Don't Miss!
- News Rain Alert: ರಾಜ್ಯಾದ್ಯಂತ ಹಲವು ಜಿಲ್ಲೆಗಳಲ್ಲಿ ವ್ಯಾಪಕ ಮಳೆ; ಜಿಲ್ಲಾವಾರು ಮಳೆ ವಿವರ
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Sports ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್
- Automobiles ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಕಪೂರ್ ಖಾಂದಾನ್ನಲ್ಲಿ ಮತ್ತೆ ತಲೆ ಎತ್ತಿದ ಆಸ್ತಿ ವಿವಾದ
ಭಾರತ ಸಿನಿಮಾ ರಂಗದಲ್ಲಿ ಕಪೂರ್ ವಂಶಕ್ಕೆ ಬಹುಮುಖ್ಯ ಸ್ಥಾನವಿದೆ. ಭಾರತದ ಸಿನಿಮಾ ಇಂದು ಇರುವ ಮಟ್ಟಕ್ಕೆ ಕರೆತರುವಲ್ಲಿ ಕಪೂರ್ ವಂಶದ ಯೋಗದಾನ ಬಹಳ ದೊಡ್ಡದು. ಬಹಳ ದೊಡ್ಡ ವಂಶವಾದ ಕಪೂರ್ ಖಾಂದಾನ್ನಲ್ಲಿ ಆಗಾಗ್ಗೆ ಆಸ್ತಿ ವಿವಾದಗಳು ನಡೆಯುವುದು ಸಹ ಸಾಮಾನ್ಯ.
ಇದೇ ವರ್ಷದ ಆರಂಭದಲ್ಲಿ ರಾಜ್ ಕಪೂರ್ ಪುತ್ರ ರಾಜೀವ್ ಕಪೂರ್ ಅಸುನೀಗಿದರು. ಫೆಬ್ರವರಿಯಲ್ಲಿ ಮರಣ ಹೊಂದಿದ ಅವರು ಯಾವುದೇ ವ್ಹಿಲ್ ಮಾಡದೇ ಸಾವನ್ನಪ್ಪಿದರು. ರಾಜೀವ್ ಅವರ ಆಸ್ತಿ ಮೇಲೆ ನಮ್ಮ ಹಕ್ಕಿದೆ ಎಂದು ರಾಜೀವ್ ಸಹೋದರ ರಣಧೀರ್ ಕಪೂರ್ ಹಾಗೂ ಸಹೋದರಿ ರೀಮಾ ಜೈನ್ ಹೈಕೋರ್ಟ್ಗೆ ಪಿಟಿಷನ್ ಹಾಕಿದ್ದಾರೆ.
ರಾಜೀವ್ ಕಪೂರ್ ಅವರು 2001 ರಲ್ಲಿ ಆರತಿ ಸಬರ್ವಾಲ್ ಅವರೊಟ್ಟಿಗೆ ವಿವಾಹವಾಗಿದ್ದರು ಆದರೆ ಎರಡೇ ವರ್ಷಕ್ಕೆ ಅಂದರೆ 2003 ಕ್ಕೆ ಅವರು ವಿಚ್ಛೇಧನ ಪಡೆದು ದೂರಾದರು. ರಾಜೀವ್ಗೆ ಮಕ್ಕಳು ಇಲ್ಲ ಹಾಗಾಗಿ ರಾಜೀವ್ ಆಸ್ತಿಯನ್ನು ತಮ್ಮ ಸುಪರ್ಧಿಗೆ ಒಪ್ಪಿಸಬೇಕು ಎಂದು ಮನವಿ ಮಾಡಿದ್ದಾರೆ ರಣಧೀರ್ ಹಾಗೂ ರೀಮಾ.
