4 ವರ್ಷದ ಹಿಂದೆ ಸತ್ತ ನಟಿಯ ಪ್ರಕರಣದಲ್ಲಿ ಬೆಚ್ಚಿಬೀಳಿಸುವ ಸತ್ಯ ಹೊರಬಿದ್ದಿದೆ.!

ಜಿಯಾ ಖಾನ್ ಸಾವಿಗೆ ಸೂರಜ್ ಕಾರಣ

ಬಾಲಿವುಡ್ ನಟಿ ಜಿಯಾ ಖಾನ್ ಸಾವಿಗೆ ಪರೋಕ್ಷವಾಗಿ ಸೂರಜ್ ಪಾಂಚೋಲಿ ಕಾರಣವೆಂದು ಸಿಬಿಐ ಪೊಲೀಸರು ಚಾರ್ಜ್ ಶೀಟ್ ದಾಖಲಿಸಿದ್ದಾರೆ. ಜಿಯಾ ಖಾನ್ ಆತ್ಮಹತ್ಯೆ ಮಾಡಿಕೊಳ್ಳಲು ಸೂರಜ್ ಪ್ರೇರೇಪಿಸಿದ್ದಾನೆ ಎಂಬುದು ಪೊಲಿಸರ ತನಿಖೆಯಿಂದ ಹೊರಬಿದ್ದಿದೆ.

ಗರ್ಭಪಾತ ಮಾಡಿಸಿದ್ದ ಸೂರಜ್

ಜಿಯಾ ಖಾನ್ ಮತ್ತು ಸೂರಜ್ ಪಾಂಚೋಲಿ ಒಟ್ಟಿಗೆ ಸಹಜೀವನ ನಡೆಸಿದ್ದು, ಆಕೆ ಬಳಿಕ ಗರ್ಭಿಣಿಯಾಗಿದ್ದರು. ನಂತರ ಒತ್ತಾಯಪೂರ್ವಕವಾಗಿ ಗರ್ಭಪಾತ ಮಾಡಿದ್ದು, ಅದು ವ್ಯತಿರಿಕ್ತ ಪರಿಣಾಮ ಬೀರಿತ್ತು ಎಂಬುದು ಸೇರಿದಂತೆ ಹಲವಾರು ಸಂಗತಿಗಳನ್ನು ಚಾರ್ಜ್‌ಶೀಟ್‌ನಲ್ಲಿ ಉಲ್ಲೇಖಿಸಲಾಗಿದೆ.

ಡೆತ್ ನೋಡ್ ನಲ್ಲಿ ಉಲ್ಲೇಖಿಸಿದ್ದರು

''ನನ್ನನ್ನು ನಿನಗೆ ಸಂಪೂರ್ಣ ಅರ್ಪಿಸಿಕೊಂಡೆ. ಆದರೆ ನೀನು ಪ್ರತಿಕ್ಷಣ ನನಗೆ ನರಕ ತೋರಿಸಿದೆ. ನನ್ನ ಪ್ರತಿ ಅಂಶವನ್ನೂ ನಾಶ ಮಾಡಿದೆ. ನನ್ನಲ್ಲಿ ಬೆಳೆಯುತ್ತಿರುವ ನಿನ್ನ ಮಗುವನ್ನು ಸಾಯಿಸುವ ಸಂದರ್ಭ ಬಂದಾಗ ಅದೆಷ್ಟು ನೋವನುಭವಿಸಿದೆ ನಿನಗರ್ಥವಾಗಲ್ಲ' ಎಂದು ಜಿಯಾ ಬರೆದಿದ್ದ ಡೆತ್ ನೋಟ್ ನಲ್ಲಿ ಉಲ್ಲೇಖವಾಗಿದೆ.

ಕಠಿಣ ಶಿಕ್ಷೆಯಾಗುವ ಸಾಧ್ಯತೆ

ಇನ್ನು ಸಿಬಿಐ ಸಲ್ಲಿರುವ ವರದಿ ಆಧರಿಸಿ, ಫೆಬ್ರವರಿ 14 ರಂದು ಕೋರ್ಟ್ ವಿಚಾರಣೆ ನಡೆಸಲಿದೆ. ಒಂದು ವೇಳೆ ಸೂರಜ್ ಅಪರಾಧಿ ಎಂದು ಸಾಬೀತಾದರೇ, ಕಠಿಣ ಶಿಕ್ಷೆಗೆ ಗುರಿಯಾಗಲಿದ್ದಾರೆ.

ಜಿಯಾ ಖಾನ್ ಬಗ್ಗೆ

ಅಮಿತಾಬ್ ಬಚ್ಚನ್ ಹಾಗೂ ರಾಮ್ ಗೋಪಾಲ್ ವರ್ಮಾರ 'ನಿಶಬ್ಧ್' ಎಂಬ ಬಾಲಿವುಡ್ ಸಿನಿಮಾದಿಂದ ಪರಿಚಯವಾಗಿ, 'ಗಜಿನಿ', 'ಹೌಸ್‍ಫುಲ್‌' ಚಿತ್ರಗಳಲ್ಲಿ ಅಭಿನಯಿಸಿದ್ದರು.