ಲಿ ಭಾರತ ಕ್ರಿಕೆಟ್ ವಿಶ್ವಕಪ್ ಗೆದ್ದ ರೋಮಾಂಚಕ ಕ್ಷಣದ ಸುತ್ತ ಹೆಣೆದಿರುವ ಕಥೆಯೇ '83' ಸಿನಿಮಾ. ಈ ಚಿತ್ರದಲ್ಲಿ ಕಪಿಲ್ ದೇವ್ ಆಗಿ ರಣ್ವೀರ್ ಸಿಂಗ್ ಅಭಿನಯಿಸಿದ್ದರೆ, ಕಪಿಲ್ ದೇವ್ ಪತ್ನಿಯಾಗಿ ದೀಪಿಕಾ ಮಿಂಚಿದ್ದಾರೆ. '83' ಏಪ್ರಿಲ್ ತಿಂಗಳಲ್ಲಿ ತೆರೆಗೆ ಬರಲಿದೆ.