»   » ಸಲ್ಮಾನ್ ಖಾನ್ ಗೆ ಹತ್ತು ವರ್ಷ ಜೈಲು ಶಿಕ್ಷೆ ಸಾಧ್ಯತೆ

ಸಲ್ಮಾನ್ ಖಾನ್ ಗೆ ಹತ್ತು ವರ್ಷ ಜೈಲು ಶಿಕ್ಷೆ ಸಾಧ್ಯತೆ

Posted By:
Subscribe to Filmibeat Kannada
For Quick Alerts
ALLOW NOTIFICATIONS
For Daily Alerts

    ಹನ್ನೆರಡು ವರ್ಷಗಳ ಹಿಂದೆ ನಡೆದಂತಹ ಘಟನೆ ಇದು. ಬಾಲಿವುಡ್ ನಟ ಸಲ್ಮಾನ್ ಖಾನ್ ಅವರ ನೆತ್ತಿ ಮೇಲೆ ತೂಗುಕತ್ತಿಯಾಗಿ ನೇತಾಡುತ್ತಲೇ ಇದೆ. ಅದು 2002 ಸೆಪ್ಟೆಂಬರ್ 28ರ ಬೆಳಗಿನ ಜಾವ. ಮುಂಬೈನ ಬಾಂದ್ರಾದ ಬೇಕರಿ ಹೊರಗೆ ಸುಖ ನಿದ್ರೆಯಲ್ಲಿದ್ದವರ ಮೇಲೆ ಸಲ್ಮಾನ್ ಕಾರು ಏಕಾಏಕಿ ಹರಿದು ಒಬ್ಬರ ಸಾವಿಗೆ ಹಾಗೂ ನಾಲ್ಕು ಮಂದಿ ಗಾಯಗೊಳ್ಳಲು ಕಾರಣವಾಗಿತ್ತು.

    ಇದೀಗ ಮತ್ತೆ ಈ ಕೇಸಿನ ವಿಚಾರಣೆ ನಡೆಯುತ್ತಿದೆ. ಇಬ್ಬರು ಸಾಕ್ಷಿಗಳು ಸಲ್ಮಾನ್ ಖಾನ್ ಅವರನ್ನು ಗುರುತಿಸಿದ್ದಾರೆ. ಘಟನೆ ನಡೆದ ದಿನ ಸ್ವತಃ ಸಲ್ಮಾನ್ ಖಾನ್ ಅವರು ಕಾರು ಚಲಾಯಿಸುತ್ತಿದ್ದರು ಎಂದು ಮೊದಲ ಸಾಕ್ಷಿ ಹೇಳಿಕೆ ನೀಡಿದ್ದಾರೆ. [ಸಲ್ಲುಗೆ ಶರ್ಟ್ ಬಿಚ್ಚಿಸಲಿದ್ದಾರೆ ಯೋಗರಾಜ್ ಭಟ್!]

    Salman Khan

    ಸೆಪ್ಟೆಂಬರ್ 28, 2002ರಲ್ಲಿ ಟೊಯೋಟಾ ಲ್ಯಾಂಡ್ ಕ್ರೂಸರ್ ವಾಹನ ಚಲಾಯಿಸುತ್ತಿದ್ದ ಸಲ್ಮಾನ್ ಖಾನ್ ರಸ್ತೆ ಪಕ್ಕದಲ್ಲಿ ನಿದ್ರಿಸುತ್ತಿದ್ದವರ ಮೇಲೆ ಹರಿಸಿದರು ಎಂಬ ಆರೋಪದಡಿ ಈ ಪ್ರಕರಣದ ವಿಚಾರಣೆ ನಡೆಯುತ್ತಿದೆ.

    ಮುಂಬೈನ ಸುಬರ್ಬನ್ ಪ್ರದೇಶದ ಬಾಂದ್ರಾದಲ್ಲಿನ ಬೇಕರಿಯೊಂದರ ಬಳಿ ಈ ಘಟನೆ ನಡೆದಿತ್ತು. ಸೆಪ್ಟೆಂಬರ್ 2, 2005ರಲ್ಲಿ ಕೇಸಿನ ವಿಚಾರಣೆ ಆರಂಭಿಸಲಾಯಿತು. 2006ರಲ್ಲಿ 39 ಮಂದಿ ಸಾಕ್ಷಿಗಳನ್ನು ವಿಚಾರಣೆ ಮಾಡಿದ ನ್ಯಾಯಾಲಯ, ಅಕ್ಟೋಬರ್ 6, 2006ರಲ್ಲಿ ಸಲ್ಮಾನ್ ಮೇಲೆ ಬಾಂದ್ರಾ ಕೋರ್ಟ್ ಹತ್ತು ಅಪರಾಧಗಳನ್ನು ನಮೂದಿಸಿದೆ.

