ಒಂದು ದಿನದ ಗಳಿಕೆಯಲ್ಲಿ ಕ್ರಿಶ್ 3 ಹೊಸ ದಾಖಲೆ

ಸದ್ಯದ ದಾಖಲೆಗಳು

* ಬಿಡುಗಡೆಗೊಂಡ ನಾಲ್ಕು ದಿನಗಳಲ್ಲಿ 100 ಕೋಟಿ ರು ಗಳಿಕೆ(ದೇಶಿ ಮಾರುಕಟ್ಟೆಯಲ್ಲಿ ಮಾತ್ರ) ಕಂಡ ಎರಡನೆ ಚಿತ್ರ
* ದೀಪಾವಳಿ ಹಬ್ಬದ ಸಂದರ್ಭದಲ್ಲಿ ಸೋಮವಾರ ಒಂದೇ ದಿನ ಅತ್ಯಧಿಕ ಮೊತ್ತ ಗಳಿಕೆ ದಾಖಲೆ
* 100 ಕೋಟಿ ರು ಕ್ಲಬ್ ಸೇರಿದ ಹೃತಿಕ್ ರೋಷನ್ ಅವರ ಎರಡನೇ ಚಿತ್ರ ಮೊದಲನೆಯದ್ದು ಅಗ್ನಿಪಥ್

ನಾಲ್ಕು ದಿನಗಳ ವಿವರ

* ಸೋಮವಾರ(ನ.4) ಒಂದೇ ದಿನ ಭಾರತೀಯ ಬಾಕ್ಸಾಫೀಸ್ ನಲ್ಲಿ ನಿವ್ವಳ 35.91 ಕೋಟಿ ರು ಗಳಿಸಿ ಹೊಸ ದಾಖಲೆ ನಿರ್ಮಾಣ
* ಶುಕ್ರವಾರ(25.5 ಕೋಟಿ ರು)
* ಶನಿವಾರ (23 ಕೋಟಿ ರು )
* ಭಾನುವಾರ (24.3 ಕೋಟಿ ರು )

ಮಾರುಕಟ್ಟೆ ತಜ್ಞರ ಪ್ರತಿಕ್ರಿಯೆ

ಕೋಮಲ್ ಮೆಹ್ತಾ ಟ್ವಿಟ್ಟರ್ ನಲ್ಲಿ ಪ್ರತಿಕ್ರಿಯೆ ನೀಡಿ " ಕ್ರಿಶ್ 3 ಬೆಳಕಿನ ಹಬ್ಬವನ್ನು ಭರ್ಜರಿಯಾಗಿ ಆಚರಿಸಿದೆ. ಸೋಮವಾರ 35.91 ಕೋಟಿ ರು ಗಳಿಸುವ ಮೂಲಕ ಹೊಸ ದಾಖಲೆ ಬರೆದಿದೆ ಇದು ಒಂದು ದಿನದಲ್ಲಿ ಇದುವರೆವಿಗೂ ಗಳಿಸಿರುವ ದೊಡ್ಡ ಮೊತ್ತ ಎಂದಿದ್ದಾರೆ.

ತರಣ್ ಆದರ್ಶ್

ಜನಪ್ರಿಯ ಮಾರುಕಟ್ಟೆ ತಜ್ಞ ತರಣ್ ಆದರ್ಶ್ ಟ್ವೀಟ್ ಮಾಡಿ
*highest single day* record lies shattered. #Krrish3 collects History on Mon. Collects Rs 35.91 cr. The highest *single day* figure EVER." ಎಂದಿದ್ದಾರೆ. ಜತೆಗೆ 100 ಕೋಟಿ ರು ಕ್ಲಬ್ ಸೇರಿದ್ದು 108.61 ಕೋಟಿ ರು ಗಳಿಸಿದೆ ಎಂದು ದೃಢಪಡಿಸಿದ್ದಾರೆ.

ಚೆನ್ನೈ ಎಕ್ಸ್ ಪ್ರೆಸ್ ದಾರಿಯಲ್ಲಿ

ಕ್ರಿಶ್ 3 ಭಾರಿ ಗಳಿಕೆಯ ಮುನ್ಸೂಚನೆ ನೀಡಿದ್ದು, ಶಾರುಖ್ ಖಾನ್-ರೋಹಿತ್ ಶೆಟ್ಟಿ ಅವರ ಚೆನ್ನೈ ಎಕ್ಸ್ ಪ್ರೆಸ್ ಚಿತ್ರದ ದಾಖಲೆಗಳ ಹಿಂದೆ ಬಿದ್ದಿದೆ.

ಚೆನ್ನೈ ಎಕ್ಸ್ ಪ್ರೆಸ್ ಬಿಡುಗಡೆಗೊಂಡ ಮೊದಲ ಮೂರು ದಿನಗಳಲ್ಲೇ 100.42 ಕೋಟಿ ರು ಗಳಿಸಿತ್ತು. ಈಗ ಕ್ರಿಶ್ 3 ಚಿತ್ರ ನಾಲ್ಕು ದಿನಗಳಲ್ಲಿ 108.61 ಕೋಟಿ ರು ಗಳಿಸಿ ಅತ್ಯಂತ ತ್ವರಿತವಾಗಿ 100 ಕೋಟಿ ರು ಗಳಿಕೆ ಪಟ್ಟಿ ಸೇರಿದ ಎರಡನೇ ಚಿತ್ರ ಎನಿಸಿದೆ.