ಹೃತಿಕ್ ರೋಷನ್ ವಿರುದ್ಧ ಸಿಡಿದೆದ್ದ ಕಂಗನಾ ರಣೌತ್.!

ಹೃತಿಕ್ ಜೊತೆ ಯಾರೂ ಕೆಲಸ ಮಾಡ್ಬೇಡಿ

''ಹೃತಿಕ್ ರೋಷನ್ ಜೊತೆಗೆ ಯಾರೂ ಕೆಲಸ ಮಾಡಬಾರದು'' ಎಂದು ನಟಿ ಕಂಗನಾ ರಣೌತ್ ಬಹಿರಂಗವಾಗಿ ಹೇಳಿಕೆ ಕೊಟ್ಟಿದ್ದಾರೆ. ಕಂಗನಾ ಆಡಿರುವ ಮಾತುಗಳು ಸದ್ಯ ಬಾಲಿವುಡ್ ನಲ್ಲಿ ದೊಡ್ಡ ಚರ್ಚೆ ಆಗುತ್ತಿದೆ.

ಶಿಕ್ಷೆ ಆಗಬೇಕು

''ವಿಕಾಸ್ ಬಾಹ್ಲ್ ಗೆ ಏನೇನು ಆಗುತ್ತಿದೆಯೋ ಎಲ್ಲವೂ ಸರಿಯಾಗಿದೆ. ಮಹಿಳೆಯರ ಜೊತೆಗೆ ಸಭ್ಯವಾಗಿ ನಡೆದುಕೊಳ್ಳದ ಹಲವರು ಇನ್ನೂ ನಮ್ಮ ಇಂಡಸ್ಟ್ರಿಯಲ್ಲಿ ಇದ್ದಾರೆ. ಮಹಿಳೆಯರ ಮೇಲೆ ದೌರ್ಜನ್ಯ ಎಸಗುವವರು ಇದ್ದಾರೆ. ಅಂಥವರಿಗೆ ಶಿಕ್ಷೆ ಆಗಲೇಬೇಕು'' ಎಂದಿದ್ದಾರೆ ನಟಿ ಕಂಗನಾ ರಣೌತ್.

ಸೈಲೆಂಟ್ ಆಗಿರುವ ಹೃತಿಕ್

ಕಂಗನಾ ರಣೌತ್ ಇಷ್ಟೆಲ್ಲ ಮಾತನಾಡಿದ್ದರೂ, ಹೃತಿಕ್ ರೋಷನ್ ಮಾತ್ರ ತುಟಿಕ್ ಪಿಟಿಕ್ ಎಂದಿಲ್ಲ. ಒಂದ್ವೇಳೆ ಇದಕ್ಕೆ ಹೃತಿಕ್ ಪ್ರತಿಕ್ರಿಯೆ ಕೊಟ್ಟರೆ, ಬಾಲಿವುಡ್ ನಲ್ಲಿ ದೊಡ್ಡ ಹಂಗಾಮ ಆಗದೇ ಇರಲ್ಲ.

ವಿಕಾಸ್ ಬಾಹ್ಲ್ ವಿರುದ್ಧ ಹೃತಿಕ್ ಹೇಳಿದ್ದೇನು.?

ಹೃತಿಕ್ ರೋಷನ್ ಸದ್ಯ 'ಸೂಪರ್ 30' ಎಂಬ ಚಿತ್ರದಲ್ಲಿ ಅಭಿನಯಿಸುತ್ತಿದ್ದಾರೆ. 'ಸೂಪರ್ 30' ಚಿತ್ರದ ನಿರ್ದೇಶಕ ವಿಕಾಸ್ ಬಾಹ್ಲ್ ವಿರುದ್ಧ ಕಂಗನಾ ಸೇರಿದಂತೆ ಇಬ್ಬರು ನಟಿಯರು ಗಂಭೀರ ಆರೋಪ ಮಾಡಿದ್ದಾರೆ. ಹೀಗಾಗಿ, ''ಅಸಭ್ಯ ವರ್ತನೆ ತೋರುವವರ ಜೊತೆಗೆ ಕೆಲಸ ಮಾಡಲು ನನ್ನಿಂದ ಸಾಧ್ಯವಿಲ್ಲ'' ಎಂದು ಹೃತಿಕ್ ರೋಷನ್ ಟ್ವೀಟ್ ಮಾಡಿದ್ದರು.