ವಿಚ್ಛೇಧನದ ತೀರ್ಪನ್ನು ನ್ಯಾಯಾಲಯಕ್ಕೆ ಸಲ್ಲಿಸುವಂತೆ ಸೂಚನೆ
ವಿಚಾರಣೆ ನಡೆಸಿರುವ ಬಾಂಬೆ ಹೈಕೋರ್ಟ್, ದಿವಂಗತ ರಾಜೀವ್ ಹಾಗೂ ರೀಮಾ ಜೈನ್ ಅವರ ವಿಚ್ಛೇಧನದ ತೀರ್ಪಿನ ದಾಖಲೆ ತಂದು ಕೋರ್ಟ್ಗೆ ಒಪ್ಪಿಸುವಂತೆ ರಣಧೀರ್ ಹಾಗೂ ರೀಮಾ ಅವರಿಗೆ ಸೂಚಿಸಿದೆ.
ವಿಚ್ಛೇಧನ ತೀರ್ಪು ಕೊಟ್ಟ ನ್ಯಾಯಾಲಯದ ಬಗ್ಗೆ ತಿಳಿದಿಲ್ಲ
ಆದರೆ ಇದಕ್ಕೆ ತಕರಾರು ಸಲ್ಲಿಸಿರುವ ರಣಧೀರ್ ಹಾಗೂ ರೀಮಾ ಪರ ವಕೀಲರು, ಯಾವ ಕುಟುಂಬ ನ್ಯಾಯಾಲಯ ರಾಜೀವ್ ಹಾಗೂ ಆರತಿ ಸಬರ್ವಾಲ್ ಅವರಿಗೆ ವಿಚ್ಛೇಧನ ನೀಡಿದೆ ಎಂಬುದು ರಣಧೀರ್ ಹಾಗೂ ರೀಮಾ ಅವರಿಗೆ ಗೊತ್ತಿಲ್ಲ ಎಂದು ಹೇಳಿದ್ದಾರೆ. ಈ ತಕರಾರನ್ನು ಹೈಕೋರ್ಟ್ ಒಪ್ಪಿಲ್ಲ. ಆಸ್ತಿಯ ಮೇಲೆ ಹಕ್ಕು ಪಡೆಯಲು ರಣಧೀರ್ ಹಾಗೂ ರೀಮಾ ಅವರು ಸಹೋದರ ರಾಜೀವ್ನ ವಿಚ್ಛೇಧನ ಆದೇಶದ ದಾಖಲೆಯನ್ನು ಹುಡುಕಬೇಕಾಗಿದೆ.
ರಾಜ್ ಕಪೂರ್ರ ಮಕ್ಕಳು
ಬಾಲಿವುಡ್ನ ಶೋ ಮ್ಯಾನ್ ರಾಜ್ ಕಪೂರ್ಗೆ ಐದು ಜನ ಮಕ್ಕಳು, ರಣಧೀರ್ ಕಪೂರ್, ರಿಶಿ ಕಪೂರ್, ರಾಜೀವ್ ಕಪೂರ್. ರೀಮಾ ಹಾಗೂ ರೀತು ಹೆಣ್ಣು ಮಕ್ಕಳು. ಇದೀಗ ಮೊದಲ ಮಗ ರಣಧೀರ್ ಹಾಗೂ ನಾಲ್ಕನೇ ಮಗಳು ರೀಮಾ ಮಾತ್ರವೇ ಬದುಕಿದ್ದಾರೆ.
Recommended Video
ಹೃದಯಾಘಾತದಿಂದ ನಿಧನರಾದ ರಾಜೀವ್ ಕಪೂರ್
ರಾಜೀವ್ ಕಪೂರ್ ಅವರು ನಟನಾಗಿ, ನಿರ್ಮಾಪಕರಾಗಿ, ನಿರ್ದೇಶಕರಾಗಿ ಕೆಲಸ ಮಾಡಿದ್ದಾರೆ. ಇದೇ ವರ್ಷದ ಫೆಬ್ರವರಿ 9 ರಂದು ಹೃದಯಾಘಾತದಿಂದ ನಿಧನರಾದರು ರಾಜೀವ್. ಬಹುತೇಕ ಜೀವನ ಒಂಟಿಯಾಗಿಯೇ ಇದ್ದ ರಾಜೀವ್ ಕಪೂರ್ ಅವರ ಅಣ್ಣ ರಣಧೀರ್ ಕಪೂರ್ ಜೊತೆಯಲ್ಲಿಯೇ ವಾಸವಿದ್ದರು.