ನಾಚಿಕೆಗೇಡು: ದೇಶ ಹೊತ್ತಿ ಉರಿಯುತ್ತಿದ್ದರೂ ಪಾರ್ಟಿ ಮಾಡಿದ ಹೃತಿಕ್-ದೀಪಿಕಾ.!

ಹೌಸ್ ಪಾರ್ಟಿಯಲ್ಲಿ ಹೃತಿಕ್-ದೀಪಿಕಾ

ಇತ್ತೀಚೆಗಷ್ಟೇ ಮುಂಬೈನಲ್ಲಿ ನಡೆದ ಹೌಸ್ ಪಾರ್ಟಿಯೊಂದರಲ್ಲಿ ಹೃತಿಕ್ ರೋಷನ್, ದೀಪಿಕಾ ಪಡುಕೋಣೆ, ಅನಿಲ್ ಕಪೂರ್, ರವೀನಾ ಟಂಡನ್, ಅನನ್ಯ ಪಾಂಡೆ, ರಾಧಿಕಾ ಆಪ್ಟೆ ಸೇರಿದಂತೆ ಹಲವರು ಪಾಲ್ಗೊಂಡಿದ್ದರು. ಈ ವೇಳೆ ದೀಪಿಕಾ ಪಡುಕೋಣೆ ಮತ್ತು ಹೃತಿಕ್ ರೋಷನ್ ಕೇಕ್ ತಿನ್ನುತ್ತಿರುವ ವಿಡಿಯೋ ಸೋಷಿಯಲ್ ಮೀಡಿಯಾ ವೈರಲ್ ಆಗಿದೆ. ಈ ವಿಡಿಯೋ ನೋಡಿದ ಟ್ವೀಟಿಗರು ದೀಪಿಕಾ ಪಡುಕೋಣೆ ಮತ್ತು ಹೃತಿಕ್ ರೋಷನ್ ಗೆ ಮಂಗಳಾರತಿ ಮಾಡುತ್ತಿದ್ದಾರೆ.

ಶೇಮ್ ಶೇಮ್

''ಬಾಲಿವುಡ್ ತಾರೆಯರಿಂದ ಇಂತಹ ವರ್ತನೆ ನಿರೀಕ್ಷೆ ಮಾಡಿರಲಿಲ್ಲ. ಹೃತಿಕ್ ರೋಷನ್ ಮತ್ತು ದೀಪಿಕಾ ಪಡುಕೋಣೆಗೆ ಶೇಮ್ ಶೇಮ್'' ಎಂದು ಪರಿಧಿ ಶರ್ಮಾ ಎಂಬುವರು ಟ್ವೀಟ್ ಮಾಡಿದ್ದಾರೆ.

ದೇಶಕ್ಕೆ ಕಳಂಕ

''ಈ ದೇಶಕ್ಕೆ ಇಬ್ಬರೂ ಕಳಂಕ. ಇವರಿಬ್ಬರನ್ನೂ ಬ್ಯಾನ್ ಮಾಡಲು ಇದೇ ಸರಿಯಾದ ಸಮಯ. ದೇಶವೇ ಹೊತ್ತಿ ಉರಿಯುತ್ತಿದೆ. ಯುವ ಜನಾಂಗದಿಂದ ಸ್ಟಾರ್ ಆದ ಇವರು, ಈಗ ಪಾರ್ಟಿ ಮಾಡಬೇಕಾದ್ದೆ'' ಎಂದು ಟ್ವೀಟಿಗರು ದೀಪಿಕಾ ಮತ್ತು ಹೃತಿಕ್ ಗೆ ಛೀಮಾರಿ ಹಾಕುತ್ತಿದ್ದಾರೆ.

ನಿಜ ಮುಖ ಬಯಲಾಗಿದೆ

''ದೇಶದಾದ್ಯಂತ ಪ್ರತಿಭಟನೆಯ ಕಾವು ಏರಿರೋದ್ರಿಂದ ಎಲ್ಲಾ ನಾಗರೀಕರು ಟೆನ್ಷನ್ ನಲ್ಲಿದ್ದಾರೆ. ಆದ್ರೆ, ಹೃತಿಕ್ ರೋಷನ್ ಮತ್ತು ದೀಪಿಕಾ ಪಡುಕೋಣೆ ತಮ್ಮ ನಿಜ ಮುಖವನ್ನು ಬಯಲು ಮಾಡಿದ್ದಾರೆ. ಇದನ್ನ ಇವರುಗಳಿಂದ ನಿರೀಕ್ಷೆ ಮಾಡಿರಲಿಲ್ಲ'' ಎನ್ನುವುದು ಬಹುತೇಕ ಟ್ವೀಟಿಗರ ಅಭಿಪ್ರಾಯವಾಗಿದೆ.

ದೀಪಿಕಾ, ಹೃತಿಕ್ ಪರ ಅಭಿಮಾನಿಗಳ ಬ್ಯಾಟಿಂಗ್

#ShameonHrithikandDeepika ಟ್ರೆಂಡ್ ಆಗುತ್ತಿದ್ದಂತೆಯೇ, ಹೃತಿಕ್ ರೋಷನ್ ಮತ್ತು ದೀಪಿಕಾ ಪಡುಕೋಣೆ ಅಭಿಮಾನಿಗಳು #WeLoveHrithikandDeepika ಅಂತ ಟ್ರೆಂಡ್ ಮಾಡಲು ಶುರು ಮಾಡಿದರು. ''ಬಾಲಿವುಡ್ ಗೆ ಹೃತಿಕ್ ಮತ್ತು ದೀಪಿಕಾ ಬಿಗ್ಗೆಸ್ಟ್ ಬ್ಲಾಕ್ ಬಸ್ಟರ್ ಕೊಟ್ಟಿಲ್ಲ. ಏಷಿಯಾದ ಸೆಕ್ಸಿಯೆಸ್ಟ್ ಪುರುಷ ಮತ್ತು ಮಹಿಳೆ ಆಗಿರುವುದಕ್ಕೆ ಶೇಮ್ ಆಗಲೇಬೇಕು'' ಅಂತೆಲ್ಲಾ ಹೃತಿಕ್ ಮತ್ತು ದೀಪಿಕಾ ಪರ ಅಭಿಮಾನಿಗಳು ಬ್ಯಾಟ್ ಬೀಸಿದ್ದಾರೆ.

ವೀ ಲವ್ ಹೃತಿಕ್ ಮತ್ತು ದೀಪಿಕಾ

''ಹೃತಿಕ್ ಮತ್ತು ದೀಪಿಕಾ ತೆರೆ ಹಂಚಿಕೊಂಡಿರುವುದನ್ನು ನಾವು ನೋಡಿಲ್ಲ. ವೀ ಲವ್ ಹೃತಿಕ್ ಮತ್ತು ದೀಪಿಕಾ'' ಅಂತ ಕೆಲ ಅಭಿಮಾನಿಗಳು ಟ್ವೀಟ್ ಮಾಡಿದ್ದಾರೆ.