ಶ್ರೀದೇವಿ ಪುತ್ರಿ ಜಾಹ್ನವಿ ಕಪೂರ್ ಅವಿದ್ಯಾವಂತೆಯಂತೆ.? ಹೌದೇನು.?

ಸಂದರ್ಶನದಲ್ಲಿ ಜಾಹ್ನವಿ ಹೇಳಿದ್ದೇನು.?

ಇತ್ತೀಚೆಗೆ ನಡೆದ ಸಂದರ್ಶನವೊಂದರಲ್ಲಿ ವಿದ್ಯಾಭ್ಯಾಸದ ಬಗ್ಗೆ ಪ್ರಶ್ನೆ ಎದುರಾಯಿತು. ಆಗ, ''ನಾನು ಬರೀ 12ನೇ ಕ್ಲಾಸ್ ವರೆಗೂ ಓದಿದ್ದೇನೆ. ನಾನು ಅಷ್ಟಾಗಿ ಕಾಲೇಜಿಗೆ ಹೋಗಲೇ ಇಲ್ಲ. ಹೀಗಾಗಿ ನಾನು ಅವಿದ್ಯಾವಂತೆ'' ಎಂದು ನಗುತ್ತಾ ಜಾಹ್ನವಿ ಕಪೂರ್ ಹೇಳಿದರು. ಅದಕ್ಕೆ ಅಲ್ಲಿ ನೆರೆದಿದ್ದ ಜನ ಕೂಡ ಘೊಳ್ ಅಂತ ನಕ್ಕುಬಿಟ್ಟರು.

ಅಸಲಿ ಸತ್ಯ ಏನು.?

ಶ್ರೀದೇವಿ ಪುತ್ರಿ ಜಾಹ್ನವಿಗೆ ಓದಿಗಿಂತ ನಟನೆಯಲ್ಲಿ ಹೆಚ್ಚು ಆಸಕ್ತಿ. ಹೀಗಾಗಿ. 12ನೇ ಕ್ಲಾಸ್ ಆದ್ಮೇಲೆ ಯು.ಎಸ್.ಎ ನಲ್ಲಿ ಇರುವ ಲೀ ಸ್ಟ್ರಾಸ್ಬರ್ಗ್ ಥಿಯೇಟರ್ ಹಾಗೂ ಫಿಲ್ಮ್ ಇನ್ಸ್ಟಿಟ್ಯೂಟ್ ನಲ್ಲಿ ನಟನೆಯ ತರಬೇತಿ ಪಡೆದಿದ್ದಾರೆ.

ಇಶಾನ್ ರದ್ದೂ ಅದೇ ಕಥೆ.!

'ಧಡಕ್' ಸಿನಿಮಾದಲ್ಲಿ ಜಾಹ್ನವಿ ಕಪೂರ್ ಜೊತೆಗೆ ತೆರೆಹಂಚಿಕೊಂಡಿರುವ ಇಶಾನ್ ರದ್ದೂ ಅದೇ ಕಥೆ. 12ನೇ ಕ್ಲಾಸ್ ಆದ್ಮೇಲೆ ಓದುವುದನ್ನು ನಿಲ್ಲಿಸಿದ ಇಶಾನ್ ಶೈಮಕ್ ಧಾವರ್ ಡ್ಯಾನ್ಸ್ ಅಕಾಡೆಮಿಯಲ್ಲಿ ನೃತ್ಯ ತರಬೇತಿ ಪಡೆದರು.

ಕನಸು ನನಸಾಗುವ ಕ್ಷಣ

ದೊಡ್ಡ ನಟರಾಗಬೇಕು ಎಂಬ ಆಸೆ ಹೊತ್ತು ಇಶಾನ್ ಹಾಗೂ ಜಾಹ್ನವಿ ಬಣ್ಣದ ಲೋಕಕ್ಕೆ ಪದಾರ್ಪಣೆ ಮಾಡಿದ್ದಾರೆ. ಇಬ್ಬರ ಚೊಚ್ಚಲ ಕನಸು 'ಧಡಕ್' ಇದೇ ಶುಕ್ರವಾರ ದೇಶದಾದ್ಯಂತ ಬಿಡುಗಡೆ ಆಗಲಿದೆ. ಇಬ್ಬರ ಅಭಿನಯ ಮೆಚ್ಚಿ ಜನ ಜೈಕಾರ ಹಾಕಿದರೆ, ಜಾಹ್ನವಿ-ಇಶಾನ್ ಕನಸು ನನಸಾದ ಹಾಗೆ.!