ಅಬ್ಬಬ್ಬಾ ಇದೇನ್ ಮನೆನಾ ಅಥವಾ ಅರಮನೆನಾ? ಅತಿಲೋಕ ಸುಂದರಿ ಶ್ರೀದೇವಿ ಭವ್ಯ ಬಂಗಲೆ ಹೇಗಿದೆ ಗೊತ್ತಾ?

ಅಪ್ಪ- ಅಮ್ಮ ಸೀಕ್ರೆಟ್ ಮ್ಯಾರೇಜ್

ಐಷಾರಾಮಿ ಬಂಗಲೆಯನ್ನು ತೋರಿಸುತ್ತಾ ಜಾನ್ವಿ ಕಪೂರ್ ಸಾಕಷ್ಟು ಸ್ವಾರಸ್ಯಕರ ಸಂಗತಿಗಳನ್ನು ಬಿಚ್ಚಿಟ್ಟಿದ್ದಾರೆ. ಶ್ರೀದೇವಿ ಹಾಗೂ ಬೋನಿ ಕಪೂರ್ ರಹಸ್ಯವಾಗಿ ಮದುವೆ ಆಗಿದ್ದು ಗೊತ್ತೇಯಿದೆ. ತಂದೆ- ತಾಯಿ ಮದುವೆ ಫೋಟೊ ತೋರಿಸುತ್ತಾ "ಇವರು ರಹಸ್ಯವಾಗಿ ಮದುವೆ ಆಗಿದ್ದರು. ಅದಕ್ಕೆ ಫೋಟೊದಲ್ಲಿ ಇಬ್ಬರು ಒತ್ತಡದಲ್ಲಿ ಇದ್ದಂತೆ ಕಾಣಿಸುತ್ತಿದೆ" ಎಂದಿದ್ದಾರೆ.

ಮನೆ ತುಂಬಾ ಫೋಟೊಗಳು

ಬಂಗಲೆಯ ಗೇಟಿನಿಂದ ಜಾನ್ವಿ ಕಪೂರ್ ಮನೆ ಒಳಗೆ ಕರೆದುಕೊಂಡು ಹೋಗುತ್ತಾರೆ. "ಮನೆಯ ಮುಖ್ಯವಾದ ದ್ವಾರ ಬೇರೆ ಕಡೆ ಇದೆ. ವಾಸ್ತು ಪ್ರಕಾರ ಈ ದ್ವಾರದಲ್ಲಿ ಓಡಾಡುತ್ತೇವೆ" ಎಂದಿದ್ದಾರೆ. ಅಲ್ಲಿಂದ ಮುಂದೆ ನೇರವಾಗಿ ತಂದೆ ಮನೆಯಲ್ಲೇ ಮಾಡಿಕೊಂಡಿರುವ ಆಫೀಸ್ ರೂಮಿಗೆ ಕರೆದುಕೊಂಡು ಹೋಗುತ್ತಾರೆ. ನಂತರ ಮನೆಯ ಬಗ್ಗೆ ಹೇಳುತ್ತಾ ಇದು ಅಮ್ಮ ಖರೀದಿಸಿದ ಮೊದಲ ಪ್ರಾಪರ್ಟಿ. ಕೊಂಡುಕೊಂಡಾಗಿ ಬೇರೆ ತರ ಇತ್ತು. ತಂದೆಯನ್ನು ಮದುವೆಯಾದ ಮೇಲೆ ಬೇರೆ ಬೇರೆ ಊರುಗಳಿಗೆ ಹೋದಾಗ ಅಲ್ಲಿಂದ ಸಾಕಷ್ಟು ವಸ್ತುಗಳನ್ನು, ಪೇಂಟಿಂಗ್‌ ತಂದು ಈ ರೀತಿ ಬದಲಾಯಿಸಿದ್ದಾರೆ" ಎಂದು ವಿವರಿಸಿದ್ದಾರೆ.

ಜಿಮ್‌ನಲ್ಲಿ ಜಾನ್ವಿ- ಖುಷಿ ಪೇಂಟಿಂಗ್ಸ್

ಅಲ್ಲಿಂದ ಮುಂದೆ ಡೈನಿಂಗ್ ಹಾಲ್, ಫೋಟೊ ವಾಲ್, ಟಿವಿ ರೂಮ್, ಬೆಡ್‌ ರೂಮ್‌ ಎಲ್ಲಾ ಕಡೆ ಸುತ್ತಾಡಿದ್ದಾರೆ. ಮದುವೆಗೂ ಮೊದಲು ತಾಯಿ ಇರುತ್ತಿದ್ದ ಬೆಡ್‌ ರೂಮ್‌ನಲ್ಲಿ ಈಗ ನಾನು ಇದ್ದೀನಿ ಎಂದಿದ್ದಾರೆ. ಮುಂದೆ ಶ್ರೀದೇವಿ ಮಾಡಿರುವ ಪೇಂಟಿಂಗ್‌ಗಳ ಪರಿಚಯ ಮಾಡಿಸಿದ್ದಾರೆ. ಇನ್ನು ಲಾಕ್‌ಡೌನ್‌ ಸಮಯದಲ್ಲಿ ತಂಗಿ ಜೊತೆ ಸೇರಿದ ಮಾಡಿದ ಪೇಂಟಿಂಗ್‌ಗಳನ್ನು ಜಿಮ್‌ನಲ್ಲಿ ಹಾಕಿದ್ದಾರೆ.

ಚಿತ್ರರಂಗದಲ್ಲಿ ಸಿಗಲಿಲ್ಲ ಸಕ್ಸಸ್

ಶ್ರೀದೇವಿ ಪುತ್ರಿ ಆದರೂ ಜಾನ್ವಿಗೆ ಬಾಲಿವುಡ್‌ನಲ್ಲಿ ದೊಡ್ಡ ಬ್ರೇಕ್ ಸಿಗಲಿಲ್ಲ. ನಾಲ್ಕೈದು ಸಿನಿಮಾಗಳಲ್ಲಿ ನಟಿಸಿದರೂ ಪ್ರಯೋಜನವಾಗಲಿಲ್ಲ. ಇತ್ತೀಚೆಗೆ ತೆರೆಕಂಡ 'ಮಿಲಿ' ಸಿನಿಮಾ ಅಟ್ಟರ್‌ ಫ್ಲಾಪ್ ಆಗಿತ್ತು. 'ಬಾವಲ್' ಹಾಗೂ 'ಮಿ. ಅಂಡ್ ಮಿ. ಮಹಿ' ಎನ್ನುವ ಅತಿಲೋಕ ಸುಂದರಿ ಮಗಳ ಕೈಯಲ್ಲಿದೆ. ಶೀಘ್ರದಲ್ಲೇ ಟಾಲಿವುಡ್‌ಗೂ ಎಂಟ್ರಿ ಕೊಡುವ ಬಗ್ಗೆ ಗುಸುಗುಸು ಕೇಳಿಬರ್ತಿದೆ.