ಡ್ರಗ್ಸ್ ಕೇಸ್: ಎನ್‌ಸಿಬಿ ಪ್ರಶ್ನೆಗಳಿಗೆ ಉತ್ತರಿಸಿದ ಕರಣ್ ಜೋಹರ್

ಆ ವಿಡಿಯೋದಲ್ಲಿ ಯಾರೆಲ್ಲ ಇದ್ದರು?

2019ರ ಜುಲೈನಲ್ಲಿ ಕರಣ್ ಜೋಹರ್ ಮನೆಯಲ್ಲಿ ನಡೆದಿದ್ದ ಪಾರ್ಟಿಯಲ್ಲಿ ದೀಪಿಕಾ ಪಡುಕೋಣೆ, ಮಲೈಕಾ ಅರೋರಾ, ಅರ್ಜುನ್ ಕಪೂರ್, ರೋಹಿತ್ ಧವನ್, ವರುಣ್ ಧವನ್, ಜೋಯಾ ಅಖ್ತರ್, ವಿಕ್ಕಿ ಕೌಶಲ್, ನತಾಶಾ ದಲಾಲ್, ಶಕುನ್ ಬಾತ್ರಾ, ಜೋಯಾ ಅಖ್ತರ್, ಅಯಾನ್ ಮುಖರ್ಜಿ, ಕಾರ್ತಿಕ್ ಆರ್ಯನ್, ಶಾಹಿದ್ ಕಪೂರ್ ಮತ್ತು ಅವರ ಪತ್ನಿ ಮೀರಾ ರಜಪೂತ್ ಭಾಗವಹಿಸಿದ್ದರು. ಈ ವಿಡಿಯೋವನ್ನು ಸ್ವತಃ ಕರಣ್ ಹಂಚಿಕೊಂಡಿದ್ದರು. ಈ ವಿಡಿಯೋದಲ್ಲಿ ಸೆಲೆಬ್ರಿಟಿಗಳು ಡ್ರಗ್ಸ್ ಸೇವಿಸಿದ್ದರು ಎಂಬ ಅನುಮಾನ ಮೂಡಿತ್ತು.

ಎನ್‌ಸಿಬಿಯ ಪ್ರಶ್ನೆಗಳೇನು?

ಆಜ್ ತಕ್ ವರದಿ ಮಾಡಿರುವ ಪ್ರಕಾರ, ಎನ್‌ಸಿಬಿ ಸಮನ್ಸ್‌ಗೆ ಕರಣ್ ಜೋಹರ್ ಪತ್ರದ ಮೂಲಕ ಸ್ಪಂದಿಸಿದ್ದು, ವಿಡಿಯೋ ಬಗ್ಗೆ ಕೇಳಲಾದ ಪ್ರಶ್ನೆಗಳಿಗೆ ವಿವರವಾಗಿ ಮಾಹಿತಿ ನೀಡಿದ್ದಾರೆ. ಆ ಪಾರ್ಟಿಯಲ್ಲಿ ಯಾರೆಲ್ಲಾ ಭಾಗವಹಿಸಿದ್ದರು? ಆ ವಿಡಿಯೋವನ್ನು ಯಾವ ಕ್ಯಾಮೆರಾದಲ್ಲಿ ಚಿತ್ರೀಕರಿಸಲಾಗಿದೆ? ಸೆಲೆಬ್ರಿಟಿಗಳಿಗೆ ಆಹ್ವಾನ ಪತ್ರಿಕೆ ನೀಡಲಾಗಿತ್ತೆ ಎಂಬ ಪ್ರಮುಖ ಪ್ರಶ್ನೆಗಳಿಗೆ ಡಿಸೆಂಬರ್ 18ರೊಳಗೆ ಉತ್ತರ ನೀಡುವಂತೆ ಕೇಳಿದ್ದರು. ಅದಕ್ಕೆ ಕರಣ್ ಜೋಹರ್ ವಿವರವಾಗಿ ಉತ್ತರ ಒಗಿಸಿದ್ದಾರೆ ಎಂದು ತಿಳಿದು ಬಂದಿದೆ.

ಕರಣ್ ಜೋಹರ್ ಶಂಕಿತನಲ್ಲ

ನಿರ್ಮಾಪಕ ಕರಣ್ ಜೋಹರ್ ಯಾವುದೇ ಪ್ರಕರಣದಲ್ಲಿ ಶಂಕಿತನಲ್ಲ ಎಂದು ಎನ್‌ಸಿಬಿ ಮೂಲ ಬಹಿರಂಗಪಡಿಸಿದೆ. ಆತನನ್ನು ಎನ್‌ಸಿಬಿ ಮುಂದೆ ಹಾಜರುಪಡಿಸುವ ಅಗತ್ಯವಿಲ್ಲ ಎಂದು ಆಜ್ ತಕ್ ಮಾಡಿರುವ ವರದಿಯಲ್ಲಿ ತಿಳಿಸಲಾಗಿದೆ. ಡ್ರಗ್ಸ್ ಪ್ರಕರಣಕ್ಕೆ ಸಂಬಂಧಿಸಿದಂತೆ ಕರಣ್ ಜೋಹರ್ ಅವರಿಂದ ಕೆಲವು ಮಾಹಿತಿಯನ್ನು ಪಡೆಯಬೇಕಾಗಿದೆ ಎಂದು ಎನ್‌ಸಿಬಿ ಹೇಳಿರುವುದಾಗಿ ವರದಿಯಾಗಿದೆ.

Recommended Video

KGF 2 ಸೆಟ್ ಗೆ ಹೋದ ಕಾರ್ತಿಕ್ ಗೌಡ ಪರಿಸ್ಥಿತಿ ನೋಡಿ | Filmibeat Kannada

ಈ ಹಿಂದೆ ಸಹ ಹೇಳಿಕೆ ನೀಡಿದ್ದರು

ಈ ಹಿಂದೆ ಡ್ರಗ್ಸ್ ಪ್ರಕರಣದಲ್ಲಿ ಕರಣ್ ಜೋಹರ್ ಅವರ ಹೆಸರು ಚರ್ಚೆಯಲ್ಲಿತ್ತು. ಈ ಸಂದರ್ಭದಲ್ಲಿ ಅಧಿಕೃತ ಹೇಳಿಕೆ ಬಿಡುಗಡೆ ಮಾಡಿದ್ದರು. "ನಾನು ಮಾದಕವಸ್ತುಗಳನ್ನು ಸೇವಿಸುವುದಿಲ್ಲ ಮತ್ತು ಅಂತಹ ಯಾವುದೇ ವಸ್ತುವಿನ ಬಳಕೆಯನ್ನು ನಾನು ಪ್ರೋತ್ಸಾಹಿಸುವುದಿಲ್ಲ" ಎಂದು ಕರಣ್ ಜೋಹರ್ ತಿಳಿಸಿದ್ದರು.