Real Hero Sonu Sood: ಸಹಾಯಕ್ಕಾಗಿ 'ಸೋನು ಸೂದ್' ಮನೆ ಮುಂದೆ ಜನರ ದಂಡು!

ಸಹಾಯ ಬೇಡಿ ಸೋನು ಸೂದ್ ಮನೆಗೆ ಜನರ ದಂಡು!

ನಿತ್ಯವೂ ಒಂದಲ್ಲಾ ಒಂದು ರೀತಿಯಲ್ಲಿ ಸಹಾಯ ಕೇಳಿಕೊಂಡು ಹತ್ತಾರು ಜನ ಸೋನು ಸೂದ್ ಮನೆಯ ಬಳಿಯ ಬಳಿ ನೆರೆದಿದ್ದಾರೆ. ಸೋನು ಸೂದ್ ಕೂಡ ತಮ್ಮ ಸಮಯವನ್ನು ಜನರಿಗೆ ಕೊಟ್ಟು ಸಹನೆಯಿಂದ ಎಲ್ಲಾ ಸಮಸ್ಯೆಗಳನ್ನು ಆಲಿಸುತ್ತಾ ಇದ್ದಾರೆ. ಈ ಕುರಿತ ವಿಡಿಯೋ ಒಂದು ಈಗ ಸಾಮಾಜಿಕ ಜಾಲತಾಣದಲ್ಲ ವೈರಲ್ ಆಗಿದೆ.

ಸೋನು ಸೂದ್ ಬಳಿ ಗೋಳು ಹೇಳಿಕೊಂಡ ಜನ!

ದೆಹಲಿಯಿಂದ ಸೋನು ಸೂದ್ ಮನೆ ಮುಂದೆ ಬಂದು ನಿಂತ ಮಹಿಳೆ ಒಬ್ಬರು ತಮ್ಮ ಕೈಯಲ್ಲಿ ಹಸುಗೂಸನ್ನು ಇಟ್ಟುಕೊಂಡು, ತಾನು ತುಂಬಾ ಕಷ್ಟದಲ್ಲಿ ಇರುದಾಗಿ ಹೇಳಿಕೊಂಡಿದ್ದಾರೆ. ಜೊತೆಗೆ ಕಾಲು, ಕೈ ಇಲ್ಲದ ಅಂಗವಿಕಲರು ತಮ್ಮ ಕಷ್ಟಗಳನ್ನು ಸೋನು ಸೂದ್ ಬಳಿ ಹೇಳಿಕೊಂಡಿದ್ದಾರೆ.

ಜನರ ಕಷ್ಟಗಳನ್ನು ಆಲಿಸಿದ ಸೋನು ಸೂದ್!

ಇನ್ನು ತನ್ನನ್ನು ನಂಬಿ ಬಂದ ಜನರಿಗೆ ಸೋನು ಸೂದ್ ಸಹಾಯ ಮಾಡಲು ಮುಂದಾಗಿದ್ದಾರೆ. ಯಾರಿಗೆ ಏನು ಅವಶ್ಯಕತೆ ಇದೆ. ಏನೇನು ಸಹಾಯ ಬೇಡಿ ಬಂದಿದ್ದಾರೆ ಎನ್ನುವ ಬಗ್ಗೆ ಸಂಪೂರ್ಣ ಮಾಹಿತಿಯನ್ನು ಪಡೆದೊಕೊಂಡಿದ್ದಾರೆ. ಸರ್ಕಾರ ಮಾಡಬೇಕಾದ ಕೆಲಗಳನ್ನು ಜನರಿಗಾಗಿ ಮಾಡಲು ಸೋನು ಸೂದ್ ಮುಂದೆ ಬಂದಿದ್ದಾರೆ.

ಸಾಮಾಜಿಕ ಸೇವೆಗೆ ಸೋನು ಸೂದ್ ಸದಾ ಮುಂದು!

2020ರಿಂದ ಸೋನು ಸೂದ್ ಸತತವಾಗಿ ಸಾಮಾಜಿಕ ಸೇವೆ ಮಾಡುತ್ತಲೇ ಬಂದಿದ್ದಾರೆ. ಮೊದಲ ಲಾಕ್‌ಡೌನ್‌ನಲ್ಲಿ ಕಾರ್ಮಿಕರಿಗೆ ಸಹಾಯ ಮಾಡಿದ್ದ ಸೋನು ಸೂದ್ ಹಲವು ಮಂದಿಗೆ ಲಾಕ್‌ಡೌನ್ ಮುಗಿವ ವರೆಗೆ ಊಟದ ವ್ಯವಸ್ಥೆ ಮಾಡಿದ್ದರು. ಬಳಿಕ ಎರಡನೇ ಅಲೆಯ ಸಂದರ್ಭದಲ್ಲಿ ಆಮ್ಲಜನಕ ಸಿಲಿಂಡರ್ ವಿತರಣೆ, ಆಕ್ಸಿಜನ್ ಕಾನ್‌ಸಂಟ್ರೇಟರ್‌ಗಳ ವಿತರಣೆ ಮಾಡಿದ್ದರು. ಹಾಗೆ ಸಹಾಯಕ್ಕಾಗಿ ತಮ್ಮ ಬಳಿಗೆ ಬರುವ ಜನರಿಗೆ ಒಂದಲ್ಲಾ ಒಮದು ರೀತಿಯಲ್ಲಿ ಸಹಾಯ ಮಾಡುತ್ತಲೇ ಇದ್ದಾರೆ.