ಕರೀನಾ ಕಪೂರ್ ಸೆಕ್ಸಿ ಸೀರೆ ಮತ್ತು ಕಂಚುಕ ಹರಾಜು

'ಚಾಂದಿನಿ ಬಾರ್' ಹಾಗೂ 'ಫ್ಯಾಷನ್' ಚಿತ್ರಗಳ ಮೂಲಕ ವಿಭಿನ್ನವಾಗಿ ಕಥೆ ಹೆಣೆದು ತಾನೊಬ್ಬ ವಿಭಿನ್ನ ನಿರ್ದೇಶಕ ಎಂದು ತೋರಿಸಿದ ಮಧುರ್ ಭಂಡಾರ್ಕರ್ ನಿರ್ದೇಶನದಲ್ಲಿ ಮೂಡಿಬರುತ್ತಿರುವ ಮತ್ತೊಂದು ಚಿತ್ರ 'ಹೀರೋಯಿನ್'. ಈ ಚಿತ್ರದ ಐಟಂ ಸಾಂಗ್ "ಹಲ್ಕಟ್ ಜವಾನಿ"ಯಲ್ಲಿ ಕರೀನಾ ಕಪೂರ್ ತಮ್ಮ ಸೊಂಟವನ್ನು ಬುಗುರಿಯಂತೆ ತಿರುಗಿಸಿದ್ದಾರೆ.

ಈ ಹಾಡಿಗೆ ಬಳಸಿರುವ ಪಿಂಕ್ ಸ್ಯಾರಿ ಹಾಗೂ ಬ್ಲೂ ಜಾಕೆಟ್ ನಲ್ಲಿ ಕುಣಿದು ಪಡ್ಡೆಗಳನ್ನು ಹುಚ್ಚೆಬ್ಬಿಸಿದ್ದಾರೆ ಕರೀನಾ. ಈ ಹಾಡಿಗೆ ಬಳಸಿಕೊಂಡಿರುವ ಸೀರೆ ಹಾಗೂ ಕಂಚುಕ (ರವಿಕೆ)ವನ್ನು ಈಗ ಹರಾಜು ಹಾಕಲು ಮುಂದಾಗಿದ್ದಾರೆ ಚಿತ್ರದ ನಿರ್ದೇಶಕರು.

ಈ ಹಿಂದೆ ಬಾರ್ ಗರ್ಲ್ಸ್, ರೂಪದರ್ಶಿಗಳ ತೆರೆಹಿಂದಿನ ಬದುಕನ್ನು ತೆರೆ ಮೇಲೆ ತೋರಿಸಿದ್ದರು ಮಧುರ್....ಈಗ ಚಿತ್ರದ ಹೀರೋಯಿನ್ ಗಳ ತೆರೆಹಿಂದಿನ ಕತೆಯನ್ನು ಬೆಳಕಿಗೆ ತರುತ್ತಿದ್ದಾರೆ. ತೀರಾ ಕೆಳಮಟ್ಟದಿಂದ ಬಂದಂತಹ ಹೀರೋಯಿನ್ ಗಳ ಜೀವನ ಹೇಗಿರುತ್ತದೆ, ಅವರ ಎದುರಿಸುತ್ತಿರುವ ಸಮಸ್ಯೆಗಳೇನು? ಈ ಅಂಶಗಳ ಆಧಾರವಾಗಿ ಈ ಚಿತ್ರವನ್ನು ತೆರೆಗೆ ಬರುತ್ತಿದೆ.

ಸೆಪ್ಟಂಬರ್ 21ರಂದು ಈ ಚಿತ್ರವನ್ನು ಭರ್ಜರಿಯಾಗಿ ಬಿಡುಗಡೆ ಮಾಡಲು ಸಿದ್ಧತೆಗಳನ್ನು ಮಾಡಿಕೊಳ್ಳಲಾಗಿದೆ. ರೋನಿ, ಮಧುರ್ ಭಂಡಾರ್ಕರ್ ಜಂಟಿಯಾಗಿ ನಿರ್ಮಿಸುತ್ತಿರುವ ಈ ಚಿತ್ರಕ್ಕೆ ಸುಮಾರು ರು.18 ಕೋಟಿ ಸುರಿಯಲಾಗಿದೆ.

ಮಧುರ್ ಭಂಡಾರ್ಕರ್ ಈ ಹಿಂದೆ ನಿರ್ದೇಶಿಸಿದ ಚಾಂದಿನಿ ಬಾರ್, ಫ್ಯಾಷನ್, ಪೇಜ್ ತ್ರಿ, ಟ್ರಾಫಿಕ್ ಸಿಗ್ನಲ್ ಚಿತ್ರಗಳಿಗೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿತ್ತು. ಈಗ 'ಹೀರೋಯಿನ್' ಚಿತ್ರವೂ ಅಷ್ಟೇ ಭಾರಿ ನಿರೀಕ್ಷೆ ಮೂಡಿಸಿದೆ. (ಏಜೆನ್ಸೀಸ್)