    ಸಲ್ಮಾನ್ ಖಾನ್ ಅವರು ಶಿಕ್ಷಾರ್ಹ ಅಪರಾಧದಲ್ಲಿ ಭಾಗಿಯಾಗಿದ್ದಾರೆ ಎಂದು 2013 ಜುಲೈ 24ರಂದು ಮುಂಬೈ ನ್ಯಾಯಾಲಯ ನಿರ್ಧರಿಸಿತ್ತು. ಬಾಂದ್ರಾ ಕೋರ್ಟ್ ನಿರ್ಣಯದ ಪ್ರಕಾರ ಐಪಿಸಿ 304 (ಎ) ಪ್ರಕಾರ ಸಲ್ಮಾನ್ ಗೆ ಎರಡು ವರ್ಷಗಳ ಶಿಕ್ಷೆಗೆ ಅರ್ಹರಾಗುತ್ತಾರೆ ಎಂದು ನಿರ್ಧರಿಸಿದ್ದರು. ಆದರೆ ಬಾಂದ್ರಾ ಕೋರ್ಟ್ ಆದೇಶವನ್ನು ಪ್ರಶ್ನಿಸಿ ಮುಂಬೈ ಕೋರ್ಟ್ ಮೆಟ್ಟಿಲೇರಿದ್ದರು ಸಲ್ಮಾನ್.

    ಮುಂಬೈ ಕೋರ್ಟ್ ಅಪರಾಧಗಳನ್ನು ದಾಖಲಿಸಿದ ಬಳಿಕ ತಾನು ಆ ತಪ್ಪು ಮಾಡಿಲ್ಲ ಎಂದು ನ್ಯಾಯಾಧೀಶರ ಗಮನಕ್ಕೆ ತರುವ ಮೂಲಕ ಡಿಸೆಂಬರ್ 5ರಂದು ಈ ಕೇಸನ್ನು ಸಂಪೂರ್ಣವಾಗಿ ಪುನರ್ವಿಚಾರಣೆ ಮಾಡಬೇಕೆಂದು ಮುಂಬೈ ಕೋರ್ಟ್ ಆದೇಶಿಸಿತು.

    ಈ ಕೇಸಿನ ಸಾಕ್ಷ್ಯಾಧಾರಗಳು ಕಾಣೆಯಾದ ಕಾರಣ ವಿಚಾರಣೆಯನ್ನು ಜುಲೈನಲ್ಲಿ ತಾತ್ಕಾಲಿಕವಾಗಿ ನಿಲ್ಲಿಸಲಾಯಿತು. ಸೆಪ್ಟೆಂಬರ್ ನಲ್ಲಿ ಮತ್ತೆ ಸಾಕ್ಷ್ಯಾಧಾರಗಳು ಲಭಿಸಿದ ಕಾರಣ ವಿಚಾರಣೆಯನ್ನು ಪುನಃ ಪ್ರಾರಂಭಿಸಲಾಯಿತು. ವಿಚಾರಣೆಯಲ್ಲಿ ಸಲ್ಮಾನ್ ಅವರನ್ನು ಸಾಕ್ಷಿಗಳು ಗುರುತಿಸಿದ್ದಾರೆ. ಒಂದು ವೇಳೆ ಅವರು ಅಪರಾಧಿ ಎಂದು ಸಾಬೀತಾದರೆ ಸುಮಾರು ಹತ್ತು ವರ್ಷಗಳ ಜೈಲು ಶಿಕ್ಷೆ ಸಾಧ್ಯತೆ ಇದೆ.

    English summary
    A witness in the trial of actor Salman Khan who is facing serious charge of culpable homicide not amounting to murder for killing a pavement dweller and injuring four others in a 2002 case said it was the actor who was sitting in the driver's seat before the vehicle left the restaurant in Juhu.

    Kannada Photos

    Go to : More Photos

    ಮನರಂಜನಾ ಜಗತ್ತಿನ ಎಲ್ಲ ತಾಜಾ ರೋಚಕ ಸುದ್ದಿಗಳನ್ನು ಪಡೆಯಿರಿ - Filmibeat Kannada

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more