ಮುಖಪುಟ

ಬಾಲಿವುಡ್

ಟ್ವಿಟ್ಟರ್ ಖಾತೆಯಲ್ಲಿ ವಿಡಿಯೋಗಳು ಅಥವಾ ಫೋಟೋಗಳನ್ನ ಹಾಕುವ ಮುಂಚೆ ಸೂಕ್ಷ್ಮವಾಗಿ ಯೋಚಿಸಿ. ಇಲ್ಲವಾದಲ್ಲಿ ನಿಮ್ಮ ಮೇಲೆ ದೂರು ದಾಖಲಾದರೂ ಆಗಬಹುದು. ಕೇವಲ ಹಾಸ್ಯದ ಉದ್ದೇಶದಿಂದ ವಿಡಿಯೋ ಹಾಕಿದರು, ಅದು ಕೆಲವೊಮ್ಮೆ ಗಂಭೀರವಾಗಿ ಪರಿಣಾಮ ಬೀರುತ್ತೆ. ಈಗ ಇಂತಹದ್ದೇ ಹಾಸ್ಯ ವಿಡಿಯೋವೊಂದನ್ನ ಹಾಕಿದ ಕಾರಣಕ್ಕೆ ಬಾಲಿವುಡ್ ನಟ ರಿಷಿ ಕಪೂರ್ ವಿರುದ್ಧ ದೂರು ದಾಖಲಾಗಿದೆ.

ಹೌದು, ಬಾಲಿವುಡ್ ನಟ ರಿಷಿ ಕಪೂರ್ ಇತ್ತೀಚೆಗಷ್ಟೇ ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಒಂದು ವಿಡಿಯೋ ಪೋಸ್ಟ್ ಮಾಡಿದ್ದರು. ಈ ವಿಡಿಯೋವನ್ನ ಖಂಡಿಸಿ, ಖಾಸಗಿ ವ್ಯಕ್ತಿಯೊಬ್ಬ ಸೈಬರ್ ಕ್ರೈಂಗೆ ದೂರು ನೀಡಿದ್ದಾನೆ. ಹೀಗಾಗಿ, ಸೈಬರ್ ಕ್ರೈಂ ಪೊಲೀಸರು ರಿಷಿ ಕಪೂರ್ ಅವರ ವಿರುದ್ಧ ದೂರು ದಾಖಲಸಿಕೊಂಡಿದ್ದಾರೆ ಎನ್ನಲಾಗಿದೆ.

ಇನ್ನು ಬಾಲಿವುಡ್ ನಟ ರಿಷಿ ಕಪೂರ್ ಅವರು ಈ ವಿಡಿಯೋ ಹಾಕಿರುವ ಬಗ್ಗೆ ಜೈ ಹೋ ಫೌಂಡೇಷನ್ ಎನ್.ಜಿ.ಒ. ಅಧ್ಯಕ್ಷ ಅಫ್ರೋಜ್ ಮಲಿಕ್ ಅವರು ಆಕ್ರೋಶ ವ್ಯಕ್ತಪಡಿಸಿದ್ದು, ''ರಿಷಿ ಕಪೂರ್ ಅವರಿಗೆ 2.6 ಮಿಲಿಯನ್ ಫಾಲೋವರ್ಸ್ ಇದ್ದಾರೆ. ಅವರ ಹಾಕಿರುವ ವಿಡಿಯೋದಲ್ಲಿ ಅಪ್ರಾಪ್ತ ಬಾಲಕಿಯನ್ನ ಅಶ್ಲೀಲವಾಗಿ ಬಳಸಲಾಗಿದೆ. ಈ ವಿಡಿಯೋ ಮಕ್ಕಳ ಮೇಲೆ ನಕಾರಾತ್ಮಕ ಪರಿಣಾಮ ಬೀರುತ್ತೆ. ಹೀಗಾಗಿ, ಈ ವಿಡಿಯೋ ಪೋಸ್ಟ್ ಮಾಡಿರುವ ರಿಷಿ ಕಪೂರ್ ಅವರ ಮೇಲೆ ಕ್ರಮ ತೆಗೆದುಕೊಳ್ಳಕೆಂದು ಒತ್ತಾಯಿಸಿದ್ದಾರೆ.

ಅಂದ್ಹಾಗೆ, ರಿಷಿ ಕಪೂರ್ ಅವರು ಪೋಸ್ಟ್ ಮಾಡಿರುವ ವಿಡಿಯೋ ಸಾಮಾನ್ಯವಾಗಿ ಹಾಸ್ಯದ ಉದ್ದೇಶದಿಂದ ನಿರ್ಮಾಣ ಮಾಡಿರುವ ವಿಡಿಯೋ. ಇದು ವಿದೇಶದಲ್ಲಿ ನಿರ್ಮಾಣವಾಗಿರುವ ವಿಡಿಯೋ.

ರಿಷಿ ಕಪೂರ್ ಅವರು ಪೋಸ್ಟ್ ಮಾಡಿರುವ ವಿಡಿಯೋ ಇಲ್ಲಿದೆ ನೋಡಿ

Smart Alec! pic.twitter.com/E63Z2F5t2H

— Rishi Kapoor (@chintskap) August 26, 2017